Ezipt Lɔ Tulɛ'n 37:9 - NYANMIƐN NDƐ'N 1998

⁹ Anz nnyɔn'm be trɛ be ndɛwa'm be nun kɔ nglo, be fa kata alaka tre'n su. Be nyrun nnyɔn'n wɔ su, yɛ bé nyin kpɛ alaka tre'n su .

Ezipt Lɔ Tulɛ'n 37:9 ပူးပေါင်းရင်းမြစ်များ

Bo Bolɛ 28:12

Kpɛkuun, ɔ ´cɛn laliɛ-ɔ, yrɛyrɛ kun yɛ, i bo'n taka asiɛ'n wun, i ti'n ju nyanmiɛn'n su lɔ. Nyanmiɛn i anz'm be fu su be jra.

Bo Bolɛ 3:24

Kɛ Nyanmiɛn fuannin sran'n, ɔ fali anz nga be niɛn i ninnge'm be su mun fa sieli i Edɛni fie'n i wia afiliɛ lɔ. Kue sunman sin taaman o bé sa nun yɛ be fa sasa nguan waka nin-ɔn.

1 Famiɛn Mun 6:27

Ɔ fali anz mun sieli i sua ba'n i afiɛn. Be tinngɛ-tinngɛ be ndɛwa'n nun, ɔ man kun i ndɛwa kun kan talɛ'n kun, kun ekun'n i ndɛwa kun kan talɛ kun'n, kpɛkuun be ndɛwa nnyɔn nga'm be wɔ su.

Ezipt Lɔ Tulɛ'n 25:20

Man anz nnyɔn'm be ndɛwa'm be nun trɛ wɔ nglo nan be `fa kata alaka'n i tre'n su. Man be nyrun nnyɔn'n wɔ su, yɛ man be nyin kpɛ alaka'n i tre'n su wa.

Ezipt Lɔ Tulɛ'n 37:10

Be fali akasia waka be yoli tabli kun. I tɛnndɛn nun'n ti mɛtri kun yɛ i tɛtrɛ nun'n nin i nglo-nglo'n be ti santimɛtri ableso-nin-nnun.

Ezipt Lɔ Tulɛ'n 37:8

Anz nnyɔn sɔ'm be nin alaka'n i su tre'n be sa su kunngba i bue nnyɔn'm bé su.

Ezai 6:2

Serafɛn'm be o i ti'n su. Kun lɛ ndɛwa nsiɛn kun lɛ ndɛwa nsiɛn: be fa nnyɔn be kata be nyrun, be fa nnyɔn be kata bé ja'm be su, yɛ be fa nnyɔn be tu.

Jean 1:51

Nanwlɛ, an wa wun nyanmiɛn su lɔ kɛ ɔ ti tikewa, yɛ amun ´wun Nyanmiɛn i anz mun bɔ be fu be jra m bɔ n kacili Sran'n n su .»

2 Korɛntfuɛ Mun 3:18

E kwlaa nga Nyanmiɛn a yi e nyrun tannin ng'ɔ kata e nyrun'n, e wun wafa nga e Min'n i dan'n ti'n i kwlaa kɛ niannun nun sa. E ´kaci kɛ i wafa nga e fa wun i'n sa tititi lelele e ´fɛ i kpa. E Min'n i Wawɛ'n yɛ man e yo sɔ-ɔ.

Efɛzfuɛ Mun 3:10

Ɔ man kɛ ɔ fin ndɛ'n, nyanmiɛn su lɔ mmusu nin ngbɛn-ngbɛn'm be `wun Nyanmiɛn i ngwlɛlɛ'n ninnge ng'ɔ yo be Asɔnun'n nun'n be kwlaa, be nun.

Filipfuɛ Mun 3:8

Nanwlɛ, kɛ m bu min Min Krist-Jésus i silɛ bɔ n si i'n like kpa sakpa'n ti, ɔ man m bu-man like'n wie fi like. I ti m'an yaci like'n kwlaa kɛ ɔ ´yo nan Krist a yo n like kpa nan min nin i y'a kaci sran wunmuan'n ti, yɛ m bu like'n kwlaa kɛ wla sa. Sran kpa bɔ n ti'n, ɔ fin-man m bɔbɔ min nzuɛn'n nun mmla'n i sufalɛ'n ti, sanngɛ ɔ fin Krist su bɔ n lafi'n. Sran kpa yolɛ sɔ'n fin Nyanmiɛn i su bɔ be lafi'n ti.

1 Timote 3:16

Nanwlɛ, e kwlaa e si kɛ kɛ ɔ yoli bɔ e yoli Nyanmiɛn liɛ'n, ɔ ti abonuan dan, sran wun-mɛn i wlɛ. Ɔ yoli i wun sran'n, ɔ yili i wun nglo, Nyanmiɛn Wawɛ'n kle kɛ ɔ ti sran kpa, anz'm be wunnin i. Be kɛnnin i ndɛ nvle'm be nun. Be lafili i su mɛn wunmuan'n nun. Be mɛnnin i su ɔli nyanmiɛn su lɔ, ɔ nyannin nyrun dan.

Hébreu 1:14

?Anz'n kwlaa bɔ be ti aolia nun sran bɔ be su Nyanmiɛn'n, w'a sunman-man be kɛ be wa nian be nga be wa nyan bé ti'n bé su?

1 Piɛr 1:12

Nyanmiɛn kan kleli be kɛ i ndɛ ng'ɔ fa wla bé nuan kɛ be kan'n ɔ ti-man be bɔbɔ be liɛ, sanngɛ amun liɛ-ɔ. Be nga be kan jasin fɛ'n Nyanmiɛn Wawɛ b'ɔ sunmɛnnin i'n i fanngan nun'n, ndɛ sɔ'n yɛ be kan kleli amun nin-ɔn. Anz'm be bɔbɔ be klo kɛ be ´wun sa sɔ'm be wlɛ.