Ezipt Lɔ Tulɛ'n 38:21 - NYANMIƐN NDƐ'N 1998

²¹ Nyanmiɛn i tannin sua b'ɔ ti i bɔbɔ i alaka'n i siewlɛ'n i kplanlɛ'n wun ninnge'n kwlaa bé nuan'n yɛ: Moiz yɛ ɔ seli Levifuɛ'm be kɛ be `ka ninnge sɔ mun nan be `si bé nuan-an. Aarɔn i wa yasua Itamar b'ɔ ti Nyanmiɛn nyrun jranfuɛ'n yɛ ɔ ti ninnge'm be kalɛ sɔ'n i su kpɛnngbɛn nin-ɔn.

Ezipt Lɔ Tulɛ'n 38:21 ပူးပေါင်းရင်းမြစ်များ

1 Be Nyoliɛ 6:3

Keat i mma mun yɛlɛ Amram, nin Zizear, nin Ebrɔn, ɔ nin Iziɛl.

2 Be Nyoliɛ 24:6

Ɔ man famiɛn'n flɛli Zɛozada b'ɔ ti Nyanmiɛn nyrun jranfuɛ'm be su kpɛn'n, ɔ usɛli i kɛ: «Sika bɔ Moiz b'ɔ ti Anannganman sufuɛ'n nin Izraɛlfuɛ'm be kleli kɛ sran'm be `yi nan be `fa di Anannganman i sua'n su junman'n, ɔ yo sɛ ti yɛ w'a jran-man su kɛ Levifuɛ'm be `dede i Zerizalɛmfuɛ mun nin Zidafuɛ'm bé sa nun-ɔn?

Zɔb I Nyrɛnnɛn Wunlɛ 11:4

A ko se kɛ: «Akunndan nga m bu'n, i kwlaa ti kpakpa ngunmin. N ti saun Nyanmiɛn nyrun.»

Zɔb I Nyrɛnnɛn Wunlɛ 22:23

Sɛ a wa sa ɔ sin nan a nin Nyanmiɛn be nanti'n, ɔ ´yo man a ´jaso. Sa ng'ɔ ti-man su'n, nán kplin su man ɔ tran wɔ awlo'n nun.

Zɔb I Nyrɛnnɛn Wunlɛ 26:1

Zɔb tɛli i su kɛ:

Jue Mun 15:1

Jue nga ti David liɛ. I waan: ?Anannganman, wan cɛ yɛ ɔ kwla tran ɔ́ sua'n nun-ɔn? ?Wan yɛ ɔ kwla tran ɔ oka'n su lɔ-ɔ?

Ezipt Lɔ Tulɛ'n 25:16

Fa yɛbuɛ paplaapla nga Nyanmiɛn i mmla blu'n wo su bɔ n wa fa man wɔ'n sie i alaka'n nun.

Ezipt Lɔ Tulɛ'n 26:33

Man rido'n tran sɔtɔwlɛ sɔtɔwlɛ'm bé bo. Rido sɔ'n i sin lɔ yɛ be ´sie min alaka nga yɛbuɛ paplaapla nnyɔn nga mmla blu'm be klɛ su nin-ɔn. Man rido sɔ'n kpɛ min lika'n nin lika kpa tra su'n be afiɛn.

Ezipt Lɔ Tulɛ'n 38:20

Nyanmiɛn i tannin sua'n i ja'm be nin awa'n i ja'm be ti aaba.

Ezipt Lɔ Tulɛ'n 38:22

Iri i wa Bɛzaleɛl b'ɔ ti Ir i anunman'n, b'ɔ fin Zida akpasua'n su'n, ɔ dili junman nga Anannganman seli Moiz kɛ ɔ `di'n.

Ezipt Lɔ Tulɛ'n 40:3

Man be fa min alaka'n be sie i nun lɔ, nan be kɛtɛ i nyin nin rido'n.

Ezipt Lɔ Tulɛ'n 6:23

Aarɔn jali Eliseba b'ɔ ti Aminadab i wa bla'n, b'ɔ i kunngba'n ɔ ti Naksɔn i niaan bla'n. Ɔ nin i be wuli ba nnan, be dunman mun yɛ: Nadab, Abii, Eleazar, Itamar.

Kalɛ 1:50

Tannin sua nga n yi min wun nglo nun'n bɔ min alaka'n wo nun'n, ɔ nin i wun ninnge'n kwlaa, fa wlɛ i Levifuɛ'm bé sa nun. Sɛ amun su tu amun bo kɔ lika uflɛ'n, be yɛ be ti tannin sua'n nin i wun ninnge'm be suafuɛ-ɔ. Be ´di sua sɔ'n i nun junman yɛ be ´yo be ngblaliɛ liɛ'n sin yiɛ i.

Kalɛ 1:53

San Levifuɛ'm be ngunmin yɛ be ngblaliɛ liɛ'n ɔ `sin yia tannin sua bɔ min alaka'n wo nun nin-ɔn. Be `di nun junman. I liɛ'n, n su fa-man Izraɛlfuɛ'm bé wun ya.»

Kalɛ 10:11

Afuɛ nnyɔn su'n i anglo nnyɔn'n i le ablaɔn su'n, sin wɛnsrɛn'n jasoli Nyanmiɛn tannin sua bɔ yɛbuɛ paplaapla nnyɔn nga mmla blu'm be klɛ be su'n be o nun'n su.

Kalɛ 18:2

Flɛ ɔ niaan bɔ be fin ɔ si Levi i akpasua'n su mun man be mantan wɔ. Kɛ bɔ a nin ɔ mma mun amun ´kɔ tannin sua bɔ min alaka'n wo nun'n nun lɔ'n, be ´yo amun ukafuɛ nin amun sufuɛ.

Kalɛ 24:5

Izraɛl nvlefuɛ mun, amun bɔ Zakɔb i osu'n nunfuɛ yɛlɛ amun'n, amún tannin sua nga amun tran nun'n be ti nglanman o!

Kalɛ 9:15

Cɛn kunngba nga be kplannin Nyanmiɛn i sua'n, sin wɛnsrɛn'n ɔ wa katali tannin sua sɔ'n bɔ i nun yɛ yɛbuɛ paplapa nga be klɛli Nyanmiɛn i mmla blu'n i su'n ɔ o nun'n i su. Kɔnguɛ'n, sin wɛnsrɛn sɔ'n kpaja lele aliɛ'n fa cɛn weiin .

Matthieu 17:4

Piɛr seli Jésus kɛ: «Nannan, kɛ e o wa yɛ'n, ɔ ti kpa, sɛ a kplin su'n, n ´kplan kpata nsan wa, ɔ liɛ kun, Moiz liɛ kun, yɛ Eli liɛ kun.»

Sa nga bé yôli'n 7:44

Kɛ e nannan'm be o aawlɛ flɛnnɛn nun lɔ'n, be lɛ tannin sua'n b'ɔ kle kɛ Nyanmiɛn nin be o lɛ. Moiz yoli i wafa nga Nyanmiɛn kleli i kɛ ɔ yo'n .

2 Korɛntfuɛ Mun 5:1

Afin e si kɛ e wunnɛn ng'ɔ o yɛ'n ɔ ti kɛ kpata sa. Sɛ ɔ saci'n, Nyanmiɛn ´man e tranwlɛ uflɛ nyanmiɛn su lɔ b'ɔ ti-man sran sa nuan yɛ ɔ su saci-man le.

Hébreu 8:2

Ɔ di Nyanmiɛn nyrun jranlɛ junman Nyanmiɛn lika kpa'n bɔ yɛlɛ tannin sua kpa nga nán sran yɛ ɔ kplannin bɔ e Min'n bɔbɔ yɛ ɔ kplannin'n nun.

Hébreu 9:11

Sanngɛ Krist bali, ɔ wa yoli Nyanmiɛn nyrun jranfuɛ'm be su kpɛn ninnge kpakpa bɔ be wa ba'n be ti. Tannin sua ng'ɔ di i junman nun'n ti dan, ɔ ti kpa tra laa liɛ'n. Nán sran yɛ ɔ kplannin-ɔn, ɔ man ɔ ti-man mɛn nga Nyanmiɛn yili i yɛ'n i nun like'm be wie.

2 Piɛr 1:13

Kɛ n nian wu-man'n, sɛ n kpɛn amún wla nan an fa sa sɔ'n sie amun klun'n, n wun i kɛ ɔ ti kpa.

Sa nglô yile 11:19

Be tikeli Nyanmiɛn i sua b'ɔ o nyanmiɛn su lɔ'n i anuan'n, nan b'a wun aenguɛ nga Nyanmiɛn nin sran'm be trali i alaka'n lɔ. Nyanmiɛn'n kpali sin, be tili sran'm be nɛn, nyanmiɛn'n kplali, asiɛ'n kejeli, yɛ nzraama bɔ kɛ nzue'n ´tɔ-ɔ ɔ gua'n, ɔ guali dan kpa .

Sa nglô yile 15:5

I sin n wunnin nyanmiɛn su lɔ Nyanmiɛn i sua bɔ i nun yɛ ɔ yi i wun nglo'n. Nyanmiɛn i lika'n b'ɔ o i klun lɔ'n i anuan'n la su.

Sa nglô yile 21:3

N tili sran kun nɛn kekle kpa bia'n wun lɔ, ɔ seli kɛ: «Siɛn'n Nyanmiɛn i tranwlɛ'n wo sran'm be afiɛn! Ɔ nin be ´tran, be ´yo i sran, yɛ i bɔbɔ ´yo be Nyanmiɛn .