Ezipt Lɔ Tulɛ'n 32:4 - NYANMIƐN NDƐ'N 1998

⁴ Kɛ be fali asunmanndi sɔ'm bɔ be ti sika ɔkwlɛ be mɛnnin i'n, ɔ kloli be yɛ ɔ fa guali like wie nun, nan ɔ'a fa yi sika ɔkwlɛ nannin ba kun. Kpɛkuun nvlefuɛ'm be waan: «Izraɛlfuɛ mun, amun like ng'ɔ fali amun Ezipt lɔ bali'n yɛ!»

Ezipt Lɔ Tulɛ'n 32:4 ပူးပေါင်းရင်းမြစ်များ

1 Famiɛn Mun 12:28

Famiɛn'n fali akunndan kun. Ɔ fali sika ɔkwlɛ fa yoli nannin ba nnyɔn yɛ ɔ seli nvle nunfuɛ'm be kɛ: «Izraɛlfuɛ mun, amu'an ɔ Zerizalɛm wie ala! Amun ninnge nga be ko fali amun Ezipt lɔ bali'n be yɛ be o yɛ .»

1 Famiɛn Mun 12:32

Ɔ sieli cɛn kun. I waan anglo mɔcuɛ su'n, kɛ i cɛn blu-nin-nnun ko ju'n, be ´di cɛn, yɛ be ´yo i sɔ tititi. Cɛn dilɛ sɔ'n ti kɛ Zida lɔ liɛ'n sa. I bɔbɔ yili sraka mun. Kɛ ɔ yoli i sɔ Betɛl lɔ-ɔ. Ɔ yili sraka'n mannin nannin ba b'ɔ yoli be'n. Ɔ fali sraka yifuɛ ng'ɔ kpali be'n sieli be Betɛl lɔ.

2 Famiɛn Mun 10:20

I waan: «Amun `kle cɛn kun man e fa yia e manman Baal» Yɛ be kleli-ɔ.

2 Famiɛn Mun 10:29

Sanngɛ Nɛbat i wa Zeroboam i sa tɛ ng'ɔ yoli bɔ man Izraɛlfuɛ'm be fɔnnin'n, Zei ɔ'a kaci-mɛn i sin ɔ'a si-mɛn. Amuɛn bɔ be fali sika ɔkwlɛ be yoli be kɛ nannin sa'n, Izraɛlfuɛ'm be suli be. Kun o Betɛl, yɛ kun o Dan. Be fɔnlɛ'n yɛ ɔ o lɛ-ɔ.

2 Be Nyoliɛ 11:15

Zeroboam kpali sran mun kɛ be jran sraka yiwlɛ lika nga be o kpɔlɛ'm be su'n be nun. I waan be jran amuɛn bɔ be ti kɛ boli kpakpuɛ annzɛ nannin ba mun sa'n be nyrun.

2 Be Nyoliɛ 13:8

Siɛn'n, amun waan amun ´jaso Anannganman i sielɛ b'ɔ fa wlali David nin i osu'n nunfuɛ'm bé sa nun'n i wun. Amun sonja'm be sɔnnin kpa. Yɛ amun amuɛn nga Zeroboam fali sika ɔkwlɛ yoli be kɛ nannin ba sa mannin amun'n, be o amun afiɛn.

Neemi 9:18

Be kloli sika ɔkwlɛ be fa yoli nannin b'ɔ ɔ'a kpɛ cro'n, kpɛkuun be waan: ‹Izraɛlfuɛ mun, amun Nyanmiɛn ng'ɔ fali amun Ezipt lɔ bali'n yɛ!› Nanwlɛ be wɔli wɔ safle dan.

Ezipt Lɔ Tulɛ'n 20:2

«N ti Anannganman ɔ Nyanmiɛn, min yɛ man a tuli Ezipt lɔ blɛ bɔ a tɛ o kanga nun nin-ɔn.

Ezipt Lɔ Tulɛ'n 20:23

Nán amun yo jɛtɛ ufue annzɛ sika ɔkwlɛ amuɛn kɛ amun su i be ´fa uka min su.

Ezipt Lɔ Tulɛ'n 20:4

Nán yo amuɛn fi, nán yo like wie fi b'ɔ fa nglo lɔ like, annzɛ asiɛ'n su wa like, annzɛ b'ɔ fa nzue b'ɔ o asiɛ'n i bo lɔ'n i nun like.

Ezipt Lɔ Tulɛ'n 28:11

Yɛbuɛ sɛfuɛ'n yɛ ɔ ´klɛ dunman sɔ mun yɛbuɛ'm bé su-ɔ. Be ´klɛ yɛbuɛ sɔ'm be su kɛ be fa klɛ nzɔliɛ'm be su'n sa. I sin be `fa be wla sika ɔkwlɛ buati nnyɔn nun.

Ezipt Lɔ Tulɛ'n 28:9

Man be fa oniks yɛbuɛ nnyɔn nan klɛ Zakɔb i wa yasua'm be dunman su.

Ezipt Lɔ Tulɛ'n 32:1

Kɛ nvlefuɛ'm be wunnin i kɛ Moiz su cɛ oka'n su lɔ ngboko'n, be ko sin yiali Aarɔn nan b'a se i kɛ: «Jaso, yo amuɛn kun man ye, man ɔ dun mmua e nyrun. Afin Moiz'n, bian sɔ'n b'ɔ fali ye Ezipt lɔ bali'n, e si-man like nga ɔ'a yo i-ɔ.»

Ezipt Lɔ Tulɛ'n 32:24

Yɛ n kusu n seli be kɛ: ‹Sran ng'ɔ lɛ sika ɔkwlɛ'n, ɔ `yi blɛ min.› Yɛ be fa blɛli min-ɔn. N kloli i nan m'an fa yi nannin ba nga.»

Ezipt Lɔ Tulɛ'n 32:3

Yɛ nvle'n i nunfuɛ'm be kwlaa be yiyili bé su'm be nun asunmanndi mun nan b'a fa be b'a blɛ Aarɔn.

Ezipt Lɔ Tulɛ'n 32:35

Anannganman tuli Izraɛlfuɛ'm be fɔ kɛ bɔ be seli Aarɔn kɛ ɔ yo nannin ba'n man be'n ti.

Ezipt Lɔ Tulɛ'n 32:5

Kɛ Aarɔn wunnin i sɔ'n, ɔ kplannin sraka yiwlɛ kun nannin ba'n i nyrun lɛ, yɛ ɔ kpannin, ɔ seli kɛ: «Ainman e ´di cɛn e ´man Anannganman.»

Ezipt Lɔ Tulɛ'n 32:7

Blɛ sɔ nun'n, Anannganman seli Moiz kɛ: «Jra nan kɔ, afin ɔ sran nga a fa be fin Ezipt lɔ bali'n, b'a yo sa tɛ dan.

Ezipt Lɔ Tulɛ'n 32:8

B'a yaci atin nga n kleli be'n lɛ lalaa, b'a klo sika ɔkwlɛ b'a yo nannin ba kun, b'a koto i bo, b'a yi sraka mun b'a mɛn i, kpɛkuun be seli kɛ: ‹Izraɛlfuɛ mun, amun like ng'ɔ fa amun Ezipt lɔ bali'n yɛ.› »

Ezai 30:22

Amun amuɛn mun bɔ amun klo jɛtɛ ufue annzɛ sika ɔkwlɛ gua be wun'n, amun `bu be like fiɛnfiɛn. Amun `gua be blo kɛ be gua like tɛtɛ'm be blo'n sa. Amun `se be kɛ: «Amun `fɛ li sɔ'n be fite lɔ.»

Ezai 46:6

Sran wie'm be fa sika ɔkwlɛ be bɔlɛ'n nun, yɛ be sunnzun jɛtɛ ufue toe su, yɛ be fa ajuin difuɛ kɛ ɔ `fa sika sɔ'n ɔ `yi amuɛn man be. Kpɛkuun be su amuɛn sɔ'n, be koto i bo.

Ezekiɛl 23:8

Ɔ'a yaci-mɛn i tekle ng'ɔ boli i Ezipt lɔ'n. Afin be nin i lali i talua nun yɛ be miɛn-miɛnnin i nyɔnflɛn'n fifi, yɛ be fɛ i wlali tekle bolɛ'n nun.

Ndɛ Nga Nyanmiɛn I Nuan Ijɔfuɛ Oze Kannin'n 10:5

Samarifuɛ'm be yɛyɛ sika ɔkwlɛ nannin ba ng'ɔ o Bɛt-Avɛn lɔ'n. Samarifuɛ'm be yo bé wun aunnvuɛfuɛ amuɛn sɔ'n dunman nun, Be nga be tɔn bé wun suɛn kɛ be ti sraka yifuɛ'n, be sro i dan, be usu i nyrun. Sanngɛ nga be ´yo i lɛ'n ti ngbɛn. San ɔ ´tu lɛ.

Ndɛ Nga Nyanmiɛn I Nuan Ijɔfuɛ Oze Kannin'n 13:2

Sran sɔ'm be tɛ yo sa tɛ'n be tɛ kɔ be nyrun, be fa jɛtɛ ufue be klo i kaci amuɛn. Be kpɛ bé ti nun yɛ be yi amuɛn sɔ mun-ɔn, i sɔ amuɛn liɛ'n be kwlaa be ti ajuin difuɛ kun sa nuan like. Sanngɛ kpɛkuun be ko se kɛ yoo: «Man be yi tɛ be man be.» ?Kɛ sran'm be tɔ nannin nun liɛ'n, amu'an wun i sɔ'n wie le?

Sa nga bé yôli'n 17:29

Ɔ man sɛ e ti Nyanmiɛn mma mun'n, nán man e bu i kɛ Nyanmiɛn nin like nga sran'm be bɔbɔ be fa be akunndan be yo'n, sika ɔkwlɛ nin jɛtɛ ufue bɔ be tɔn'n, ɔ nin yɛbuɛ bɔ be sɛ'n, be ti kun.

Sa nga bé yôli'n 7:41

I cɛn sɔ nun'n, be yoli nannin ba kun nan b'a sɔ i. Like sɔ'n bɔ be yoli'n ti'n, be klun jɔli.

1 Korɛntfuɛ Mun 10:7

Nán an yo amuɛn sɔfuɛ kɛ be klɛli i kɛ be nun wie'm be yoli'n sa, be klɛli i kɛ: «Nvle'n i nunfuɛ'm be trannin ase be di like, be nɔnnin nzan, i sin be jao kannin ngowa .»

Mmla'n 9:16

N wunnin kɛ amu'an fɔn Anannganman amun Nyanmiɛn'n i wun sakpa. Afin amun kloli sika ɔkwlɛ amun fa yoli amuɛn, i wafa'n ti kɛ nannin ba sa. Atin nga Anannganman kleli amun'n, amun yacili i lɛ ndɛndɛ kpa, amu'an fa-man su.

Jɔlɛ Difuɛ Mun 8:24

Ɔ seli be kɛ: «Sanngɛ n ´srɛ amun like kun. Amun kwlaa amun `fa Madianfuɛ'm bé bo ninnge nga amun nyɛnnin i'n i nun sika ɔkwlɛ be man min.» Madianfuɛ'm be kusu be wla sika ɔkwlɛ nga'n kpa. Sran nga be tran aawlɛ flɛnnɛn nun'n be liɛ su-ɔ.

Jɔlɛ Difuɛ Mun 8:27

Zedeɔn fali sika ɔkwlɛ'n fa yoli sika ɔkwlɛ sran. Ɔ fa sieli i klɔ lɔ, be flɛ i klɔ'n kɛ Ofra. Yɛ Izraɛlfuɛ'm be kwlaa be ko koto i bo be sɔ i-ɔ. Ɔ yoli kɛ Zedeɔn nin i awlofuɛ'm be bɔbɔ bé wun aya sa.