Ezipt Lɔ Tulɛ'n 32:9 - NYANMIƐN NDƐ'N 1998

⁹ Anannganman seli Moiz kɛ: «M'an wun kɛ nvle nga nunfuɛ mun be nyin ti kekle dan.

Ezipt Lɔ Tulɛ'n 32:9 ပူးပေါင်းရင်းမြစ်များ

2 Famiɛn Mun 17:14

Sanngɛ b'a tie-man ndɛ nga be kan kleli be'n. Be yoli nyin kekle kɛ bé nannan'm bɔ b'a lafi-man Anannganman be Nyanmiɛn'n i su'n be sa.

2 Be Nyoliɛ 30:8

Nán amun yo nyin kekle kɛ amun nannan'm be yoli'n sa. Amun `fa amun wun man Anannganman man ɔ sie amun. Amun `bla i sua'n bɔ i bɔbɔ ɔ'a yo i saun'n nun. Sua sɔ'n, ɔ ´yo saun tititi. Yɛ amun `su Anannganman amun Nyanmiɛn'n, kɛ ɔ ´yo nan i ya dan'n b'ɔ fɛli i amún wun'n ɔ'a jɔ'n ti.

Neemi 9:16

Kpɛkuun e nannan'm b'a kan-man bé wun ase. Be yoli nyin kekle, b'a fa-man ɔ mmla'n su.

Neemi 9:17

Bé nyin ɔ'a yi-man wɔ. Bé wla fili atrɛ fanunfanun nga a yili be'n. Be kpali be bɔbɔ bé su kpɛn. Be waan san be ´sa be sin Ezipt lɔ be ko yo kanga ekun. Sanngɛ ɔ liɛ'n, a ti Nyanmiɛn kun bɔ a yaci sa tɛ'n cɛ. A si aunnvuɛ, sran yo wɔ annvɔ. A fa-man ya ndɛndɛ, ɔ klun-ufue liɛ'n be kan-man, ɔ man w'a yi-man be ase.

Jue Mun 78:8

I liɛ'n, be su yo-man kɛ be nannan'm, bɔ be yoli nyin kekle dan'n, bɔ be anwlɛn'n yoli nnyɔn-nnyɔn'n, bɔ be akunndan'n ɔ'a tran-man Nyanmiɛn su'n sa.

Ezipt Lɔ Tulɛ'n 33:3

N ´fa amun n ´kɔ mɛn bɔ lɔ asiɛ'n yo like ye kpa'n, bɔ i kunngba'n ti nnɛn tawlɛ klanman'n i nun lɔ. Sanngɛ m bɔbɔ e nin amun e su kɔ-man, n su tran-man amun afiɛn, afin amún nyin su ti kekle dan. Ɔ cɛ-man nan m'an nunnun amun atin afiɛn.»

Ezipt Lɔ Tulɛ'n 33:5

Anannganman seli Moiz kɛ: «Kan kle Izraɛlfuɛ'm be kɛ: ‹Amun ti sran bɔ amun nyin su ti kekle. Sɛ e nin amun e kɔ kaan sa-a, n ´wie amun nunnun. Amun `yiyi amun blɛ dilɛ ninnge mun nan m'an wun nga n ´fa yo amun'n.› »

Ezipt Lɔ Tulɛ'n 34:9

I sin ɔ seli kɛ: «Sɛ ɔ waan a ´yo min ye sakpa'n, Anannganman, n ´srɛ wɔ, ɔ bɔbɔ a nin e wɔ. Ɔ ti nanwlɛ kɛ minniɛn nga'm be nyin ti kekle kpa. Sanngɛ yaci é wun sa'n nin é fɔnlɛ mun cɛ ye, sɔ e nun kɛ ɔ sran mun sa.»

Nyanndra Mun 29:1

Sran nga bɔ ɔ'a yo-man sa kpa bɔ i waan nán be tu i fɔ mlɔnmlɔn'n, cɛn ng'ɔ ´tɔ'n ɔ ti le kunngba.

Ezai 48:4

Kɛ bɔ n si kɛ amún nyin ti kekle'n nan amun anwlɛn'n ti ketewa, nan be bli amun-ɔn ɔ bli-man'n,

Zeremi 13:27

Ɔ bian bɔ a kunndɛli mín bo'n, ɔ nin ɔ bian sa ngboko'n, ɔ nin ɔ tekle dan nga a boli'n, n wunnin be kpɔlɛ'm be su nin fie'm be su. N wunnin ɔ tete ninnge mun. Zerizalɛm, yako nin ɔ́ wun saun bɔ ɔ waan a yo-man'n. ?Cɛn onin ko yɛ a ´yaci kokowa bolɛ nin-ɔn?»

Ndɛ Nga Nyanmiɛn I Nuan Ijɔfuɛ Oze Kannin'n 6:10

N wunnin sa tɛtɛ'n wie Izraɛl mɛn'n nun. Lɛ yɛ Efraim sili i tekle nin-ɔn, yɛ man fiɛn'n kannin Izraɛl-ɔ.»

Kalɛ 14:11

Anannganman seli Moiz kɛ: «?Finfin nga nvlefuɛ'm be yo min yɛ'n, cɛn onin ko yɛ be ´yaci i yolɛ-ɔ? ?Yɛ atrɛ nga n yi be be nyrun'n cɛn kwlaa bɔ be lafi-man su lɛ'n, cɛn onin ko yɛ be ´lafi min su-ɔ?

Sa nga bé yôli'n 7:51

Nyin keklefuɛ mun bɔ amun anwlɛn'n nin amún su'm be ti kɛ be bɔ be ti-man Zuif'm be liɛ'n sa, an kpalo Nyanmiɛn Wawɛ'n i ndɛ titi kɛ amun nannan'm be yoli'n sa .

Mmla'n 10:16

Ɔ man i ti'n, amun `fa amun wun mɛn i mlɔnmlɔn. Nán amun yo nyin kekle i su kun.

Mmla'n 31:27

Afin n si kɛ be ti nyin keklefuɛ dan kpa, be bli be-ɔ ɔ bli-man. Nian sunnzun bɔ min nyin tɛ o su'n, nian jasolɛ bɔ be ´jaso Anannganman wun-ɔn. ?Yɛ sɛ be waan m'an wu nin?

Mmla'n 9:13

Anannganman seli min ekun kɛ: «M'an wun kɛ nvle nga nunfuɛ'm be nyin ti kekle.

Mmla'n 9:6

Man amun si kɛ sɛ Anannganman amun Nyanmiɛn'n fa mɛn klanman nga man amun kɛ amun tran nun'n, nán kpa yɛ amun ti i ti yɛ ɔ fa mannin amun-ɔn, afin amun ti nyin keklefuɛ.