Ezipt Lɔ Tulɛ'n 32:19 - NYANMIƐN NDƐ'N 1998

¹⁹ Kɛ Moiz nin Zozie be mantannin ngblaliɛ'n, Moiz wunnin nannin ba'n nin nvlefuɛ mun bɔ be su si able'n. Ɔ fali ya dan kpa, nan ɔ'a tɛ yɛbuɛ paplaapla'm be ase ɔ'a bubu be nun oka'n i bo lɛ.

Ezipt Lɔ Tulɛ'n 32:19 ပူးပေါင်းရင်းမြစ်များ

Efɛzfuɛ Mun 4:26

Sɛ an fa ya'n, nán an yo sa tɛ. Nán an fa ya sɔ'n lele man wia'n tɔ su .

Marc 10:14

Kɛ Jésus wunnin i sɔ'n, ɔ'a yo-mɛn i fɛ, nan ɔ'a se be kɛ: «An `yaci ba kanngan'm be nun man be bla n sin, nán an fuan be, afin be bɔ be yo bé wun kɛ ba kanngan nga mun sa'n, be yɛ Nyanmiɛn sie be-ɔ.

Marc 3:5

Be ketelɛ bɔ b'a kete'n yoli i ya lele ɔ boli i wla, yɛ ɔ nian-niannin be ya su, kpɛkuun ɔ seli bian'n kɛ: «Tinngɛ ɔ́ sa'n nun.» Ɔ tinngɛli i sa'n nun nan i sa sɔ'n ɔ'a yo kpa kɛ laa'n sa.

Matthieu 5:22

Sanngɛ n liɛ'n, n ´kan kle amun kɛ, sran kwlaa ng'ɔ fɛ i niaan wie wun ya, be ´fɛ i kɔ jɔlɛ difuɛ'm bé ja su. Yɛ sran ng'ɔ kpɛ i niaan wie nzowa'n, be ´fɛ i kɔ jɔlɛ difuɛ dandan'm bé ja su. Sran ng'ɔ se i niaan kɛ: ‹Sinnglinfuɛ'n,› be ´fɛ i kɔ nyrɛnnɛn lika'n i sin'n nun lɔ.

Zakari 11:14

Kpɛkuun yɛ m buli anuansɛ kpɔnman'n nun-ɔn. Min waan m ´bu nun nan Zida nin Izraɛl be afiɛn fɔn.

Ngwlɛ Yilɛ 5:15

E si-man like nga be flɛ i aklunjuɛ'n kun. Y'a yaci able'm be silɛ. Y'a yo sɛnvuɛ mun siɛn'n.

Zeremi 31:32

Aenguɛ sɔ'n nin nga e nin be nannan mun e trali'n i nun bɔ n ´fa be Ezipt lɔ m ´ba'n, ɔ su yo-man kun. I sɔ aenguɛ liɛ'n be sacili i, sanngɛ kusu wuun min yɛ n ti be Min nin-ɔn.» Nga Anannganman'n kan'n yɛ ɔ o lɛ-ɔ.

2 Samiɛl 6:14

Kpɛkuun David wlɛli i wun ase sili able Anannganman nyrun. Nyanmiɛn nyrun jranfuɛ'm bé tannin kan'n yɛ ɔ ci i bo-ɔ.

Mmla'n 27:26

«Sran nga ɔ'a fa-man mmla nga i nun ndɛ'm bé su'n, nan ɔ'a nian-man su ɔ'a nanti-man'n, nán man ɔ wun ye le.» Kpɛkuun man Izraɛlfuɛ'm be kwlaa be tɛ su kɛ: «Man ɔ yo sɔ!»

Kalɛ 12:3

Moiz kusu ti sran kun b'ɔ ti wun ase kanfuɛ dan, asiɛ nga su wa sran fi to-mɛn i wun ase kanlɛ'n nun.

Ezipt Lɔ Tulɛ'n 32:11

Moiz sun flɛli Anannganman i Nyanmiɛn'n, ɔ seli i kɛ ɔ yaci ya, i waan: «?Anannganman, ɔ sran bɔ ɔ wunmiɛn nin ɔ tinmin bɔ like fi kwla jrɛn-mɛn i nyrun'n i ti yɛ a fali be bali'n, ɔ yo sɛ ti yɛ man ɔ waan ɔ ya'n jue bé su kɛ sin sa nin-ɔn?

Ezipt Lɔ Tulɛ'n 15:20

Kɛ ɔ yoli sɔ'n, Nyanmiɛn nuan ijɔfuɛ bla bɔ be flɛ i Mari, b'ɔ ti Aarɔn i niaan bla'n, ɔ fali klɛn ba kun. Kɛ ɔ ´bo'n, wuun Izraɛl mmla'm be kwlaa be ´si able be su i su.

1 Korɛntfuɛ Mun 10:7

Nán an yo amuɛn sɔfuɛ kɛ be klɛli i kɛ be nun wie'm be yoli'n sa, be klɛli i kɛ: «Nvle'n i nunfuɛ'm be trannin ase be di like, be nɔnnin nzan, i sin be jao kannin ngowa .»

Ezipt Lɔ Tulɛ'n 32:18

Moiz tɛli i su kɛ: «Nán sran bɔ b'a kwla be kpɔfuɛ'm be kpanlɛ'n yɛ ɔ ´tɛ lɛ-ɔ, kusu nán sran bɔ be kpɔfuɛ'm b'a kwla be'n yɛ be ´kpan lɛ-ɔ. Min liɛ'n, n ti jue tolɛ.»

Ezipt Lɔ Tulɛ'n 34:1

Anannganman seli Moiz kɛ: «Sɛ yɛbuɛ paplaapla nnyɔn kɛ klikli liɛ'm be sa, yɛ n wa klɛ bé su ndɛ kunngba nga n fa klɛli klikli liɛ nga a bubuli be nun'n bé su'n.

Jue Mun 119:53

Kɛ n wun kɛ klunwifuɛ'n be kaci bé sin be si ɔ mmla'n, kɛ n wun aeliɛ tɛtɛ nga be yo'n, kɛ min anwlɛn'n ɔ kpɛ min klun sa!

Mmla'n 10:2

Mmla nga n klɛli i yɛbuɛ paplaapla klikli nga a bubuli be nun'n be su'n, n wa klɛ i kunngba sɔ'n yɛbuɛ nga a wa sɛ be lɛ'n bé su, kpɛkuun fa be sie alaka'n nun.»