Ezipt Lɔ Tulɛ'n 32:30 - NYANMIƐN NDƐ'N 1998

³⁰ Kɛ aliɛ cɛnnin'n, Moiz seli nvlefuɛ'm be kɛ: «Amu'an yo sa tɛ dan kpa. N su fu oka'n su lɔ Nyanmiɛn wun lɔ. Wienun-ɔn, sɛ ɔ ´yaci amún sa tɛ'n ´cɛ amun o!»

Ezipt Lɔ Tulɛ'n 32:30 ပူးပေါင်းရင်းမြစ်များ

2 Samiɛl 12:9

?Yɛ ɔ yo sɛ ti yɛ a yoli min ndɛ'm be finfin, bɔ a yoli sa nga n klo-mɛn i nin-ɔn? A kunnin Iri b'ɔ ti Ɛtfuɛ'n. A yoli man Amɔnfuɛ'm be kunnin i alɛ'n nun, kpɛkuun a fɛli i yi'n yoli ɔ liɛ .

2 Samiɛl 16:12

Sɛ nja, Anannganman ´wun min awlaboɛ'n nan ɔ ´fa min su sannzan'n kaci muae ´man min o.»

2 Famiɛn Mun 17:21

Kɛ Anannganman yili Izraɛlfuɛ mun David osufuɛ'm be nun'n, be fali Nɛbat i wa Zeroboam be sieli famiɛn. Yɛ Zeroboam man Izraɛlfuɛ'm be yacili Anannganman. Ɔ man Izraɛlfuɛ'm be yoli sa tɛ dan kpa.

Jue Mun 99:6

Moiz nin Aarɔn bɔ be ti Anannganman nyrun jranfuɛ'n, ɔ nin Samiɛl b'ɔ bo i dunman'n, kɛ be kpan flɛli i'n, ɔ tɛli be su.

Ezipt Lɔ Tulɛ'n 32:29

Moiz seli Levi akpasua sufuɛ'm be kɛ: «Ndɛkɛn'n, amu'an klɛn amún wun b'a man Anannganman kɛ amun yo i junman difuɛ, afin amu'an kun amun mma mun nin amun niaan mun. I sɔ'n ti ndɛkɛn bɔbɔ'n, man Nyanmiɛn yo amun liɛ ye.»

Amɔs 5:15

Nán amun fa sa tɛ yolɛ'n be `sie amun anwlɛn'n nun mlɔnmlɔn. Man klun-ufue yolɛ'n yɛ ɔ tran amun anwlɛn'n nun-ɔn. Amun ´kan ndɛ-ɔ, amun `di nanwlɛ. Amun `di nanwlɛ, i liɛ'n nja, sɛ Anannganman b'ɔ sie mɛn wunmuan'n ɔ ´si Zozɛf i anunman nga be ka'n be aunnvuɛ o!

Zonas 3:9

E si-man sɛ Anannganman'n gua i ya'n i ase o! Sɛ wienun-ɔn ɔ ´kaci aniɛn nan ɔ su nunnun-man ye o .»

Kalɛ 25:13

Aenguɛ sɔ'n, ɔ ti kɛ e nin i nin i osu'n nunfuɛ'm be kwlaa yɛ e trali-ɔ. Ɔ ´yo man be ´yo min nyrun jranfuɛ manndimaan. Afin i wun mantanlɛ ng'ɔ fa mantan min Nyanmiɛn'n, ɔ yili i nglo weiin. Ɔ ti kɛ ɔ kpatali Izraɛlfuɛ'm bé ti, ɔ man n yacili.»

JÉSUS-CHRIST I DYASIN FE'N BO LUC KLELI'N 15:18

M ma jao n kɔ min si sin nan n ´se i kɛ:

JÉSUS-CHRIST I DYASIN FE'N BO LUC KLELI'N 7:47

I sɔ'n ti'n, n ´kan kle wɔ kɛ i klolɛ dan b'ɔ fa klo min'n kle kɛ Nyanmiɛn a yaci i sa tɛtɛ kpanngban b'ɔ yoli'n ɔ'a cɛ i. Sanngɛ sran nga i sa tɛ b'ɔ yoli bɔ Nyanmiɛn yaci cɛli i'n, sɛ ɔ ti-man dan'n, i klolɛ b'ɔ fa fa klo min'n ti kaan.»

Rɔmfuɛ Mun 9:3

Afin sɛ Nyanmiɛn bo n sannzan bɔ min nin Krist e bu nan n niaan'm bɔ min nin be e ti nvle kun'n be nyan bé ti'n, n ´se Nyanmiɛn kɛ ɔ yo n sɔ .

Galasifuɛ Mun 3:13

Kɛ Krist kacili sran bɔ Nyanmiɛn boli i sannzan e ti'n, ɔ fɛli i wun kpɔli é ti sannzan nga Nyanmiɛn boli ye mmla'n bɔ y'a fa-man su'n ti, afin be klɛli i kɛ: «Sran kwlaa nga be bo i kɔmin'n, wuun Nyanmiɛn boli i sannzan ti-ɔ .»

2 Timote 2:25

yɛ ɔ tu be nga be kpalo i nuan'n be fɔ amanniɛn su, wienun-ɔn cɛn wie lele Nyanmiɛn man be ´kaci be nzuɛn'n nan be ´si sa ng'ɔ ti nanwlɛ'n.

Jacques 5:16

I sɔ'n ti, kɛ ɔ ´yo nan amu'an yo juejue'n, an `kan sa nga an yoli'n kle amun wiengu, an `srɛ Nyanmiɛn man amun wun kɛ ɔ man amun jaso. Sɛ sran kpa kun srɛ like Nyanmiɛn sa nun b'ɔ jran su kpa'n, i srɛlɛ sɔ'n yo sa ye dan.

1 Samiɛl 12:17

?Kɛ e o yɛ, e nun-man ble kpɛlɛ blɛ bɔ nzue tɔ-man'n i nun? Sanngɛ n wa kpan flɛ Anannganman. Nzue'n wa bo nun. Ɔ wa tɔ nan amu'an wun kɛ famiɛn nga bɔ amun usali'n ɔ ti sa tɛ dan kpa kun yɛ amun yoli Anannganman-an.»

1 Samiɛl 12:19

Be kwlakwla be seli Samiɛl kɛ: «Nannan, srɛ Anannganman ɔ Nyanmiɛn'n man ye nan y'a wu-man, afin y'a fa famiɛn kunndɛlɛ'n y'a uka é tɛ beblebe'm bé su.»

1 Samiɛl 12:20

Samiɛl seli be kɛ: «Nán srɛ kun amun. N si kɛ amu'an yo sa tɛ dan, sanngɛ nán amun kaci amún sin si Anannganman. Amun `nian nun `su i kɛ ɔ fata'n sa.

1 Samiɛl 12:23

N kusu n kwla se-man kɛ n srɛ-man Nyanmiɛn m man-man amun kun. Sɛ n se sɔ-ɔ, wuun m'an fɔn Anannganman wun. N ´srɛ m ´man amun, n ´kle amun atin ng'ɔ ti kpa'n, b'ɔ ti seiin'n.

1 Samiɛl 2:17

Eli i mma'm be aeliɛ tɛtɛ nga be yo i Anannganman i nyrun'n yɛ ɔ o lɛ-ɔ. Ɔ ti-man kpa mlɔnmlɔn, afin be yo ninnge nga be fa man Anannganman'n i finfin.