Ezipt Lɔ Tulɛ'n 32:12 - NYANMIƐN NDƐ'N 1998

¹² Ɔ man Eziptfuɛ'm be wa se kɛ: ‹Izraɛlfuɛ'm be nyrɛnnɛn klelɛ ti yɛ Anannganman fali be e mɛn'n nun wa ɔli-ɔ. Be kunlɛ oka'n su lɔ ti-ɔ, be asiɛ'n su wa nunnunlɛ ti-ɔ.› Gua ɔ ya'n i ase. Nán yo ɔ nvlefuɛ'm be tɛ nga ɔ waan a ´yo be'n kun.

Ezipt Lɔ Tulɛ'n 32:12 ပူးပေါင်းရင်းမြစ်များ

Bo Bolɛ 6:6

Ɔ yoli Anannganman i ya dan, i sran yilɛ b'ɔ yili'n, ɔ yoli i nsisɔ.

1 Famiɛn Mun 8:51

Ɔ liɛ yɛlɛ be, be ti ɔ nvle nunfuɛ mun. Wɔ yɛ a ko yili be Ezipt lɔ afɛ dan'n nun fiteli-ɔ.

Ɛsdras 10:14

Man e kpɛnngbɛn'm be jran e kwlakwla é nuan. Man be kle klɔ kunngun kwlaa bé cɛn nan be kwlaa nga be jali nvle nun bla'n, kɛ cɛn'n ko ju'n, be nin be kpɛnngbɛn mun nin be jɔlɛ difuɛ'm be bla. E ´siesie ndɛ sɔ'n kwlakwla e ´guɛ i lɔ weiin lele san e Nyanmiɛn i ya dan bɔ ɔ'a fa'n ɔ'a kan ase.»

Jue Mun 106:45

Kɛ i waan ɔ ´yo be ye'n ti'n, i wla kpɛnnin aenguɛ ng'ɔ nin be trali'n su. I klun-ufue dan'n ti ɔ sili be aunnvuɛ.

Jue Mun 74:18

Anannganman, man ɔ́ wla kpɛn su kɛ ɔ kpɔfuɛ'n ɔ wɔ ɔ safle. Man ɔ́ wla kpɛn su ekun kɛ nvle nga nun sran'm be sinnzin'n ti, be yo wɔ finfin.

Jue Mun 78:38

Sanngɛ i liɛ'n, ɔ si be aunnvuɛ, ɔ yaci be fɔnlɛ'n cɛ be, ɔ se-man kɛ ɔ ´nunnun be kun. Kpalɛ sunman ɔ trɛli i anwlɛn, ɔ guɛli i ya'n i ase, ɔ yacili ya'n.

Jue Mun 85:3

A sikeli ɔ sran'm bé ti su sa tɛ trɔ'n jinnin. A yacili bé wun sa'n cɛli be.

Jue Mun 90:13

?Anannganman, nan kɛ a ´fa é wun ya sa tititi? Kpɛ ɔ́ nyin é su, e ti ɔ sufuɛ, si ye aunnvuɛ.

Ezipt Lɔ Tulɛ'n 32:14

Kɛ ɔ yoli sɔ'n, Anannganman yacili nyrɛnnɛn ng'ɔ guguli kɛ ɔ ´fa yi i nvle'n su'n i ndɛ nun.

Ezipt Lɔ Tulɛ'n 33:13

Sɛ ɔ ti sɔ'n, wuun yi wɔ akunndan'm be nglo kle min. I sɔ nun yɛ n ´si wɔ yɛ n ´nyan ye ɔ́ sa nun-ɔn. Nian, nvle nga nunfuɛ'm be ti ɔ sran mun.»

Ezai 64:7

Ɔ nin sɔ'n ngba'n, Anannganman, a ti é si. E ti kɛ ufa sa, wɔ yɛ a ti ye ufuɛ-ɔ. E kwlaa e ti ɔ́ sa nuan like .

Ezai 64:8

Anannganman, nán fa ya kpe nun, nán man sa tɛ nga e yo be'm be ´ka ɔ klun titi sɔ. Nian, e kwlaa e ti ɔ sran.

Zeremi 28:16

I sɔ'n ti Anannganman'n wan yoo: ‹Ɔ mɛn'n nun tranlɛ wieli. Afuɛ ng'ɔ o yɛ nun'n, a ´wu. Yɛlɛ kɛ a su sran'm bé bo kɛ be `yo nyin kekle Anannganman'n su.› »

Ezekiɛl 20:14

Sanngɛ kɛ ɔ ´yo nan min dunman ɔ'a saci-man nvle-nvle nga blɛ bɔ n ´fa Izraɛlfuɛ mun Ezipt lɔ m ´ba be wunnin nun'n ti'n, m'an yo-mɛn i sɔ. N guali min ya'n i ase.

Ezekiɛl 20:22

Sanngɛ kɛ ɔ ´yo nan min dunman'n ɔ'a saci-man nvle-nvle nga blɛ bɔ n ´fa Izraɛlfuɛ mun Ezipt lɔ m ba'n be wunnin nun'n be nun'n ti, m'an yo-man be like fi.

Ezekiɛl 20:9

Sanngɛ kɛ ɔ ´yo nan min dunman'n ɔ'a saci-man be nga be nin be tran lɛ'm bé afiɛn'n ti'n, n guali min ya i ase. Afin be tili i kɛ n seli be kɛ n ´fa Izraɛlfuɛ'm be Ezipt lɔ n fite.

Zoɛl 2:17

Man Nyanmiɛn nyrun jranfuɛ'm bɔ be jrɛn i nyrun'n, be sun i sua'n i nyrun gbaun'n nin i sɔwlɛ'n be afiɛn'n nun lɛ. Man be srɛ Nyanmiɛn se kɛ: «Anannganman, ɔ sran mun yɛlɛ ye, si e aunnvuɛ. Ɔ liɛ yɛlɛ ye, nán yo man e wun nyannzuɛn nan nvle kun'm be nunfuɛ'm be srisri e be se kɛ: ‹?Ai, be Nyanmiɛn liɛ kpa'n, ɔ o nin?› »

Amɔs 7:3

Kpɛkuun Anannganman'n kacili aniɛn. Ɔ tɛli min su kɛ yoo: «I sɔ sa'n su yo-man.»

Amɔs 7:6

Kpɛkuun Anannganman'n kacili aniɛn. Ɔ tɛli min su kɛ i sɔ sa'n su yo-man.

Zonas 3:9

E si-man sɛ Anannganman'n gua i ya'n i ase o! Sɛ wienun-ɔn ɔ ´kaci aniɛn nan ɔ su nunnun-man ye o .»

Zakari 8:14

Anannganman b'ɔ sie mɛn wunmuan'n wan yoo: «Kɛ amun nannan'm be kunnin min ya bɔ n guguli kɛ n ´yo amun tɛ'n, m'an yaci m'an cɛ amun.

Kalɛ 14:19

Anannganman, ɔ klun kpa'n ti, yaci ɔ nvle'n i sa tɛ'n cɛ i, kɛ a fa sɔli bé sa tɛ'm be yaci cɛlɛ Ezipt lɔ lele bɔ ɔ'a fa ju yɛ'n sa.»

Kalɛ 16:21

«Amun `jaso sran sɔ'm be nun lɛ, afin n wa saci be kpɛ kunngba.»

Mmla'n 13:17

Amun `tian sran sɔ'm bé bo ninnge'm bé nuan gua'n su, nan amun `wɔ i kwlaa nun man Anannganman amun Nyanmiɛn'n. Amun `wɔ klɔ'n nun wie. Sacilɛ nga klɔ sɔ'n fa sacili'n, man klɔ sɔ'n ɔ ka sɔ, nán man be kplɛn i uflɛ kun.

Mmla'n 32:36

Anannganman wa jrɛn i nvle'n i sin. Ɔ wa si i sran'm be aunnvuɛ. Afin ɔ wun i kɛ be lɛ-man fanngan kun, yɛ be lɛ-man sran b'ɔ ´jran be sin-ɔn.

Mmla'n 9:28

Ɔ yo sɔ-ɔ, mɛn nga a fali e i nun lɔ bali'n, i nun lɔfuɛ'm be wa se kɛ: ‹Anannganman kwla fa-man be kɔ-man mɛn ng'ɔ kɛnnin i ndɛ kleli be'n nun lɔ. Kpɔlɛ yɛ ɔ kpɔ bé ti yɛ i waan ɔ ´fa be ´fite nan be ko wu aawlɛ flɛnnɛn'n nun lɔ-ɔ.›

Zozie 7:26

I sin be fali yɛbuɛ kpanngban kpa be guɛli i su kunndunngluun. Yɛbuɛ kwle sɔ'n tɛ o lɛ ndɛ. I sɔ'n ti yɛ be flɛli lɛ lika sɔ'n kɛ Nyrɛnnɛn kongo nin-ɔn. Kɛ ɔ yoli sɔ'n yɛ Anannganman yacili i ya nin-ɔn.

Zozie 7:9

Kɛ Kanaanfuɛ nin mɛn kun nga'm be nunfuɛ'm be wa ti ndɛ nga'n be wa ju be ´kun ye. Be wa nunnun ye mlɔnmlɔn. ?Kɛ ɔ yo sɔ'n, a ´yo sɛ nan ɔ dunman dan'n ɔ'a fite nglo ekun?»

1 Samiɛl 12:22

Anannganman su yi-mɛn i nvle'n i blo, yɛlɛ kɛ i dunman'n ti dan, afin i bɔbɔ yɛ ɔ guguli kɛ ɔ ´fa amun yo i nvle-ɔ.