Ezipt Lɔ Tulɛ'n 4:23 - NYANMIƐN NDƐ'N 1998

²³ N seli wɔ kɛ a yaci i nun nan ɔ ko su min, sanngɛ a kplin-man su. I sɔ'n ti, n wa yo man ɔ klun ba yasua klikli'n ´wu.› »

Ezipt Lɔ Tulɛ'n 4:23 ပူးပေါင်းရင်းမြစ်များ

Jue Mun 105:36

Eziptfuɛ'm be awlo'm be nun ba klikli bɔ be ti be talua ba'n, ɔ kunnin be kwlaa.

Jue Mun 135:8

Ezipt lɔ'n, kɛ ɔ fɛ i sran'm be nun lele fa wlu nnɛn'm be nun'n, ɔ yoli man be mma klikli'm be wuli.

Jue Mun 136:10

Ɔ tuli Eziptfuɛ'm be fɔ, ɔ yoli man be mma klikli'm be wuli, afin i klun-ufue'n wo lɛ tititi.

Jue Mun 78:51

Ɔ kunnin Ezipt lɔ ba klikli'm be kwlaa, yɛ ɔ kunnin Kam i awlo nun talua ba'm be kwlaa.

Ezipt Lɔ Tulɛ'n 10:3

Moiz nin Aarɔn be ko toli Ezipt famiɛn'n nan b'a se i kɛ: «Anannganman b'ɔ ti Ebre'm be Nyanmiɛn'n, ɔ usa wɔ kɛ: ‹?Ɔ wun ase nga ɔ waan a kɛn-mɛn i lɛ'n, a ´yo i sɔ lele ´fa ju cɛn onin? Man min sran'm be atin nan be kɔ su min.

Ezipt Lɔ Tulɛ'n 10:4

Sɛ ɔ waan a kplin-man su'n, ainman, n wa sunman lalo mun ɔ mɛn'n i wunmuan'n nun.

Ezipt Lɔ Tulɛ'n 11:5

Ezipt mɛn'n nun ba klikli'm be kwlaa be wa wu. Ɔ bɔbɔ kpa bɔ a o famiɛn bia'n su'n, ɔ́ wa klikli nin o, ɔ junman difuɛ bla ng'ɔ si ble'n i wa klikli nin o, ɔ nnɛn'm be mma klikli mun o, be kwlaa be ´wu.

Ezipt Lɔ Tulɛ'n 12:29

Kɔnguɛ afiɛn'n, Anannganman yoli man ba klikli nga be o Ezipt mɛn'n nun'n be wuli. Kɛ ɔ fɛ i famiɛn'n b'ɔ o famiɛn bia'n su'n i wa klikli'n i su'n lele fa ju i bisuafuɛ'm be wa klikli liɛ'm be su'n be kwlaa be wuli. Nnɛn'm bé wa klikli liɛ'm be wuli wie.

Ezipt Lɔ Tulɛ'n 13:15

Ezipt famiɛn'n waan be wu be bla, ɔ su kplin-man su kɛ e wɔ, i ti Anannganman yoli man Ezipt lɔ ba klikli'm be ngba be wuli. Kɛ ɔ fɛ i sran'm bé wa yasua klikli'm be su lele b'ɔ ´fa wlu nnɛn'm be liɛ nun be wuli. Sa nga ti bɔ e fa nnɛn'm bé wa yasua klikli mun e fa man Anannganman i bo yɛ ɔ o lɛ-ɔ, sanngɛ sran'm be liɛ'n, e kpɔ bé wa klikli'm bé ti.›

Ezipt Lɔ Tulɛ'n 18:8

Moiz kannin sa nga Anannganman fa yili i Ezipt famiɛn'n nin Eziptfuɛ'm be su Izraɛlfuɛ'm be dunman nun'n kwlaa. Ɔ kannin nyrɛnnɛn nga be wunnin i atin nun'n, ɔ nin delɛ nga bɔ Anannganman fa deli be'n.

Ezipt Lɔ Tulɛ'n 3:18

Izraɛlfuɛ'm be ´fa ɔ nuan ndɛ'n su. Kɛ ɔ ko yo sɔ'n, a nin be kpɛnngbɛn mun, amun ko to Ezipt famiɛn'n. Amun `se i kɛ: ‹Anannganman, Ebre'm be Nyanmiɛn'n, e Nyanmiɛn'n, ɔ yili i wun nglo kleli ye. Man e atin nan e `fa cɛn nsan e `nanti e `wɔ aawlɛ flɛnnɛn'n nun lɔ, e `ko yi tɛ e man e Nyanmiɛn'n.›

Ezipt Lɔ Tulɛ'n 5:1

Kɛ ɔ yoli sɔ'n, Moiz nin Aarɔn be ko toli Ezipt famiɛn'n yɛ be seli i kɛ: «Ndɛ nga Anannganman b'ɔ ti Izraɛl Nyanmiɛn'n kan'n yɛ. I waan a yaci i sran'm be nun man be wɔ aawlɛ flɛnnɛn'n nun lɔ be ko di cɛn be mɛnmɛn i.»

Ezipt Lɔ Tulɛ'n 6:11

«Kɔ nan ko se Ezipt famiɛn'n kɛ ɔ yaci Izraɛlfuɛ'm be nun man be jaso i mɛn'n nun.»

Ezipt Lɔ Tulɛ'n 7:16

Kan kle famiɛn'n kɛ: ‹Anannganman b'ɔ ti Ebre'm be Nyanmiɛn'n sunmannin min kɛ n se wɔ kɛ: Yaci min sran'm be nun man be ko su min aawlɛ flɛnnɛn'n nun lɔ. Lele b'ɔ ´fa ju ndɛ'n, a klo-man kɛ ɔ́ su ti i sɔ ndɛ'n mlɔnmlɔn.

Ezipt Lɔ Tulɛ'n 8:1

Anannganman seli Moiz kɛ: «Kan kle Aarɔn kɛ ɔ fa kpɔnman'n nan ɔ man i sa'n su nzue ba mun nin nzue sama mun, ɔ nin fɛtɛ'm be su kɛ ɔ ´yo nan klɛ'm b'a fa Ezipt mɛn wunmuan'n ti.»

Ezipt Lɔ Tulɛ'n 8:16

Anannganman seli Moiz kɛ: «Jaso ainman nglɛmun ndɛ kpa'n nan ko to famiɛn'n kɛ ɔ ´fite kɔ nzue nuan lɔ'n. Se i kɛ Anannganman wan yoo: ‹Man min sran'm be atin nan be ko su min.

Ezipt Lɔ Tulɛ'n 8:17

Sɛ w'a yaci-man min sran'm be nun'n, n wa yaci ngɔnsiɛn wie bɔ be nuan yo ya'n be nun, be ´kle wɔ nin ɔ mantanfuɛ mun nin ɔ nvle nunfuɛ mun, ɔ nin wɔ awlo'n nunfuɛ'm be nyrɛnnɛn. Eziptfuɛ'm be sua'm be nun wa yo ngɔnsiɛn sɔ'm be ngunmin kokoko. Be su di-man be yalɛ asiɛ nga amun nanti su'n i su.

Ezipt Lɔ Tulɛ'n 8:20

Anannganman yoli i kɛ ɔ fa kannin'n sa. Ngɔnsiɛn bɔ be nuan yo ya'n be bali kaka kpa, be fali Ezipt mɛn wunmuan'n, be wluli famiɛn'n i sua'n nun lɔ, ɔ nin i mantanfuɛ'm be liɛ'm be nun. Ngɔnsiɛn sɔ'm be sacili Ezipt mɛn'n.

Ezipt Lɔ Tulɛ'n 9:1

Anannganman seli Moiz kɛ: «Kɔ ko to famiɛn'n lɔ nan se i kɛ: ‹Anannganman b'ɔ ti Ebre'm be Nyanmiɛn'n waan a yaci i sran'm be nun nan be wɔ be ko su i.

Ezipt Lɔ Tulɛ'n 9:13

Anannganman seli Moiz kɛ: «Ainman nglɛmun ndɛ kpa'n, jaso ko to famiɛn'n lɔ nan se i kɛ: ‹Anannganman b'ɔ ti Ebre'm be Nyanmiɛn'n, i waan a yaci i sran'm be nun nan be ko su i.

Ezipt Lɔ Tulɛ'n 9:2

Sɛ ɔ waan a yaci-man be nun be kɔ-man nan a tra be ase ekun'n,

Ndɛ Nga Nyanmiɛn I Nuan Ijɔfuɛ Oze Kannin'n 11:1

«Kɛ Izraɛl tɛ yo sɛsɛ kan'n, yɛ n sɔli i klolɛ-ɔ, i nun sɔ'n nun yɛ n flɛli mín wa'n kɛ ɔ jao Ezipt lɔ bla-a .