Ezipt Lɔ Tulɛ'n 4:22 - NYANMIƐN NDƐ'N 1998

²² I blɛ sɔ nun'n, se i kɛ: ‹Ndɛ nga Anannganman kan'n yɛ: Izraɛl nvle'n ti kɛ min wa yasua sa, min wa yasua klikli nin-ɔn.

Ezipt Lɔ Tulɛ'n 4:22 ပူးပေါင်းရင်းမြစ်များ

Jue Mun 89:27

Ɔ ´kpan flɛ min ´se kɛ: ‹Min si yɛlɛ wɔ, a ti min Nyanmiɛn, a ti kɛ yɛbuɛ sa, wɔ yɛ n talo wɔ yɛ n nyan n ti-ɔ.›

Ezipt Lɔ Tulɛ'n 6:11

«Kɔ nan ko se Ezipt famiɛn'n kɛ ɔ yaci Izraɛlfuɛ'm be nun man be jaso i mɛn'n nun.»

Ezipt Lɔ Tulɛ'n 7:16

Kan kle famiɛn'n kɛ: ‹Anannganman b'ɔ ti Ebre'm be Nyanmiɛn'n sunmannin min kɛ n se wɔ kɛ: Yaci min sran'm be nun man be ko su min aawlɛ flɛnnɛn'n nun lɔ. Lele b'ɔ ´fa ju ndɛ'n, a klo-man kɛ ɔ́ su ti i sɔ ndɛ'n mlɔnmlɔn.

Ezai 63:16

Sanngɛ wɔ yɛ a ti é si nin-ɔn, Abraam si-man ye, Zakɔb kusu si-man ye. Wɔ Anannganman yɛ a ti é si nin-ɔn. Kɛ ɔ fin lalaa'n, be flɛ wɔ kɛ E Ti Kpɔfuɛ.

Ezai 64:8

Anannganman, nán fa ya kpe nun, nán man sa tɛ nga e yo be'm be ´ka ɔ klun titi sɔ. Nian, e kwlaa e ti ɔ sran.

Zeremi 2:14

«?Izraɛl ti kanga? ?Ɔ ti afanniɛn ba? ?Cɛcɛ, yɛ ɔ yo sɛ ti yɛ man be trɛ i be kɔ kɛ be su di afɛn sa nin-ɔn?

Zeremi 31:9

Be ´ba'n, wuun be ´sun. E nin be e ´ba'n, wuun n ´kpata be. N ´fa be m ba nzue ba nuan. N ´fa be n sin atin treketreke su, ɔ lɛ-man kɛ bé ja ɔ'a kpla. Afin Izraɛl i si yɛlɛ min. Efraim ti mín wa yasua klikli.»

Ndɛ Nga Nyanmiɛn I Nuan Ijɔfuɛ Oze Kannin'n 11:1

«Kɛ Izraɛl tɛ yo sɛsɛ kan'n, yɛ n sɔli i klolɛ-ɔ, i nun sɔ'n nun yɛ n flɛli mín wa'n kɛ ɔ jao Ezipt lɔ bla-a .

Malasi 1:6

Min Anannganman bɔ n sie mɛn wunmuan'n, n se min nyrun jranfuɛ'm be kɛ yoo: «Bakan kwlaa i nyin yi i si, sran ng'ɔ ti afanniɛn'n kusu i nyin yi i min'n. ?Yɛ min li, nán min yɛ n ti amún si, ɔ nin amun min nin-ɔn? ?Yɛ ɔ yo sɛ, bɔ amún nyin yi-man min, bɔ amun sro-man min-ɔn? Amun yo min finfin, kpɛkuun amun usa kɛ: ‹?Finfin sɛ yɛ e yo wɔ-ɔ?›

Matthieu 2:15

Ɔ trannin lɔ lele san Erɔd wuli, kɛ ɔ yo nan ndɛ nga e Min Nyanmiɛn'n man i nuan ijɔfuɛ'n kannin'n ɔ'a kpɛn su'n ti. Nyanmiɛn nuan ijɔfuɛ sɔ'n seli kɛ: «N flɛli n wa yasua'n kɛ ɔ jaso Ezipt lɔ bla .»

Rɔmfuɛ Mun 9:4

Be ti Izraɛlfuɛ, Nyanmiɛn man be kacili i wa, ɔ nin be trannin, ɔ kleli be like ng'ɔ se kɛ ɔ ´yo man be'n, ɔ fɛ i mmla'n mannin be, yɛ ɔ kleli be i sɔlɛ wafa'n nin like nga ɔ wa yo'n .

2 Korɛntfuɛ Mun 6:18

N ´yo amún si, yɛ amun kusu amun ´yo min wa yasua nin min wa bla.» Kɛ e Min Nyanmiɛn b'ɔ kwla like'n kwlaa yo'n ɔ se sɔ-ɔ .

Mmla'n 14:1

Amun ti Anannganman amun Nyanmiɛn'n i mma mun. Sɛ amun sran wu'n, nán amun bobo amun wun kannin, nán amun yi amun ti'n i bue kun amun ngban su wa .

Mmla'n 32:6

?Amun waan amun fa amun sa tɛ sɔ'n guɛ i Anannganman su? Amun lɛ-man akunndan. ?Nzu sran yɛ be sinnzin'n cɛnnin sɔ-ɔ? ?Ɔ ti-man amun si? ?Nán i yɛ ɔ jrali amun-ɔn? ?Nɛ́n i yɛ ɔ fali amun fa yoli i nvle nin-ɔn?

Hébreu 12:23

An bali Nyanmiɛn i mma ngbɛn-ngbɛn bɔ be klɛli be dunman nyanmiɛn su lɔ'n bé cɛn dilɛ'n bo nin be anyia'n nun. An bali Nyanmiɛn b'ɔ ti sran'n kwlaa be jɔlɛ difuɛ'n, nin sran kpa nga Nyanmiɛn a kaci be sran kpa mlɔnmlɔn siɛn'n be wawɛ'n,

Jacques 1:18

I ndɛ nanwlɛ'n ti ɔ fa e kaci i wa i klun klo su nan y'a yo like ng'ɔ yili be'n be kwlaa be nun klikli.