Ezipt Lɔ Tulɛ'n 32:14 - NYANMIƐN NDƐ'N 1998

¹⁴ Kɛ ɔ yoli sɔ'n, Anannganman yacili nyrɛnnɛn ng'ɔ guguli kɛ ɔ ´fa yi i nvle'n su'n i ndɛ nun.

Ezipt Lɔ Tulɛ'n 32:14 ပူးပေါင်းရင်းမြစ်များ

Bo Bolɛ 6:6

Ɔ yoli Anannganman i ya dan, i sran yilɛ b'ɔ yili'n, ɔ yoli i nsisɔ.

2 Samiɛl 24:16

Kɛ anz'n mɛnnin i sa'n su bɔ i waan ɔ saci Zerizalɛm'n, Anannganman kacili aniɛn. Ɔ seli anz b'ɔ su kun sran mun kɛ: «Ɔ'a yo kpa, kan ɔ́ sa'n i ase.» Kɛ ɔ ´yo sɔ'n, wuun Anannganman i anz'n wo Aravna b'ɔ ti Zɛbisfuɛ'n i ble bowlɛ'n wun lɛ.

1 Be Nyoliɛ 21:15

Anannganman sunmannin anz kun Zerizalɛm lɔ kɛ ɔ fa tukpacɛ b'ɔ sa ndɛndɛ sɔ'n fa saci klɔ'n, sanngɛ kɛ anz'n ɔ ´saci klɔ'n kɔ'n, Anannganman'n tran-an, ɔ kwla tran-man, nan ɔ'a kaci aniɛn. Ɔ seli anz b'ɔ su kun sran mun'n kɛ: «Ɔ'a yo kpa sɔ, kan ɔ́ sa'n i ase siɛn'n!» Kɛ ɔ ´yo sɔ'n, wuun Anannganman i anz'n wo Ɔrnan b'ɔ ti Zɛbisfuɛ i ble bowlɛ'n wun lɛ.

Jue Mun 106:23

I osu ti'n i waan wuun ɔ ´nunnun be, nan san Moiz b'ɔ ti i sufuɛ'n yɛ ɔ ´yaci i lɛ-ɔ. Moiz jrannin ndɛ sɔ'n nun, ɔ seli i kɛ ɔ `guɛ i ya'n i ase nan nán man ɔ nunnun be.

Jue Mun 106:45

Kɛ i waan ɔ ´yo be ye'n ti'n, i wla kpɛnnin aenguɛ ng'ɔ nin be trali'n su. I klun-ufue dan'n ti ɔ sili be aunnvuɛ.

Ezipt Lɔ Tulɛ'n 33:13

Sɛ ɔ ti sɔ'n, wuun yi wɔ akunndan'm be nglo kle min. I sɔ nun yɛ n ´si wɔ yɛ n ´nyan ye ɔ́ sa nun-ɔn. Nian, nvle nga nunfuɛ'm be ti ɔ sran mun.»

Zeremi 18:8

Sanngɛ sɛ nvle nga n kɛnnin i ndɛ sɔ'n i nunfuɛ'm be yaci sa tɛ yolɛ'n, n kaci aniɛn'n, sa nga min waan n ´fa yo be'n, n fa fli be.

Zeremi 26:13

Nan i ti an `kaci amun nzuɛn'n nin amun aeliɛ mun. An `tie Anannganman amun Nyanmiɛn'n i aniɛn'n nan sa ng'ɔ kɛnnin i kɛ ɔ ´fa yo amun'n, ɔ'a fa fli amun.

Zeremi 26:19

?I sɔ bɔ Mise kannin'n ti man Ezekias b'ɔ ti famiɛn'n nin Zidafuɛ'm be kunnin i? Ezekias buli Anannganman'n i sran yɛ ɔ kpɛtɛli i, ɔ man kusu sa nga Anannganman'n waan ɔ ´fa yi be su'n ɔ fa flili be. Kpɛkuun e bɔbɔ e ´yo é wun tɛ dan kɛ nga sa.»

Zoɛl 2:13

Amún wun tralɛ'm be nun titilɛ'n ti ngbɛn, amun anwlɛn ba'n yɛ ɔ fata kɛ an `kaci i-ɔ. An `kaci i nan an `sa amun sin Anannganman amun Nyanmiɛn'n i sin. I klun ti ufue, ɔ si aunnvuɛ. Ɔ fa-man ya ndɛndɛ. I klun-ufue liɛ'n gua lɛ ngbɛn yɛ be isa-a. Kɛ ɔ ko fua kɛ ɔ fa nyrɛnnɛn yi sran kun su'n, kpɛkuun i kunngba'n i sa sin ɔ'a bubu i, ɔ yo-mɛn i kun.

Amɔs 7:3

Kpɛkuun Anannganman'n kacili aniɛn. Ɔ tɛli min su kɛ yoo: «I sɔ sa'n su yo-man.»

Amɔs 7:6

Kpɛkuun Anannganman'n kacili aniɛn. Ɔ tɛli min su kɛ i sɔ sa'n su yo-man.

Zonas 3:10

Anannganman wunnin kɛ be su nanti sɔ. Ɔ ´nian-an, be su kaci be nzuɛn tɛ'n. Yɛ i kusu kacili aniɛn-ɔn. Ɔ man ɔ'a yo-man ng'ɔ guguli kɛ ɔ ´yo'n kun.

Zonas 4:2

Yɛ ɔ srɛli Anannganman-an. Ɔ seli kɛ: «?Ee, Anannganman, nán nga bɔ n wo min mɛn'n nun lɔ n kannin'n cɛ yɛ ɔ o yɛ? I sɔ'n bɔ min waan nán ɔ ju'n i ti yɛ min waan n ´wanndi n kɔ Tarsis nin-ɔn. Afin n si kɛ a ti Nyanmiɛn kun bɔ a ti kpa, a si aunnvuɛ, a fa-man ya finfin, ɔ klun-ufue'n ti dan. Sɛ a gugu kɛ a ´yo sa yaya wie'n, ɔ cɛ-man nan w'a kaci aniɛn .

Kalɛ 14:20

Anannganman tɛli i su kɛ: «Kɛ bɔ a kpatali min'n ti m'an yaci.

Mmla'n 10:10

N kali oka'n su lɔ cɛn ba ablanan kɔnguɛ nin wia su kɛ klikli liɛ'n sa. Anannganman tili min srɛlɛ'n, ɔ man ɔ'a nunnun-man amun.

Mmla'n 32:26

N waan wuun n ´nunnun be mlɔnmlɔn nan be dunman'n mlin mɛn'n nun.

Mmla'n 32:36

Anannganman wa jrɛn i nvle'n i sin. Ɔ wa si i sran'm be aunnvuɛ. Afin ɔ wun i kɛ be lɛ-man fanngan kun, yɛ be lɛ-man sran b'ɔ ´jran be sin-ɔn.

Jɔlɛ Difuɛ Mun 2:18

Kɛ Anannganman man be jɔlɛ difuɛ kun ɔ ukɛ i, blɛ nga jɔlɛ difuɛ i nyin tɛ o su'n, Anannganman de be be kpɔfuɛ'm be sa nun. Afin kɛ be ´kle be yalɛ bɔ be ´mianmian be'n, be sun flɛ Anannganman. I kusu ɔ si be aunnvuɛ,

1 Samiɛl 15:11

«Sail i famiɛn sielɛ nga n fɛ i sieli yɛ'n, ɔ yo min ya kpa. Sail nin min nun-man nun kun, ɔ fa-man min ndɛ'n su kun.» Ndɛ sɔ'n yoli Samiɛl ya kpa. Kɔnguɛ wunmuan'n nun'n, ɔ sun flɛli Anannganman.