Ezipt Lɔ Tulɛ'n 32:3 - NYANMIƐN NDƐ'N 1998

³ Yɛ nvle'n i nunfuɛ'm be kwlaa be yiyili bé su'm be nun asunmanndi mun nan b'a fa be b'a blɛ Aarɔn.

Ezipt Lɔ Tulɛ'n 32:3 ပူးပေါင်းရင်းမြစ်များ

Bo Bolɛ 24:22

Kɛ nyɔnngɔnmɛn'm be nɔnnin nzue'n wieli'n, bian'n fali bé sama ti nga kun, ɔ ti sika ɔkwlɛ, ɔ ti gram nsiɛn, yɛ ɔ fali bé sa kɔmin nun nga nnyɔn, kun ti gram ya tra su, kun ti gram ya tra su ɔ fa be mɛnnin i.

Bo Bolɛ 35:4

Yɛ be fali amuɛn ng'ɔ o bé sa nun'n kwlaa nin be asunmanndi mun mannin Zakɔb-ɔ. Nan Zakɔb ɔ'a fa ninnge sɔ mun ɔ'a wla be ase sɛni waka ng'ɔ o Sisɛm lɛ'n i bo.

Ezipt Lɔ Tulɛ'n 32:2

Aarɔn seli be kɛ: «Amun `yiyi sika ɔkwlɛ asunmanndi bɔ be o amún yi mun, nin amun mma yasua, ɔ nin amun mma bla'm bé su'm be nun'n mun, nan amun `fa be blɛ min.»

Ezipt Lɔ Tulɛ'n 32:4

Kɛ be fali asunmanndi sɔ'm bɔ be ti sika ɔkwlɛ be mɛnnin i'n, ɔ kloli be yɛ ɔ fa guali like wie nun, nan ɔ'a fa yi sika ɔkwlɛ nannin ba kun. Kpɛkuun nvlefuɛ'm be waan: «Izraɛlfuɛ mun, amun like ng'ɔ fali amun Ezipt lɔ bali'n yɛ!»

Ezipt Lɔ Tulɛ'n 33:6

Kɛ Izraɛlfuɛ'm be jasoli Orɛb oka'n wun lɛ bɔ be ´kɔ'n, be yiyili be wun blɛ dilɛ ninnge mun.

Ezai 3:19

be su nun asunmanndi mun, be sa nga mun, nin be tannin nga be fa kata bé nyrun'n,

Ezai 46:6

Sran wie'm be fa sika ɔkwlɛ be bɔlɛ'n nun, yɛ be sunnzun jɛtɛ ufue toe su, yɛ be fa ajuin difuɛ kɛ ɔ `fa sika sɔ'n ɔ `yi amuɛn man be. Kpɛkuun be su amuɛn sɔ'n, be koto i bo.

Zeremi 10:9

Be ko fa jɛtɛ ufue fɛtɛfɛtɛ Tarsis lɔ annzɛ sika ɔkwlɛ nnya Ifaz lɔ. Sika tɔnfuɛ'm be di i wun junman, ajuin difuɛ'm be di i wun junman, kpɛkuun be fa kɛtɛ i wun klanman cɛ. Be yo wie ɔkwlɛ, wie kusu ti ɔkwlɛ srosrowa. I kwlaa ng'ɔ o lɛ'n, ɔ ti ajuin difuɛ'm bé sa nuan like.