Ezipt Lɔ Tulɛ'n 32:5 - NYANMIƐN NDƐ'N 1998

⁵ Kɛ Aarɔn wunnin i sɔ'n, ɔ kplannin sraka yiwlɛ kun nannin ba'n i nyrun lɛ, yɛ ɔ kpannin, ɔ seli kɛ: «Ainman e ´di cɛn e ´man Anannganman.»

Ezipt Lɔ Tulɛ'n 32:5 ပူးပေါင်းရင်းမြစ်များ

1 Famiɛn Mun 21:9

Ɔ klɛli fluwa sɔ'n nun kɛ: «Amun `flɛ klɔ'n sufuɛ'm be kɛ be yia nan be ci nglɛmun. Man Nabɔt jran anyia i nyrun.

2 Famiɛn Mun 10:20

I waan: «Amun `kle cɛn kun man e fa yia e manman Baal» Yɛ be kleli-ɔ.

2 Famiɛn Mun 16:11

Yɛ Iri b'ɔ ti Nyanmiɛn nyrun jranfuɛ'n niannin sraka yiwlɛ nga kɛ Akaz o Damas lɔ'n ɔ klɛli i wun ndɛ blɛli i'n su kplannin sraka yiwlɛ kun sɛsɛsɛ kɛ ng'ɔ o lɛ'n sa. Ɔ wieli i kplan nan Akab ɔ'a fin Damas ɔ'a ba.

Ezipt Lɔ Tulɛ'n 10:9

Moiz tɛli Ezipt famiɛn'n su kɛ: «E kwlakwla yɛ e ´kɔ-ɔ, i ba kanngan mun o, i kpɛnngbɛn mun o, i yasua mun o, i bla mun o, e nin e bua mun nin e nannin mun ɔ nin é boli mun, afin ɔ fata kɛ e ko di cɛn e fa manman Anannganman.»

Ezipt Lɔ Tulɛ'n 12:14

Amun `fa cɛn sɔ'n amun `fa kpɛn amún wun wla. Kɛ ɔ ko ju'n, amun kwlaa amun `yia, amun `manman min Anannganman sa nga n yoli'n ti. Kɛ ɔ fɛ i blɛ nga nun'n, amun nin amun osu nunfuɛ mun amun `di i sɔ cɛn'n titi. Ɔ ti mmla kun bɔ be kwla kaci-mɛn i.»

Ezipt Lɔ Tulɛ'n 17:15

Moiz kplannin Nyanmiɛn sɔwlɛ kun, ɔ tɔnnin i dunman kɛ: Alɛ Nun'n, Anannganman Ti Min Nyrun Mmua Dunfuɛ.

Ezipt Lɔ Tulɛ'n 32:4

Kɛ be fali asunmanndi sɔ'm bɔ be ti sika ɔkwlɛ be mɛnnin i'n, ɔ kloli be yɛ ɔ fa guali like wie nun, nan ɔ'a fa yi sika ɔkwlɛ nannin ba kun. Kpɛkuun nvlefuɛ'm be waan: «Izraɛlfuɛ mun, amun like ng'ɔ fali amun Ezipt lɔ bali'n yɛ!»

Ezipt Lɔ Tulɛ'n 32:6

Nglɛmun ndɛ kpa'n, kɛ aliɛ cɛnnin'n, be yili tɛ nga be yra be nnɛn'n kɔlikɔli'n nin bo kun yolɛ'n i su tɛ mun. Nvle'n i nunfuɛ'm be trannin ase be dili like be nɔnnin nzan, i sin be jasoli kannin ngowa .

Ndɛ Nga Nyanmiɛn I Nuan Ijɔfuɛ Oze Kannin'n 8:11

Sraka yiwlɛ nga Efraimfuɛ'm b'a yo be kpanngban be ti be bɔbɔ be sa tɛ'n i su ukalɛ. Be jran sraka yiwlɛ sɔ'm bé su be yo sa tɛ'n sakpa.

Ndɛ Nga Nyanmiɛn I Nuan Ijɔfuɛ Oze Kannin'n 8:14

Izraɛl i wla fili i yifuɛ'n, ɔ ko kplannin sua kpakpa mun. Zida kusu kplannin klɔ kpanngban bɔ be si bé wun . Sanngɛ i sɔ klɔ liɛ mun'n, n wa fa sin n yi be nun. I sɔ sua kpakpa liɛ mun'n, sin'n yɛ ɔ ´di be-ɔ.»

Saun Yolɛ 23:2

ɔ `kan ndɛ yɛ mun kle Izraɛlfuɛ mun. I waan: «Sɛ cɛn nga be di be min dunman nun'n be blɛ'n ju'n, man amun ti yia nan amun su min cɛn nga n kleli amun'n bé su.

Saun Yolɛ 23:21

Junman nga amun di i titi'n, i cɛn sɔ'n nun nán man amun di. Amun `yia min dunman nun nan amun `su min. Mmla ng'ɔ o lɛ'n, kan kwlaa nga bɔ amun wo'n, amun `di bé su titi, nán amun `yi be ase.

Saun Yolɛ 23:37

Min cɛn dandan nga bɔ be yia be nun be su min'n yɛ be o lɛ-ɔ. Tɛ nga be yrɛ i nnɛn kɔlikɔli'n, ɔ nin sraka nga be fa ble annzɛ like ng'ɔ ti kɛ ble sa'n be yi'n, ɔ nin bo kun yolɛ i su tɛ'n, ɔ nin nzan'n, kɛ amun ´di i sɔ cɛn mun'n, amun `fa be man min. Cɛn kun nga be di sa'n, i su like nga be yo'n, i su yɛ amun `nian be yo man min-ɔn.

Saun Yolɛ 23:4

«Cɛn dandan uflɛ nga bɔ sɛ be ju-ɔ amun `yia min dunman nun'n be blɛ'n yɛ ɔ o yɛ:

1 Korɛntfuɛ Mun 5:8

Man e di cɛn sɔ'n, sanngɛ kpaun bɔ ayre laa'n wo nun b'ɔ kle klunwi'n nin sa tɛ yolɛ'n, nán man e fa di. Sanngɛ man e fa kpaun bɔ b'a gua-man nun kpaun ayre'n e fa di, i yɛ ɔ kle kpa yolɛ nin nanwlɛ dilɛ nin-ɔn .

1 Samiɛl 14:35

Sail i Nyanmiɛn sɔwlɛ klikli'n b'ɔ ´kplan man Anannganman'n yɛ ɔ o lɛ-ɔ.