Ezipt Lɔ Tulɛ'n 36:2 - NYANMIƐN NDƐ'N 1998

² Moiz yiali Bɛzaleɛl, nin Ɔɔliab, yɛ junman difuɛ'm be kwlaa bɔ Anannganman mannin be ngwlɛlɛ'n bɔ be waan be ´tu be klun di be junman'n i kpa'n.

Ezipt Lɔ Tulɛ'n 36:2 ပူးပေါင်းရင်းမြစ်များ

1 Be Nyoliɛ 28:21

Nyanmiɛn nyrun jranfuɛ mun, nin Levifuɛ'm be akpasua'm be yɛ be o lɛ-ɔ. Be yɛ be ´yo Nyanmiɛn i sua'n nun junman'n kwla-a. Sran nga be si junman wafa-wafa'n kwlaa di kpa'n, be ´uka wɔ be klun-ufue su. Yɛ famiɛn i awlo lɔ sran dandan mun nin sran'm be kwlaa, ndɛ kwlaa nga a kan kle be'n, be ´fa su.»

1 Be Nyoliɛ 29:5

Be `fa sika ɔkwlɛ'n wie yo ninnge nga be fa sika ɔkwlɛ yo'n. Be `fa jɛtɛ ufue'n wie yo ninnge nga be fa jɛtɛ ufue yo'n. Man ajuin difuɛ'm be fa sika ɔkwlɛ nin jɛtɛ ufue sɔ'n wie di be junman nga be fa mannin be'n. ?Amun nun'n, wan yɛ ɔ ´tu i klun fɛ i sa nun like ´man Anannganman ekun-ɔn?»

Ezipt Lɔ Tulɛ'n 25:2

«Kan kle Izraɛlfuɛ'm be kɛ be `man min like. Like kwlaa nga sran'm be ´man'n nan be mɛn i klun-ufue su'n, amun `sɔ nun.

Ezipt Lɔ Tulɛ'n 25:40

Moiz, nian su man be yo i kɛ nga n fa kleli wɔ oka'n su lɔ'n sa.»

Ezipt Lɔ Tulɛ'n 28:3

I sɔ'n ti, se tannin wufuɛ'm be kwlaa nga n fali min ngwlɛlɛ'n n wlali be nun'n man be kpa Aarɔn i tralɛ ng'ɔ wa wla be'n blɛ bɔ be ´fɛ i wla min junman'n nun'n. Yɛ kɛ ɔ ´di junman'n, tralɛ sɔ'n yɛ ɔ wa wla-a.

Ezipt Lɔ Tulɛ'n 31:6

Ɔɔliab b'ɔ ti Aizamak i wa'n, b'ɔ ti Dan akpasua'n sufuɛ'n, n fɛli i ukɛli i su. Yɛ amun ajuin difuɛ'm be kwlaa nga be si like yo'n, min bɔbɔ yɛ m mannin be i sɔ ngwlɛlɛ nin-ɔn, kɛ ɔ ´yo nan b'a kwla yo i kwlaa nga n seli wɔ kɛ a yo'n ti.

Ezipt Lɔ Tulɛ'n 35:10

Man amun nun sran nga bé sa si ngwlɛlɛ kpa'n be bla be wa yo like nga Anannganman waan be yo be yɛ mun:

Ezipt Lɔ Tulɛ'n 35:2

Amun `fa cɛn ba nsiɛn fa di junman, sanngɛ cɛn ba'n i nso su'n liɛ'n, ɔ ti Nyanmiɛn cɛn klonglo, be `de wunmiɛn. Sran kwlaa ng'ɔ di junman cɛn sɔ'n nun'n, man be kun i.

Ezipt Lɔ Tulɛ'n 36:1

«Bɛzaleɛl yɛ Ɔɔliab nin junman difuɛ kun nga mun bɔ be si junman di'n, bɔ Anannganman mannin be akunndan nin ngwlɛlɛ kɛ be fa di junman'n, be dili tannin sua nga Anannganman yi i wun nglo nun'n su junman'n i kwlaa kɛ Anannganman kan kleli be kɛ be `yo'n sa'n.»

Ezipt Lɔ Tulɛ'n 36:3

Ninnge nga Izraɛlfuɛ'm be yi bali kɛ be `fa di Nyanmiɛn i tannin sua'n i wun junman mun'n, Moiz fa mannin junman difuɛ mun. Sanngɛ kɛ ɔ ´yo sɔ'n, wuun nglɛmun kwlaa sran'm be tɛ tu be klun be tɛ fa ninnge mun tɛ blɛ Moiz.

Sa nga bé yôli'n 14:23

Be siesieli kpɛnngbɛn mun be asɔnun'm be nun. Kɛ be kpɛli srɛ nun bɔ be seli Nyanmiɛn kɛ ɔ jran bé sin'n, be fa be wlali e Min'n bɔ be lafi i su'n, i sa nun.

Kolɔsfuɛ Mun 4:17

An `se Arsip kɛ ɔ nian junman nga e Min'n fɛ i sieli i su'n su kpa, an se i kɛ ɔ `nian nun di i kpa.

Hébreu 5:4

Sran fi jao se-man kɛ ɔ kunndɛ dunman kɛ be fɛ sie i Nyanmiɛn nyrun jranfuɛ'm be su kpɛn, Nyanmiɛn bɔbɔ yɛ ɔ flɛ sran kɛ be sie i i nyrun jranfuɛ'm be su kpɛn kɛ ɔ flɛli Aarɔn'n sa.