Ezipt Lɔ Tulɛ'n 37:6 - NYANMIƐN NDƐ'N 1998

⁶ Ɔ fali sika ɔkwlɛ jrɛiin'n yoli alaka'n i su tre'n. I tɛnndɛn nun'n ti mɛtri kun nin santimɛtri ablaɔn-nin-nnun. I tɛtrɛ nun'n ti santimɛtri ableso-nin-nnun.

Ezipt Lɔ Tulɛ'n 37:6 ပူးပေါင်းရင်းမြစ်များ

Hébreu 9:5

Anz bɔ be nian Nyanmiɛn i ninnge'm be su'n bɔ be yi Nyanmiɛn i wafa ng'ɔ ti'n i nglo'n, be o alaka sɔ'n su, be ndɛwa'n kata Nyanmiɛn sɔwlɛ'n su. Sanngɛ nɛ́n i kanlɛ'n ɔ nin i nun yiyilɛ i cɛn yɛlɛ ndɛ.

1 Jean 2:2

Afin i bɔbɔ fɛ i wun yili é ti tɛ nan Nyanmiɛn yaci sa nga e yoli i'n cɛ ye. Nán e ngunmin é ti tɛ yɛ ɔ yili-ɔ, sran'm be kwlaa be liɛ-ɔ.

Tite 2:14

E ti Jésus ɔ fɛli i wun mannin nan ɔ ´yi ye sa tɛtɛ'n kwlaa nun nan e `kaci i sa ti sran bɔ é wun sa tɛtɛ'n kwlaa ɔ'a wie, bɔ e tu e klun yo sran ye .

Galasifuɛ Mun 4:4

Sanngɛ kɛ blɛ nga Nyanmiɛn sieli'n juli'n, ɔ sunmɛnnin i Wa'n, bla kun wuli i, ɔ dili mmla'n su.

Rɔmfuɛ Mun 3:25

Kɛ ɔ ´yo nan y'a si kɛ ɔ ti kpa'n ti'n, ɔ fa Jésus mannin kɛ ɔ ´fa yi e ti tɛ nan kɛ be ko kun i'n, be bɔ be lafi i su'n, sa tɛ nga be yoli'n, ɔ `yaci cɛ be Jésus mmoja'n ti. Afin laa sa nga be yoli i'n, ɔ blu su.

1 Be Nyoliɛ 28:11

Nyanmiɛn i sua'n, i jajalɛ nga David bɔbɔ jajali i fluwa su fa mannin Salomɔn'n, ɔ kle Nyanmiɛn i sua bɔbɔ kpa'n i kplanlɛ'n i wafa'n. Sua ba nga be ´mantan Nyanmiɛn i sua'n lɛ'n, nin sua ba nga be ´gua ninnge kpakpa'm be nun'n, nin nglo lɔ sua ba mun'n, nin sua ba nga be ´tran sua'n klun lɔ'n, ɔ nin Nyanmiɛn i alaka'n i siewlɛ'n, be kwlaa be yolɛ wafa'n be o fluwa sɔ'n su .

Ezipt Lɔ Tulɛ'n 31:7

Like nga min waan a `se be man be yo'n be yɛ: tannin sua, nin min alaka'n nin i su tre'n, ɔ nin tannin sua'n i nun ninnge'm be kwlaa,

Ezipt Lɔ Tulɛ'n 37:5

Kɛ ɔ ´yo nan b'a kwla sua Nyanmiɛn i alaka'n ti, ɔ fali waka floloflolo mun wlali like kukluuklu'm bɔ be fali sika ɔkwlɛ be yoli'n be nun, kun wlɛ i bue kun su, yɛ kun wlɛ i bue kun ekun'n su.

Ezipt Lɔ Tulɛ'n 37:7

Ɔ yoli anz'm be nzɔliɛ nnyɔn. Sika ɔkwlɛ bɔ be boli'n, yɛ ɔ fa yoli-ɔ, kun wo i su tre'n i bue kun wa, yɛ kun wo i bue kun ekun'n su.