Ezipt Lɔ Tulɛ'n 32:10 - NYANMIƐN NDƐ'N 1998

¹⁰ Siɛn liɛ'n, yaci min nun man n yo sa wie. Min ya'n wa jue bé su kɛ sin sa, yɛ n ´nunnun be mlɔnmlɔn. Sanngɛ ɔ liɛ'n, wɔ osu'n wa trɛ, ɔ ´yo nvle dan kun.»

Ezipt Lɔ Tulɛ'n 32:10 ပူးပေါင်းရင်းမြစ်များ

Bo Bolɛ 12:2

N ´yo man ɔ osu'n wa yo nvle dan kun, n ´yo wɔ ye, n ´yo man ɔ dunman'n ´fu. Ɔ dunman nun ti n ´yo sran'm be ye.

Jue Mun 106:23

I osu ti'n i waan wuun ɔ ´nunnun be, nan san Moiz b'ɔ ti i sufuɛ'n yɛ ɔ ´yaci i lɛ-ɔ. Moiz jrannin ndɛ sɔ'n nun, ɔ seli i kɛ ɔ `guɛ i ya'n i ase nan nán man ɔ nunnun be.

Ezipt Lɔ Tulɛ'n 22:24

Sɛ min nvle'n i nunfuɛ kun b'ɔ ti yalɛfuɛ'n ɔ wa usa bosia ɔ sa nun'n, nán yo i kɛ sran bɔ sran sika wo i su'n sa, nán se i kɛ ɔ su i bo.

Ezipt Lɔ Tulɛ'n 32:11

Moiz sun flɛli Anannganman i Nyanmiɛn'n, ɔ seli i kɛ ɔ yaci ya, i waan: «?Anannganman, ɔ sran bɔ ɔ wunmiɛn nin ɔ tinmin bɔ like fi kwla jrɛn-mɛn i nyrun'n i ti yɛ a fali be bali'n, ɔ yo sɛ ti yɛ man ɔ waan ɔ ya'n jue bé su kɛ sin sa nin-ɔn?

Ezipt Lɔ Tulɛ'n 32:19

Kɛ Moiz nin Zozie be mantannin ngblaliɛ'n, Moiz wunnin nannin ba'n nin nvlefuɛ mun bɔ be su si able'n. Ɔ fali ya dan kpa, nan ɔ'a tɛ yɛbuɛ paplaapla'm be ase ɔ'a bubu be nun oka'n i bo lɛ.

Ezipt Lɔ Tulɛ'n 33:3

N ´fa amun n ´kɔ mɛn bɔ lɔ asiɛ'n yo like ye kpa'n, bɔ i kunngba'n ti nnɛn tawlɛ klanman'n i nun lɔ. Sanngɛ m bɔbɔ e nin amun e su kɔ-man, n su tran-man amun afiɛn, afin amún nyin su ti kekle dan. Ɔ cɛ-man nan m'an nunnun amun atin afiɛn.»

Zeremi 11:14

I sɔ'n ti Zeremi, nán kpata nvle nga nunfuɛ'm be ti. Nán sun flɛ min, nán kpata min. Afin kɛ nyrɛnnɛn'n ´tɔ be su'n, sɛ be flɛ min'n, n su tie-man.»

Zeremi 14:11

Anannganman'n seli min kɛ: «Nán kpata nvle nga nunfuɛ'm be ti, nán srɛ like kpa man be.

Zeremi 15:1

Anannganman'n seli min kɛ: «Sɛ bɔ Moiz nin Samiɛl bɔbɔ be fa nvle nga nunfuɛ'm bé wun sa ba min nyrun'n, n su si-man be aunnvuɛ. Fuan be min nyrun lɛ man be wɔ.

Zeremi 7:16

«Zeremi, nán srɛ nvle nga nunfuɛ'm be ti kun. Nán sun flɛ min, nán kpata min be dunman nun. Nán bo wɛ, afin n su di-man su.

Ezekiɛl 20:13

Sanngɛ Izraɛlfuɛ'm be jasoli mín wun aawlɛ flɛnnɛn nun lɔ. B'a fa-man mín nuan ndɛ'n su. Be guali min mmla nga sran fa su-ɔ ɔ nyan nguan'n be blo. B'a bu-man be like fi. Be sacili min wunmiɛn-delɛ-cɛn'n tɛtɛ kpa. M buli akunndan kɛ n ´fa bé wun ya, yɛ n ´ngua-ngua ya sɔ'n i bo nan n ´nunnun be aawlɛ nun lɔ.

Kalɛ 14:12

N wa fa tukpacɛ b'ɔ sa ndɛndɛ kun n ´fa nunnun be kwlaa, i sin n wa yo man ɔ osu liɛ'n ´kaci nvle dan kun b'ɔ ´nyan wunmiɛn tra nvle nga.»

Kalɛ 16:21

«Amun `jaso sran sɔ'm be nun lɛ, afin n wa saci be kpɛ kunngba.»

Kalɛ 16:22

Moiz nin Aarɔn be tɔli asiɛ wun, bé utuli be nyin ase, yɛ be sun flɛli Anannganman kɛ: «?Ee Nyanmiɛn, wɔ bɔ a mannin ninnge nga a yili be'm be nguan'n, sran kunngba b'ɔ yoli sa tɛ'n, i ti a ´fa ya sran'm be kwlakwla bé wun?»

Mmla'n 9:14

Jran man n nunnun be, nan be dunman'm be wie mɛn'n nun. Yɛ n yo man nvle kun ´fin ɔ nun fite. I nunfuɛ'm be ´nyan wunmiɛn tra sran nga mun, yɛ be ´sɔn tra be.»

Mmla'n 9:19

Afin kɛ n wunnin ya dan nga Anannganman ɔ'a fa bɔ man i waan ɔ ´nunnun amun'n, srɛ kunnin min dan. Sanngɛ Anannganman tili min srɛwa'n cɛn sɔ'n nun ekun.

Jacques 5:16

I sɔ'n ti, kɛ ɔ ´yo nan amu'an yo juejue'n, an `kan sa nga an yoli'n kle amun wiengu, an `srɛ Nyanmiɛn man amun wun kɛ ɔ man amun jaso. Sɛ sran kpa kun srɛ like Nyanmiɛn sa nun b'ɔ jran su kpa'n, i srɛlɛ sɔ'n yo sa ye dan.