Ezipt Lɔ Tulɛ'n 4:12 - NYANMIƐN NDƐ'N 1998

¹² Kɔ siɛn'n, kɛ a ´ijɔ'n, n ´uka wɔ, n ´kle wɔ ndɛ nga ɔ fata kɛ a kan'n.»

Ezipt Lɔ Tulɛ'n 4:12 ပူးပေါင်းရင်းမြစ်များ

Jue Mun 105:26

Nan ɔ'a sunman Moiz b'ɔ ti i sufuɛ'n, ɔ nin Aarɔn b'ɔ kpɛli i'n.

Jue Mun 143:10

Kle min ɔ klun sa'n i yolɛ'n. Wɔ yɛ a ti min Nyanmiɛn nin-ɔn. Man ɔ Wawɛ klun-ufuefuɛ'n ɔ dun mmua min nyrun atin b'ɔ ti kpa'n su.

Jue Mun 32:9

kɛ ɔ ´yo nan sa ɔ'a tɔ-man ɔ su'n ti. Nán yo kɛ nnɛn kpanngɔ annzɛ milɛ b'ɔ be si-man ngwlɛlɛ'n be sa. Be fa nyanman nin blalɛ wla be nuan'n nun.

Ezipt Lɔ Tulɛ'n 3:12

Nyanmiɛn tɛli i su kɛ: «N jin ɔ́ sin, yɛ nian, nzɔliɛ b'ɔ kle kɛ min yɛ n sunman wɔ'n yɛ. Kɛ a ko fa Izraɛlfuɛ mun ko fite'n, amun wa su min oka nga su.»

Ezipt Lɔ Tulɛ'n 4:13

Moiz waan: «N ´srɛ wɔ kpa ti-ɔ, min Min, sunman sran uflɛ.»

Ezipt Lɔ Tulɛ'n 4:15

Kan ndɛ'n kle i, ndɛ nga ɔ fata kɛ ɔ kan'n, kan kle i. Blɛ bɔ amun ´ijɔ'n, m bɔbɔ n ´jran amun sran nnyɔn'n amun sin. N wa kle amun like nga ɔ fata kɛ amun yo'n.

Ezipt Lɔ Tulɛ'n 4:16

I yɛ ɔ wa kan ɔ́ nuan su ndɛ kle nvlefuɛ mun-ɔn. Ɔ ´ijɔ ɔ́ nuan, ɔ kusu a ´kaci kɛ i Nyanmiɛn sa yɛ a ´kan ndɛ'n ´kle i-ɔ.

Ezai 49:2

Ɔ yoli man ndɛ ng'ɔ fin mín nuan fite'n ɔ kaci kɛ tokofi b'ɔ la kpa'n sa. Ɔ fɛli i sa'n i fɔnvɔ'n katali min su. Ɔ yoli man n kacili kɛ ta mma b'ɔ ti piembie kpa'n sa. Sɛ n ´kwla se'n, ɔ fali min fiali i ta'n i bua'n nun.

Ezai 50:4

Anannganman Nyanmiɛn'n ɔ yo man n si ijɔ kɛ be nga be suan like'n be fa ijɔ'n sa, i waan ɔ ´yo nan m'an si ndɛ ng'ɔ fata kɛ n kan nan m'an fa uka be nga b'a fɛ mun'n ti. Nglɛmun kwlaa, ɔ tinnge min, yɛ ɔ kle min wafa nga n ´fa ń su n ´sie ndɛ nga be kan'n i bo'n kɛ be nga be suan like'n be fa yo'n sa'n.

Zeremi 1:9

Yɛ Anannganman tinngɛli i sa'n nun nan ɔ'a kan mín nuan'n, yɛ ɔ seli min kɛ: «M'an fa min ndɛ'n m'an wla ɔ́ nuan.

Kalɛ 16:28

Moiz seli kɛ: «Amun wa wun kɛ Anannganman yɛ ɔ sunmannin min sakpa kɛ n wa yo sa'n kwlaa nga n yo be lɛ mun-ɔn, nan nán m bɔbɔ min fanngan nun yɛ n yo be-ɔ.

Marc 13:11

Kɛ be ´fa amun ko man sran mun'n, nán an dun mmua bu ndɛ nga amun ´kan'n i akunndan, sanngɛ an `kan ndɛ nga Nyanmiɛn fa man amun dɔ sɔ'n su'n, afin nán amun yɛ amun ´ijɔ-ɔ, Nyanmiɛn Wawɛ'n yɛ ɔ ´ijɔ-ɔ.

JÉSUS-CHRIST I DYASIN FE'N BO LUC KLELI'N 11:1

Le kun Jésus o lika kun, ɔ nin Nyanmiɛn be su koko yalɛ. Kɛ be wieli yalɛ sɔ'n koko'n, i sɔnnzɔnfuɛ'm be nun kun seli i kɛ: «Nannan, kle ye sran nin Nyanmiɛn be yalɛ kokolɛ'n kɛ Zan kleli i liɛ mun'n sa.»

Jean 14:26

Sanngɛ sran ng'ɔ wa uka amun'n yɛlɛ e Si i Wawɛ'n b'ɔ wa sunmɛn i n dunman nun'n, i yɛ ɔ wa kle sa'n kwlaa-a, yɛ i yɛ ɔ ´kpɛn amún wla ndɛ nga n kan kleli amun'n i kwlaa su-ɔ.

Efɛzfuɛ Mun 6:19

Yɛ an `srɛ i ekun kɛ kɛ n uke min nuan'n, ɔ kle min ndɛ nga n kan-an ɔ ti su'n yɛ n yi jasin fɛ'n b'ɔ fiɛli i sran'm be nyrun'n i nglo kle be weiin yakpa su,

Mmla'n 18:18

N wa man be min nuan ijɔfuɛ kun kɛ wɔ sa. Ɔ ´yo be nvle'n nunfuɛ kun. N ´fa min ndɛ'n n ´wlɛ i nuan. Ndɛ kwlaa nga n fa mɛn i kɛ ɔ kan'n, ɔ ´kan kle be.