Ezipt Lɔ Tulɛ'n 38:24 - NYANMIƐN NDƐ'N 1998

²⁴ Sika ɔkwlɛ'n i kwlakwla nga Izraɛlfuɛ'm be yili bɔ be fa dili Nyanmiɛn i tannin sua'n i wun junman'n ti kilo ya mɔcuɛ kilo ableso-nin-nso ɔ nin i su gram ya nsan. Be sunnzunnin i tannin sua'n i ninnge sunnzunliɛ'n nun.

Ezipt Lɔ Tulɛ'n 38:24 ပူးပေါင်းရင်းမြစ်များ

Ezipt Lɔ Tulɛ'n 25:2

«Kan kle Izraɛlfuɛ'm be kɛ be `man min like. Like kwlaa nga sran'm be ´man'n nan be mɛn i klun-ufue su'n, amun `sɔ nun.

Ezipt Lɔ Tulɛ'n 29:24

Fa ninnge sɔ'm be kwlaa wla Aarɔn nin i mma'm bé sa nun. Yɛ toto ninnge sɔ mun Anannganman i nyrun kɛ be fa yo i titi'n sa.

Ezipt Lɔ Tulɛ'n 30:24

kas kilo nnun. Man be sunnzun be min sua'n nun lɔ like'm be sunnzunliɛ'n nun. Fa olivie ngo litri nsiɛn.

Ezipt Lɔ Tulɛ'n 35:22

Be kwlaa nga be klun ti ufue'n be bali: i bla o, i yasua o. Be fali ninnge nga be o yɛ mun bali: asunmanndi mun, nga wie mun, be sama ti nga mun, be sa kɔmin nun nga mun, ɔ nin ninnge wafa-wafa kwlaa nga be fa sika ɔkwlɛ yoli'n mun. Be ninnge nga be sieli be kɛ be ´fa man Anannganman'n, be kwlaa be fa be bali.

Saun Yolɛ 27:25

Sika nga be di su min tannin sua nun'n, i su yɛ be `nian be `kpɛ gua nin-ɔn. I sɔ sika liɛ'n i jɛtɛ ufue kun ti gram blu.»

Saun Yolɛ 27:3

Sika'n i nuan'n yɛ ɔ o yɛ: sran nga be lɛ afuɛ ablaɔn lele b'ɔ fa ju afuɛ ablesiɛn'n be gua liɛ'n yɛ: sɛ ɔ ti yasua'n, i gua'n ɔ ti jɛtɛ mma ufue ablenun. Gua nga be kpɛli i min tannin sua nga n yi mín wun nglo nun'n nun lɔ'n, i su yɛ be `nian-an.

Saun Yolɛ 5:15

«Sɛ sran kun ɔ'a sunnzun-man kɛ ɔ ´yo sa tɛ, kpɛkuun ninnge nga be fa mannin min'n i wie a kɛ i sa nun'n, like ng'ɔ fata kɛ ɔ yo'n yɛ: man ɔ fa bua nene kun blɛ min. Ɔ ti i nin min e afiɛn siesielɛ like. I sɔ nnɛn liɛ'n, nán lɛ kan sa trɛn i wun. N sua nun lɔ sika'n bɔ be di su'n, man bua nene'n sɔ'n i gua'n ɔ ju nun.

Ndɛ Nga Nyanmiɛn I Nuan Ijɔfuɛ Aze Kannin'n 2:8

Nanwlɛ, jɛtɛ ufue nin sika ɔkwlɛ nga be o mɛn wunmuan'n nun'n be ti m bɔbɔ n liɛ.

Kalɛ 18:16

Kɛ bɔ ba klikli'n ɔ'a di anglo kun'n, man be tannin i ti jɛtɛ ufue nnun, min sulɛ sua'n nun lɔ sika sunnzunliɛ'n su yɛ be `sunnzun-ɔn, jɛtɛ ufue kun ti gram blu.

Kalɛ 3:47

I sɔ'n ti, fa sran sɔ'm be kwlaa be ti sika jɛtɛ ufue mma nnun-nnun. Jɛtɛ mma kun ti gram blu. Man bé sunnzun sika sɔ'n min sua'n nun lɔ like sunnzunliɛ'n nun.