Ezipt Lɔ Tulɛ'n 32:32 - NYANMIƐN NDƐ'N 1998

³² Yaci bé sa tɛ'n cɛ be. Sɛ w'a yo-man sɔ'n, wuun kpɛ i kpo nunnun min dunman'n ɔ fluwa nga a klɛli'n nun.»

Ezipt Lɔ Tulɛ'n 32:32 ပူးပေါင်းရင်းမြစ်များ

Jue Mun 139:16

I nun bɔ n tɛ yo mmoja bɔbɔ'n, ɔ́ nyin ta min. Asiɛ'n su cɛn ba nga n ko di'n, a dun mmua klɛli i ngba guɛli i ɔ fluwa'n nun kusu wuun n nian di-man bɔ kun.

Jue Mun 56:8

?Sa tɛtɛ nga be ´yo be lɛ'n, nan be nyan bé ti? Ee Nyanmiɛn, fa bé wun ya nan yi be ase!

Jue Mun 69:28

Ka sa tɛ nga be yoli'n be kwlakwla. Nán bé wun yo ɔ fɛ le.

Ezipt Lɔ Tulɛ'n 32:10

Siɛn liɛ'n, yaci min nun man n yo sa wie. Min ya'n wa jue bé su kɛ sin sa, yɛ n ´nunnun be mlɔnmlɔn. Sanngɛ ɔ liɛ'n, wɔ osu'n wa trɛ, ɔ ´yo nvle dan kun.»

Ezai 4:3

I sɔ nun'n, sran nga be ´ka Siɔn lɔ'n, sran nga be ´ka Zerizalɛm lɔ'n, be ´flɛ be kɛ Anannganman i sran mun. Be sɔfuɛ mun yɛ Anannganman klɛli be dunman i fluwa'n nun kɛ be `tran Zerizalɛm lɔ-ɔ .

Ezekiɛl 13:9

«N ´yi min kwlalɛ bɔ n kwla'n i nglo n ´kle be nga be tɔn bé wun suɛn kɛ be ti min nuan ijɔfuɛ'n, bɔ be kpɛ bé ti nun kɛ b'a wun aolia nun like kpɛkuun be bua ato be wunnzue yilɛ'm be nun'n. Be liɛ'n, be su tran-man min sran'm be anyia'n nun wie, be su klɛ-man be dunman Izraɛlfuɛ'm be nun wie, yɛ be su sa-man be sin be tran-man be mɛn'n nun wie kun. Kɛ ɔ ko yo sɔ'n, kpɛkuun be wa si jrɛiin kɛ min yɛ n ti Anannganman Nyanmiɛn nin-ɔn.

Daniɛl 12:1

«I blɛ sɔ nun'n, Mikaɛl b'ɔ ti anz'm be su kpɛn'n, b'ɔ sasa ɔ nvle nunfuɛ mun'n, ɔ ´ba. Blɛ sɔ'n wa yo awlaboɛ blɛ. I sɔ awlaboɛ liɛ'n, kɛ ɔ fin cɛn bɔ mɛn'n wo lɛ lele b'ɔ ´fa ju ndɛ yɛ'n, be nian wun-mɛn i sɔ le. Blɛ sɔ nun'n, ɔ nvle nunfuɛ bɔ be klɛli be dunman nguan fluwa'n nun'n be ´fite nun .

Amɔs 7:2

Kɛ n ´nian bɔ lalo'm be su wa wie mɛn'n nun ijre'n kwlaa di'n, yɛ n seli kɛ: Anannganman Nyanmiɛn, Zakɔb osu nunfuɛ'm be ti kaan ngboko, sɛ w'a yaci-man bé wun sa'n a cɛ-man be'n, be ´wie nunnun.

Malasi 3:16

Kpɛkuun be nga bé nyin yi Anannganman'n, be yiali be kokoli bé wun. Be ndɛ nga be kannin'n, Anannganman fɛli i su sieli i bo ɔ tili. Be nga bé nyin yi Anannganman b'ɔ kan ndɛ kle be-ɔ be fa'n, be klɛli be dunman i bɔbɔ i nyrun lɛ .

Malasi 3:17

Anannganman b'ɔ sie mɛn wunmuan'n waan: «Be ´yo min liɛ, cɛn nga n ´yi mín wun nglo nun'n, be ´yo min liɛ mlɔnmlɔn. N ´si be aunnvuɛ kɛ sran fa si i wa bɔ i nyin yi i'n i aunnvuɛ'n sa.

Kalɛ 11:15

Sɛ ɔ waan a ´yo min sɔ'n, wuun kun min kpɛkun. Kɛ ɔ ko yo sɔ'n, wuun ndɛ ti a kpɛ, wuun w'a yo min ye, kpɛkuun n su wun-man min nyrun kun.»

Kalɛ 11:25

Anannganman jrali sin wɛnsrɛn'n nun kpɛkuun ɔ nin Moiz be ijɔli. Nyanmiɛn fali Wawɛ ng'ɔ o Moiz i su'n wie mannin kpɛnngbɛn ableso sɔ mun. Kɛ Wawɛ'n jrali bé su'n yɛ be tɔli Nyanmiɛn i nuan ijɔlɛ'n su-ɔ. Sanngɛ i sɔ'n ɔ'a cɛ-man.

Kalɛ 14:19

Anannganman, ɔ klun kpa'n ti, yaci ɔ nvle'n i sa tɛ'n cɛ i, kɛ a fa sɔli bé sa tɛ'm be yaci cɛlɛ Ezipt lɔ lele bɔ ɔ'a fa ju yɛ'n sa.»

JÉSUS-CHRIST I DYASIN FE'N BO LUC KLELI'N 10:20

Kannzɛ n seli sɔ'n, nán amun klun jɔ ninnge'm bɔ be sro amun'n ti, sanngɛ man amun klun jɔ amun dunman bɔ b'a klɛ i nyanmiɛn su lɔ'n ti .»

JÉSUS-CHRIST I DYASIN FE'N BO LUC KLELI'N 23:34

Yɛ Jésus seli kɛ: «N Si, yaci bé wun sa'n cɛ be, afin sa nga be ´yo i lɛ'n, be wun-mɛn i wlɛ.» Be tuli i tralɛ'm bé wun fɔtɔ be fali .

Rɔmfuɛ Mun 9:3

Afin sɛ Nyanmiɛn bo n sannzan bɔ min nin Krist e bu nan n niaan'm bɔ min nin be e ti nvle kun'n be nyan bé ti'n, n ´se Nyanmiɛn kɛ ɔ yo n sɔ .

Mmla'n 25:19

I sɔ'n ti'n, amun wa ju mɛn nga Anannganman amun Nyanmiɛn'n ɔ'a fa man amun'n i nun lɔ. Cɛn nga Anannganman amun Nyanmiɛn'n yo man amun di alaje amun kpɔfuɛ nga be mantan amun lɛ'n bé sa nun'n, amun `nunnun Amalɛk i osu'n mɛn'n nun. Nán be bo bé su be di jɔlɛ kun. Nán amun wla fi ndɛ nga.

Mmla'n 29:20

Anannganman ɔ ´yo man ɔ ´wun nyrɛnnɛn. Ɔ ´yi i Izraɛl akpasua'm be nun. Sa yalɛ nga be kan be ndɛ mmla bɔ be ti klɛwa fluwa nga nun'n, Anannganman ´fa yi i su. Kɛ Anannganman nin be nuan sɛli su sɔ-ɔ.

Mmla'n 9:14

Jran man n nunnun be, nan be dunman'm be wie mɛn'n nun. Yɛ n yo man nvle kun ´fin ɔ nun fite. I nunfuɛ'm be ´nyan wunmiɛn tra sran nga mun, yɛ be ´sɔn tra be.»

Filipfuɛ Mun 4:3

Yɛ ɔ kusu bɔ a ti n wiengu junman difuɛ kpa'n, n ´srɛ wɔ, uka bla sɔ mun, afin be nin min nin Kleman ɔ nin n wiengu junman difue mun yɛ e kplili jasin fɛ'n i bolɛ'n i wun nin-ɔn. Be kwlaa sɔ'n, be dunman ti klɛwa nguan fluwa'n nun.

Sa nglô yile 17:8

Nnɛn'n bɔ a wunnin i'n, ɔ o lɛ laa, sanngɛ ɔ nun-man lɛ kun. Ɔ wa fin kunman dan bɔ be si-mɛn i bo'n nun fite, ɔ ´kɔ lika nga i agualiɛ'n ´guɛ i tɛ'n nun. Asiɛ'n sufuɛ'm bɔ kɛ be ´bo mɛn'n i bo'n b'a klɛ-man be dunman nguan fluwa nun'n, kɛ be ´wun nnɛn sɔ'n, ɔ ´bo bé nuan. Afin ɔ o lɛ laa, siɛn'n ɔ nun-man lɛ kun, yɛ ɔ wa ba ekun .

Sa nglô yile 21:27

Like fiɛn fi nin sran ng'ɔ fɛ i wun man tete sa yolɛ'n b'ɔ bua ato'n, be su ju-man lɔ. San be nga be klɛli be dunman Bua Gbanflɛn'n i nguan fluwa nun'n be cɛ yɛ be ´ju lɔ-ɔ .

Sa nglô yile 22:19

Yɛ sɛ sran wie kpɛ fluwa nga b'ɔ kle sa ng'ɔ wa ju'n i nun ndɛ'n wie yi'n, Nyanmiɛn man i liɛ su tran-man waka b'ɔ man nguan'n, nin Nyanmiɛn klɔ bɔ be ndɛ o fluwa nga nun'n nun wie .

Sa nglô yile 3:5

Sran ng'ɔ kwla'n, kɛ ɔ ´wlɛ i wun tralɛ ufue sɔ-ɔ. N su nunnun-mɛn i dunman'n nguan fluwa'n nun. M ´bo i dunman n kle min Si nin i anz mun .