Ezipt Lɔ Tulɛ'n 4:21 - NYANMIƐN NDƐ'N 1998

²¹ Anannganman seli i ekun kɛ: «Abonuan ninnge wafa-wafa nga n yoli man a kwlali be yo lɛ'n, kɛ a ´sa ɔ́ sin Ezipt lɔ yɛ'n, yo i sɔ abonuan sa mun Ezipt famiɛn'n i nyrun. N wa yo man ɔ su sie-mɛn i su ɔ ndɛ'm bé bo, ɔ su yaci-man Izraɛlfuɛ'm be nun kɛ be wɔ.

Ezipt Lɔ Tulɛ'n 4:21 ပူးပေါင်းရင်းမြစ်များ

Bo Bolɛ 6:3

Yɛ Anannganman seli kɛ: «Ɔ fata-man kɛ nguan nga n fa mannin sran mun'n ɔ cɛ be nun ngboko, afin kannzɛ ɔ yo sɛ be ´wu. Siɛn'n sɛ be waan b'a cɛ o yɛlɛ afuɛ ya ablaɔn.»

1 Famiɛn Mun 22:22

I waan: ‹N ´ko yo ato wawɛ, n ´wlu famiɛn'n i wunnzue yifuɛ'm be nun, ɔ man be ´bua ato.› Yɛ Anannganman seli i kɛ: ‹Sakpa, sɛ a yo i sɔ'n, a ´nyɛn i mlɔnmlɔnmlɔn. Kɔ nan yo i sɔ.›

Jue Mun 105:25

Ɔ kacili Eziptfuɛ'm be anwlɛn'n, Nyanmiɛn yoli man b'a klo-mɛn i bɔbɔ i sran'n bé sa kun. Be kpɛli be gblɛ, be yoli be tɛtɛ.

Jue Mun 78:43

Sa kekle ng'ɔ fa yili i Eziptfuɛ'm be su'n, yɛ atrɛ ng'ɔ yili i Zɔan asa'n su'n, bé wla fili.

Ezipt Lɔ Tulɛ'n 10:1

Anannganman seli Moiz kɛ: «Kɔ famiɛn'n i wun lɔ. Min yɛ n keteli i nin i mantanfuɛ'm be anwlɛn nin-ɔn, kɛ ɔ ´yo nan m'an yo min abonuan sa mun be afiɛn'n ti.

Ezipt Lɔ Tulɛ'n 10:20

Sanngɛ Anannganman yoli man famiɛn'n i anwlɛn'n keteli, ɔ man i waan ɔ yaci-man Izraɛlfuɛ'm be nun be kɔ-man.

Ezipt Lɔ Tulɛ'n 10:27

Anannganman yoli man famiɛn'n keteli i anwlɛn'n, ɔ man i waan ɔ man-man be atin be kɔ-man.

Ezipt Lɔ Tulɛ'n 11:10

Moiz nin Aarɔn b'a dun mmua b'a yi atrɛ kpanngban kpa famiɛn'n nyrun, sanngɛ Anannganman yoli man i anwlɛn'n keteli. I sɔ'n ti, ɔ'a yaci-man Izraɛlfuɛ'm be nun kɛ be wɔ.

Ezipt Lɔ Tulɛ'n 11:9

Anannganman seli Moiz ekun kɛ: «Sɛ famiɛn'n waan ɔ fɛ i ti de-man ndɛ'n, kɛ ɔ ´yo nan m'an yi atrɛ kpanngban i mɛn'n nun'n i ti-ɔ.»

Ezipt Lɔ Tulɛ'n 14:17

Min liɛ kusu, n wa kete Eziptfuɛ'm be anwlɛn'n, nan be wlu amún sin jenvie'n nun. Kwlalɛ bɔ n wa kwla Ezipt famiɛn'n nin i alɛ kunfuɛ mun, ɔ nin i nnɛn kpanngɔ su fufuɛ mun'n, yɛ sacilɛ bɔ n wa saci i kakaklolo mun'n i dunman nun ti sran'm be wa manman min.

Ezipt Lɔ Tulɛ'n 14:4

N wa kete famiɛn'n i anwlɛn'n, ɔ wa su amun su. Min kwlalɛ bɔ n ´fa kwla famiɛn'n nin i alɛ kunfuɛ mun'n ti, sran'm be wa manman min. Kɛ ɔ ko yo sɔ'n, Eziptfuɛ'm be wa si kɛ min yɛ n ti Anannganman nin-ɔn.» Izraɛlfuɛ'm be yoli nga Moiz kan kleli be kɛ be yo'n.

Ezipt Lɔ Tulɛ'n 14:8

Anannganman yoli man famiɛn'n i anwlɛn keteli, kɛ bɔ Izraɛlfuɛ'm be ´kɔ'n, be jasoli Ezipt lɔ kɛ b'a dun mmua b'a nyan be ti sa.

Ezipt Lɔ Tulɛ'n 3:19

N si kɛ Ezipt famiɛn'n su man-man amun atin kɛ amun wɔ. San be ´miɛn i fii kpa.

Ezipt Lɔ Tulɛ'n 3:20

I ti'n, m ´ba yasua su Eziptfuɛ'm be afiɛn, kpɛkuun n ´fa abonuan sa nga n ´yo be'n n ´fa kle be nyrɛnnɛn. I sin famiɛn'n ´yaci amun nun amun ´kɔ.

Ezipt Lɔ Tulɛ'n 7:13

Famiɛn'n i anwlɛn'n keteli ti ɔ'a sie-mɛn i su ndɛ nga Moiz nin Aarɔn be kannin'n i bo. Kɛ Nyanmiɛn dun mmua kɛnnin i sɔ-ɔ.

Ezipt Lɔ Tulɛ'n 7:3

Yɛ n kusu n wa kete Ezipt famiɛn i anwlɛn'n. N wa yo atrɛ ninnge nin abonuan sa mun kaka kpa i mɛn'n nun.

Ezipt Lɔ Tulɛ'n 8:11

Kɛ famiɛn'n ´nian bɔ lika'n ɔ'a tɔ fɔun kan'n, kpɛkuun ɔ yoli nyin kekle ekun kɛ Nyanmiɛn dun mmua kannin'n sa. Ɔ'a sie-mɛn i su Moiz nin Aarɔn be ndɛ'n bo.

Ezipt Lɔ Tulɛ'n 8:15

Blɛ sɔ'n nun yɛ atrɛ yifuɛ'm be seli Ezipt famiɛn'n kɛ: «Nyanmiɛn i tinmin'n yɛ ɔ su di junman ng'ɔ o lɛ nin-ɔn.» Sanngɛ kɛ Nyanmiɛn fa dun mmua kannin'n i su yɛ ɔ yoli-ɔ. Famiɛn'n i anwlɛn'n keteli, ɔ'a sie-mɛn i su Moiz nin Aarɔn be ndɛ'n bo.

Ezipt Lɔ Tulɛ'n 9:12

Anannganman yoli man Ezipt famiɛn'n i anwlɛn'n keteli kɛ Anannganman bɔbɔ dun mmua kan kleli Moiz'n sa. Ɔ'a fɛ-mɛn i su ɔ'a sie-mɛn i Moiz nin Aarɔn be ndɛ'n bo.

Ezipt Lɔ Tulɛ'n 9:35

Kɛ Anannganman man Moiz fa dun mmua kannin'n sa, famiɛn'n keteli i anwlɛn. I waan ɔ man-man Izraɛlfuɛ'm be atin kɛ be wɔ.

Ezai 6:10

Kete sran sɔ'n be anwlɛn'n, tannin bé su mun, yɛ kata be nyinma mun kɛ ɔ ´yo nan b'a wun-man ase, nan b'a ti-man sa, nan be akunndan'n i su ɔ'a kata nan b'a kaci-man be nzuɛn'n, nan b'a yo-man juejue'n ti .› »

Ezai 63:17

?Anannganman, ɔ yo sɛ ti yɛ a yo man e wlan-wlan vaa bɔ e fa-man wɔ atin nin-ɔn? ?Ɔ yo sɛ ti yɛ a kete ye anwlɛn'n bɔ e sro-man wɔ nin-ɔn? E bɔ e ti ɔ sufuɛ mun'n, bɔ e ti ɔ liɛ'n, e dunman nun ti, sa ɔ́ sin bla.

Jean 12:40

«Nyanmiɛn kacili be anyansifuɛ, ɔ man be keteli. Ɔ yoli sɔ nan be nyinma a wun-man ase, nan b'a wun-man sa wlɛ, nan b'a sa-man bé sin min wun nan m'an yo-man be juejue.»

Rɔmfuɛ Mun 1:28

Kɛ bé nyin kpali Nyanmiɛn su'n, i kusu yili i sa be su ɔ man akunndan tɛtɛ bali bé ti nun yɛ be yo sa b'ɔ ti-mɛn i su'n.

Rɔmfuɛ Mun 9:18

Ɔ man e si kɛ sran nga i waan ɔ ´yo i ye, ɔ yo i ye, yɛ sran nga i waan ɔ ´kete i'n, ɔ kete i.

2 Korɛntfuɛ Mun 2:16

Be nga be su mlin'n be liɛ'n ɔ ti kɛ duwlɛ kpukpuwa sa, ɔ kun sran, yɛ be nga be su fite nun'n be liɛ'n ɔ ti like kpa, ɔ man be nyan nguan. ?Wan yɛ ɔ kwla di i sɔ junman nin-ɔn?

Mmla'n 2:36

Kɛ ɔ fɛ i Arɔɛr b'ɔ o Arnɔn nzue ba'n i nuan'n, ɔ nin klɔ ng'ɔ o kongo nun'n lɔ lele b'ɔ ´fa ju Galaad mɛn'n nun'n, klɔ ba kun sa ɔ'a kwla jran-man e nyrun. Anannganman e Nyanmiɛn'n fali be kwlakwla mannin ye.

Zozie 11:20

Afin Anannganman man mɛn sɔ nunfuɛ'm be waan san alɛ yɛ be nin Izraɛlfuɛ'm be ´kun-ɔn. I sɔ'n ti, Izraɛlfuɛ'm be kusu be kunnin be kwlakwla kɛ Anannganman fa kan kleli Moiz'n sa.

1 Piɛr 2:8

Ɔ ti yɛbuɛ b'ɔ kpla sran'm bé ja, ɔ ti yɛbuɛ dan kun bɔ sran'm be fin ase su.» Bé ja'n kplɛli i yɛlɛ kɛ b'a fa-man Nyanmiɛn ndɛ'n su, afin kɛ Nyanmiɛn'n sieli be liɛ'n sɔ-ɔ .