Ezipt Lɔ Tulɛ'n 38:9 - NYANMIƐN NDƐ'N 1998

⁹ Nyanmiɛn i tannin sua'n lɛ awlo klun. Tannin tanmue nga lɛn b'ɔ sɔ kpa'n yɛ be fa yoli'n, be sin yia awlo klun sɔ'n. I ngua lɔ bue liɛ'n ti mɛtri ablenun.

Ezipt Lɔ Tulɛ'n 38:9 ပူးပေါင်းရင်းမြစ်များ

1 Famiɛn Mun 6:36

I sin ɔ sisili awlo klun'n i wun. Ɔ fali yɛbuɛ nga be sɛli'n i wie yɛ ɔ fa sili talɛ nin-ɔn. Ɔ sili talɛ sɔ nsan mantan su. I nnan su'n ti sɛdri waka.

Jue Mun 100:4

Kɛ amun ´wlu i sua'n nun'n, an `to ye silɛ jue. Kɛ an ´wlu i awlo klun lɔ'n, amun `to jue be mɛnmɛn i. An `yi i ayɛ. An `lɛ i ase!

Jue Mun 84:10

Ee Nyanmiɛn, wɔ bɔ a ti kɛ e nyrɛn sa'n, nian! Ɔ sran bɔ a kpɛli i fa sieli famiɛn'n, niɛn i nyrun.

Jue Mun 84:2

Anannganman, wɔ bɔ a sie mɛn wunmuan'n, n klo ɔ sua nin o!

Jue Mun 89:7

?Anannganman, nyanmiɛn su lɔ'n, wan cɛ yɛ ɔ nin wɔ sɛ-ɔ? ?Amuɛn'm be nun'n, onin cɛ yɛ ɔ fɛ i wun sunnzun wɔ-ɔ ɔ yo ye-ɔ?

Jue Mun 92:13

Sran nga Nyanmiɛn bu be sran kpa'n, be nyin flololo kɛ mme'n sa, be trɛ kɛ Liban lɔ sɛdri waka'n sa.

Ezipt Lɔ Tulɛ'n 26:1

«Man tannin wufuɛ'm be yo tannin sua'n nin tannin tanmue blu bɔ lɛn nyanman b'ɔ sɔ kpa'n yɛ be fa yoli'n, ɔ nin tannin ɔkwlɛ srosrowa nin ng'ɔ ti ɔkwlɛ kankankan, ɔ nin nga i nyin ti ɔkwlɛ youun, man be yo anz nga be nian Nyanmiɛn i ninnge'm be su'n be nzɔliɛ tannin tanmue nin tannin'm be su.

Ezipt Lɔ Tulɛ'n 38:10

Awa'n i ja ablaɔn'm be nin bé bo takawlɛ ablaɔn'm be ti aaba ngunmin. Like nga be fa tra tanmue'm be ase'n nin nga be fa suan bé bo'n be ti jɛtɛ ufue ngunmin.

Ezipt Lɔ Tulɛ'n 40:33

Moiz yoli man be sili awa ng'ɔ sin yia awlo klun'n nin tannin sua'n nin Nyanmiɛn sɔwlɛ'n. Be sendeli rido'n awlo klun'n i anuan'n nun. Kɛ be guaguali junman'm bé bo kɛ nga sa.

Ezipt Lɔ Tulɛ'n 40:8

Man be siesie awlo'n i wun tannin tanmue mun. Man be fa rido'n be sende i awlo klun'n i anuan'n nun.

Kalɛ 3:26

ɔ nin tanmue dandan nga be fa si awa'n, ɔ nin tannin sua'n nin Nyanmiɛn i sɔwlɛ'm be awlo klun'm be anuan nun rido'n, ɔ nin tannin sua'n i nyanman mun. Be yɛ be sieli be kɛ be `nian ninnge sɔ'm be lika-a.

Kalɛ 4:26

ɔ nin awlo'n i wun silɛ tannin dandan mun, ɔ nin rido ng'ɔ o awlo klun b'ɔ sin yia tannin sua'n nin min sɔwlɛ'm be anuan nun'n, ɔ nin awa'n i nyanman mun, ɔ nin ninnge nga be fa di junman'm be kwlakwla.