Ezipt Lɔ Tulɛ'n 32:22 - NYANMIƐN NDƐ'N 1998

²² Aarɔn tɛli i su kɛ: «Yaci, nán fa ya. Ɔ bɔbɔ a si kɛ sran nga be o yɛ mun, be sa tɛ yolɛ fin'an wa ju'a wa.

Ezipt Lɔ Tulɛ'n 32:22 ပူးပေါင်းရင်းမြစ်များ

Bo Bolɛ 44:18

Yɛ Zida wunngeli i wun lɔ nan ɔ'a se i kɛ: «Nannan, n tu wɔ kpli, kaflɛ, n su wa kan ndɛ, nán ɔ lo wɔ ngasi. Afin a ti kɛ Ezipt famiɛn'n sa yɛ a o lɛ-ɔ.

Jue Mun 36:4

Ato bualɛ'n nin sran'm be lakalɛ'n yɛ ɔ wo i nuan'n nun-ɔn. Ɔ bu-man sa kpa yolɛ'n i akunndan bɔ kaan sa.

Ezipt Lɔ Tulɛ'n 14:11

Yɛ be seli Moiz kɛ: «?Asieliɛ nun-man Ezipt lɔ-ɔ? ?Nzu ti yɛ a fali ye bali aawlɛ flɛnnɛn'n nun wa kɛ e wa wu-ɔ? ?Nzu like yɛlɛ nga a yoli e yɛ'n, bɔ a fali e Ezipt lɔ bali-ɔ?

Ezipt Lɔ Tulɛ'n 15:24

Nzrafuɛ'm be trikili Moiz su, be seli i kɛ: «?Nzu yɛ e ´nɔn-ɔn?»

Ezipt Lɔ Tulɛ'n 16:20

Sanngɛ be kannin-ɔn, sran wie'm b'a fa-man su. Be sieli wie lele aliɛ cɛnnin su. Kakaa wie'm be wa loli nun, be sacili i, i ti ɔ bɔnnin sa fiaan siɛn'n. Nan Moiz ɔ'a fa bé wun ya.

Ezipt Lɔ Tulɛ'n 16:28

Anannganman seli Moiz kɛ: «?Min mmla bɔ amun waan amun fa-man su'n, amun ´yo i sɔ lele cɛn onin?

Ezipt Lɔ Tulɛ'n 32:1

Kɛ nvlefuɛ'm be wunnin i kɛ Moiz su cɛ oka'n su lɔ ngboko'n, be ko sin yiali Aarɔn nan b'a se i kɛ: «Jaso, yo amuɛn kun man ye, man ɔ dun mmua e nyrun. Afin Moiz'n, bian sɔ'n b'ɔ fali ye Ezipt lɔ bali'n, e si-man like nga ɔ'a yo i-ɔ.»

Ezipt Lɔ Tulɛ'n 32:21

Moiz usali Aarɔn kɛ: «?Nzu yɛ nvlefuɛ nga'm be yoli wɔ bɔ i ti yɛ a fa be a wla sa tɛ dan kɛ nga sa'n nun-ɔn?»

Nyanndra Mun 4:16

Afin sɛ be nian yo-man sa tɛ'n, be nian lafi-man. Sɛ be nian yo-man sran sa'n, lafilɛ sa ɔ kun-man be.

Mmla'n 31:27

Afin n si kɛ be ti nyin keklefuɛ dan kpa, be bli be-ɔ ɔ bli-man. Nian sunnzun bɔ min nyin tɛ o su'n, nian jasolɛ bɔ be ´jaso Anannganman wun-ɔn. ?Yɛ sɛ be waan m'an wu nin?

Mmla'n 9:24

Kɛ n si amun lele'n, amun nian yaci-man nyin kekle yolɛ'n Anannganman su le.

Mmla'n 9:7

Nán amún wla fi wafa nga amun fa klɔklɔli Anannganman amun Nyanmiɛn'n aawlɛ flɛnnɛn'n nun lɔ b'ɔ ko fa ya'n su. Man ɔ ka amun klun. Kɛ ɔ fin cɛn bɔ amun fin Ezipt mɛn'n nun lɔ bali'n, bɔ amun ´fa ju lika nga nun wa'n, amu'an yaci-man nyin kekle yolɛ Anannganman su le.

1 Samiɛl 15:15

Sail waan: «Sonja mun yɛ be fali be Amalɛk lɔ bali-ɔ. Be waan be ´yaci bua nin nannin kpakpa'm be lɛ nan be ´fa yi tɛ man Anannganman b'ɔ ti ɔ Nyanmiɛn'n. E nunnunnin i onga'n kwlaa kpan.»

1 Samiɛl 15:21

Sonja'm be fali bua nin nannin nga be ko nunnun be'n i nun kpakpa mun, be fa be bali kɛ be wa fa yi tɛ ´man Anannganman b'ɔ ti ɔ Nyanmiɛn'n Gilgal lɔ.»

1 Samiɛl 15:24

Sail tɛli Samiɛl su kɛ: «M'an yo sa tɛ, m'an fa-man Anannganman nin wɔ amún nuan ndɛ'n su. Srɛ kunnin min sran'm bé wun yɛ man n yoli nga be seli min nin-ɔn.