Ezipt Lɔ Tulɛ'n 39:1 - NYANMIƐN NDƐ'N 1998

¹ Be fali bua ndrɛ b'ɔ ti ɔkwlɛ srosrowa nin ɔkwlɛ kankankan nin ɔkwlɛ youun be yoli tralɛ nga be wla be di Nyanmiɛn sua nun junman'n. Be yoli Aarɔn i tralɛ mun b'ɔ fa jran Anannganman i nyrun'n kɛ Anannganman seli Moiz kɛ ɔ `yo'n sa.

Ezipt Lɔ Tulɛ'n 39:1 ပူးပေါင်းရင်းမြစ်များ

Jue Mun 93:5

Ɔ mmla'm be ti nanwlɛ. Ee Anannganman, ɔ nin i fata kɛ ɔ́ sua'n ɔ yo saun lele mɛn'n i awieliɛ.

Ezipt Lɔ Tulɛ'n 25:4

tannin ɔkwlɛ srosrowa nin nga ɔkwlɛ kankankan o nun'n, ɔ nin nga i nyin'n ti ɔkwlɛ youun'n, lɛn tannin kplɔkɔɔ, boli ndrɛ,

Ezipt Lɔ Tulɛ'n 26:1

«Man tannin wufuɛ'm be yo tannin sua'n nin tannin tanmue blu bɔ lɛn nyanman b'ɔ sɔ kpa'n yɛ be fa yoli'n, ɔ nin tannin ɔkwlɛ srosrowa nin ng'ɔ ti ɔkwlɛ kankankan, ɔ nin nga i nyin ti ɔkwlɛ youun, man be yo anz nga be nian Nyanmiɛn i ninnge'm be su'n be nzɔliɛ tannin tanmue nin tannin'm be su.

Ezipt Lɔ Tulɛ'n 28:5

Man be nga be ´yo'n, be `fa bua ndrɛ. Man wie yo ɔkwlɛ, wie yo ɔkwlɛ srosrowa, wie yo ɔkwlɛ kankankan, yɛ wie yo ɔkwlɛ youun. Be `fa lɛn tannin kplɔkɔɔ'n nin sika ɔkwlɛ ekun.»

Ezipt Lɔ Tulɛ'n 31:10

ɔ nin tralɛ nga be ti wafa ngunmin bɔ be ´fa di min sua nun junman'n, ɔ nin min nyrun jranfuɛ Aarɔn nin i mma'm be tralɛ nga be ´wla fa di min junman'n,

Ezipt Lɔ Tulɛ'n 35:19

tralɛ nga be ti wafa ngunmin bɔ be fa di Nyanmiɛn i sua'n nun junman'n, Nyanmiɛn nyrun jranfuɛ Aarɔn i tralɛ mun, i mma nga be jran Nyanmiɛn nyrun wie'n be tralɛ mun. »

Ezipt Lɔ Tulɛ'n 35:23

Be kwlaa nga be lɛ bua ndrɛ b'ɔ ti ɔkwlɛ srosrowa, annzɛ ɔkwlɛ kankankan'n, annzɛ ɔkwlɛ youun'n, ɔ nin be bɔ be lɛ lɛn nyanman kanngan plili'n, nin boli ndrɛ'n, nin bua nene kplo nga be kɛn i ayre ɔkwlɛ'n, annzɛ nnɛn uflɛ kplo b'ɔ sɔ kpa'n, be fa be bali.

Ezipt Lɔ Tulɛ'n 38:31

nin awa'n i waka'm be takawlɛ mun, ɔ nin anuan'n nun waka'm be takawlɛ mun, ɔ nin Nyanmiɛn i tannin sua'n nin awa'n i kpɛngbɛ'n be kwlaa.

Ezipt Lɔ Tulɛ'n 39:41

tralɛ nga be sieli be ngunmin kɛ be `fa di Nyanmiɛn i sua'n nun junman'n, yɛ Aarɔn b'ɔ ti Nyanmiɛn nyrun jranfuɛ be su kpɛn'n i tralɛ nin i mma'm be tralɛ nga be wla di Nyanmiɛn nyrun jranlɛ junman'n.

Ezekiɛl 42:14

Ng'ɔ o su'n, Nyanmiɛn nyrun jranfuɛ nga be wlu Nyanmiɛn lika kpa nun'n ɔ fata-man kɛ be fite gua su lɔ awlo liɛ'n nun nin bé wun tralɛ'n. Ɔ fata kɛ tralɛ nga be wla suli Anannganman'n ɔ ka lɔ, nan be `wla uflɛ nan b'a fa to nvlefuɛ'm be lɛ.»

Ezekiɛl 43:12

Oka'n ti su lɔ lika'n kwlaa ti min Nyanmiɛn n liɛ klonglo. Sua'n i su mmla yɛ ɔ o lɛ-ɔ.»

Hébreu 9:12

Kɛ Krist ´wlu Nyanmiɛn lika kpa nun'n, nán boli kpakpuɛ nin nannin ba mmoja yɛ ɔ fa ɔli-ɔ, sanngɛ ɔ fɛli i bɔbɔ i mmoja'n, ɔ wluli lɔ kpɛ kunngba cɛ, ɔ su wlu-man lɔ kun, ɔ man ɔ deli ye mlɔnmlɔn.

Hébreu 9:25

Nyanmiɛn nyrun jranfuɛ'm be su kpɛn'n, afuɛ nuan kwlaa ɔ fa nnɛn mmoja wlu Nyanmiɛn lika kpa'n nun. Sanngɛ Krist liɛ'n, ɔ'a wlu-man lɔ kɛ ɔ fɛ i wun sɔ Nyanmiɛn titi,