Ezipt Lɔ Tulɛ'n 32:31 - NYANMIƐN NDƐ'N 1998

³¹ Moiz sɛli i sin Anannganman wun lɔ. Ɔ srɛli i kɛ: «Ee! Anannganman, sran sɔ'm be yoli sa tɛ dan kpa. Be yoli sika ɔkwlɛ amuɛn.

Ezipt Lɔ Tulɛ'n 32:31 ပူးပေါင်းရင်းမြစ်များ

Ɛsdras 9:15

Anannganman, Izraɛl Nyanmiɛn, ɔ klun ti ufue ti yɛ e nun wie e nyin tɛ osu-ɔ. E ti sa tɛ yofuɛ yɛ e o ɔ nyrun wa yɛ. E nin ɔ nyrun jranlɛ fata-man.»

Neemi 9:18

Be kloli sika ɔkwlɛ be fa yoli nannin b'ɔ ɔ'a kpɛ cro'n, kpɛkuun be waan: ‹Izraɛlfuɛ mun, amun Nyanmiɛn ng'ɔ fali amun Ezipt lɔ bali'n yɛ!› Nanwlɛ be wɔli wɔ safle dan.

Neemi 9:33

Kɛ e nian sa kwlaa ng'ɔ juli ye su'n, e wun kɛ a yoli ng'ɔ fata'n. E yɛ e fɔnnin-ɔn.

Ezipt Lɔ Tulɛ'n 20:23

Nán amun yo jɛtɛ ufue annzɛ sika ɔkwlɛ amuɛn kɛ amun su i be ´fa uka min su.

Ezipt Lɔ Tulɛ'n 20:4

Nán yo amuɛn fi, nán yo like wie fi b'ɔ fa nglo lɔ like, annzɛ asiɛ'n su wa like, annzɛ b'ɔ fa nzue b'ɔ o asiɛ'n i bo lɔ'n i nun like.

Ezipt Lɔ Tulɛ'n 32:30

Kɛ aliɛ cɛnnin'n, Moiz seli nvlefuɛ'm be kɛ: «Amu'an yo sa tɛ dan kpa. N su fu oka'n su lɔ Nyanmiɛn wun lɔ. Wienun-ɔn, sɛ ɔ ´yaci amún sa tɛ'n ´cɛ amun o!»

Ezipt Lɔ Tulɛ'n 34:28

Moiz nin Anannganman be kali lɛ lele cɛn ba ablanan nin kɔnguɛ ablanan, i nuan sa ɔ'a kan-man like fi, yɛ ɔ'a nɔn-man nzue kusu. Anannganman klɛli aenguɛ nga ɔ nin Izraɛlfuɛ mun trali'n i nun ndɛ mun. Be ti mmla blu. Ɔ klɛli be yɛbuɛ paplaapla'm bé su.

Daniɛl 9:11

Izraɛl nvle wunmuan'n ɔ fɔnnin ɔ mmla'n, yɛ ɔ kacili i sin sili wɔ. I sɔ'n ti nan nyrɛnnɛn nin sannzan nga be klɛli be Moiz b'ɔ ti ɔ sufuɛ'n i mmla fluwa'n nun'n b'a tɔ e su . Yɛlɛ kɛ e yoli sa tɛ.

Daniɛl 9:5

E nyin a yi-man wɔ, e yoli sa tɛ, e fɔnnin, e jasoli ɔ́ wun. Ɔ mmla nin ɔ́ nuan su ndɛ nga a kannin'n, y'a di-man su.

Daniɛl 9:8

Nanwlɛ, e Min, nyannzuɛn'n ɔ'a kun ye kpo. E bɔbɔ o, e famiɛn mun o, e famiɛn i awlo lɔ sran dandan mun o, e nannan mun o, e yɛ nyannzuɛn sɔ'n ɔ'a kun ye-ɔ, afin é nyin a yi-man wɔ.