Ezipt Lɔ Tulɛ'n 39:7 - NYANMIƐN NDƐ'N 1998

⁷ Be fa yɛbuɛ sɔ mun tatali efɔd'n i nyanman nga be o be wati su'n bé su kɛ Anannganman seli Moiz kɛ ɔ ´yo'n sa. Yɛbuɛ sɔ'n ɔ kle kɛ Izraɛl akpasua blu-nin-nnyɔn'm be o lɛ.

Ezipt Lɔ Tulɛ'n 39:7 ပူးပေါင်းရင်းမြစ်များ

Neemi 2:20

N tɛli be su kɛ: «Nglo lɔ Nyanmiɛn'n man nga e sunnzun'n ɔ ´yo ye. I sufuɛ yɛlɛ ye, é bo ti kun, e wa bo talɛ'n i kplanlɛ'n bo. Amun liɛ'n, Zerizalɛm lɔ like ti-man amun like. Amun kwla yo-man like lɔ. Be ´kan Zerizalɛm ndɛ-ɔ, be bo-man amun dunman nun.»

Ezipt Lɔ Tulɛ'n 28:12

Be `fa yɛbuɛ nnyɔn sɔ'm be `sie efɔd'n i nyanman b'ɔ sin be wati su'n bé su. Be ti yɛbuɛ bɔ be ti Izraɛl akpasua blu-nin-nnyɔn'm be nzɔliɛ. Be ti wla kpɛnlɛ yɛbuɛ mun. Kɛ ɔ ´yo sɔ'n, Aarɔn ´sua be dunman mun i wati su ´fa kɔ min tannin sua'n nun lɔ, kpɛkuun min Anannganman mín wla su fi-man amún su le.

Ezipt Lɔ Tulɛ'n 28:29

Blɛ bɔ Aarɔn ´wlu min lika kpa nun'n, man ɔ wla jɔlɛ dilɛ pata kaan'n bɔ Izraɛl akpasua'm be dunman'm be o su'n, man ɔ trɛn i wue'n su. Kɛ ɔ yo sɔ'n, min Anannganman mín wla ´kpɛn amún su.

Ezipt Lɔ Tulɛ'n 28:7

Man be yo i bue nnyɔn nga be sin be wati su'n be su nyanman nnyɔn. Nyanman sɔ mun yɛ be ´fa tra efɔd i ase-ɔ.

Marc 14:9

Nanwlɛ, mɛn wunmuan'n nun'n, lika kwlaa nga be ´bo jasin fɛ'n lɛ'n, be ´kan sa nga bla nga yoli'n wie kɛ bé wla ´kpɛn i su.»

Zozie 4:7

Amun `se be kɛ: ‹Kɛ be ´fa Anannganman i alaka'n kpɛ Zurdɛn nzue'n, nzue nun'n kpɛli. Nzue'n nun kpɛli sakpa Nyanmiɛn i alaka'n i nyrun. I sɔ'n ti, yɛbuɛ sɔ'm be ti Izraɛlfuɛ'm be wla kpɛnlɛ like tititi.› »