Ezipt Lɔ Tulɛ'n 32:1 - NYANMIƐN NDƐ'N 1998

¹ Kɛ nvlefuɛ'm be wunnin i kɛ Moiz su cɛ oka'n su lɔ ngboko'n, be ko sin yiali Aarɔn nan b'a se i kɛ: «Jaso, yo amuɛn kun man ye, man ɔ dun mmua e nyrun. Afin Moiz'n, bian sɔ'n b'ɔ fali ye Ezipt lɔ bali'n, e si-man like nga ɔ'a yo i-ɔ.»

Ezipt Lɔ Tulɛ'n 32:1 ပူးပေါင်းရင်းမြစ်များ

Bo Bolɛ 19:14

Yɛ Lɔt fiteli-ɔ, ɔ ko toli i wa bla'm bé wun mun nan ɔ'a se be kɛ: «Anannganman su wa nunnun klɔ'n, an `jaso su ndɛndɛ.» Sanngɛ ng'ɔ ´kɛn i lɛ'n ti be nyrun ndɛ finfin.

Bo Bolɛ 21:26

Yɛ Abimelɛk waan: «M'an ti-mɛn i mlɔnmlɔn. Ɔ kusu a nian kan kle-man min le, san ndɛkɛn.»

Bo Bolɛ 39:8

Zozɛf ɔ'a kplin-man su. Ɔ seli bla'n kɛ: «Ɔ bɔbɔ a si kɛ like nga n yo i awlo'n nun'n, min min'n usa-man min nun. Ɔ fɛli i sa nun ninnge'n kwlaa wlali mín sa nun.

Bo Bolɛ 44:15

Zozɛf usali be kɛ: «?Nguɛ sa yɛ an yoli i sɔ-ɔ? ?An si-man kɛ kɛ n wo yɛ'n, sa ng'ɔ wa ju'n n kwla si i?»

Bo Bolɛ 44:4

Kɛ be fin klɔ'n nun fiteli'n, be nian ju-man mmua bɔbɔ, kpɛkuun Zozɛf seli i awlo'n su nianfuɛ'n kɛ: «Jaso su minniɛn sɔ'm be su ko to be, nan usa be kɛ: ‹?Nguɛ ti yɛ an fa tɛ be tua kpa'n kalɛ nin-ɔn?

Jue Mun 106:19

Be fali sika ɔkwlɛ be yili like wie kɛ nannin ba sa Orɛb oka wun lɔ. Be kotoli sika ɔkwlɛ sɔ'n i bo .

Ezipt Lɔ Tulɛ'n 13:21

Anannganman dun mmua be nyrun, sin wɛnsrɛn wie ja sa tiaan yɛ ɔ fa kle be atin'n wia nun-ɔn. Kɔnguɛ ɔ dun mmua be nyrun, sin taaman wie ja sa tiaan yɛ ɔ kpaja be su-ɔ, i ti Izraɛlfuɛ'm be kwla nantili kɔnguɛ nin wia su.

Ezipt Lɔ Tulɛ'n 14:11

Yɛ be seli Moiz kɛ: «?Asieliɛ nun-man Ezipt lɔ-ɔ? ?Nzu ti yɛ a fali ye bali aawlɛ flɛnnɛn'n nun wa kɛ e wa wu-ɔ? ?Nzu like yɛlɛ nga a yoli e yɛ'n, bɔ a fali e Ezipt lɔ bali-ɔ?

Ezipt Lɔ Tulɛ'n 16:3

Izraɛlfuɛ'm be waan: «Sɛ ɔ ti kɛ Anannganman kunnin ye Ezipt lɔ i nun bɔ e ti nnɛn sɛ'm be sin'n, bɔ e nyan aliɛ kpa e di'n, wuun ɔ yoli kpa. Kpɛkuun amun fali e bali aawlɛ flɛnnɛn nga nun wa kɛ awe'n nunnun e ngba.»

Ezipt Lɔ Tulɛ'n 20:23

Nán amun yo jɛtɛ ufue annzɛ sika ɔkwlɛ amuɛn kɛ amun su i be ´fa uka min su.

Ezipt Lɔ Tulɛ'n 24:12

Anannganman seli Moiz kɛ: «Fu mín sin oka'n su wa nan jran lɛ. N wa fa yɛbuɛ paplapa bɔ n klɛli mmla'm bé su'n n ´fa man wɔ, nan `fa mmla sɔ mun kle Izraɛlfuɛ mun.»

Ezipt Lɔ Tulɛ'n 24:18

Moiz wluli sin wɛnsrɛn'n nun, nan ɔ'a fu oka'n su lɔ. Moiz dili oka'n su lɔ kɔnguɛ ablanan nin wia su ablanan.

Ezipt Lɔ Tulɛ'n 32:11

Moiz sun flɛli Anannganman i Nyanmiɛn'n, ɔ seli i kɛ ɔ yaci ya, i waan: «?Anannganman, ɔ sran bɔ ɔ wunmiɛn nin ɔ tinmin bɔ like fi kwla jrɛn-mɛn i nyrun'n i ti yɛ a fali be bali'n, ɔ yo sɛ ti yɛ man ɔ waan ɔ ya'n jue bé su kɛ sin sa nin-ɔn?

Ezipt Lɔ Tulɛ'n 32:22

Aarɔn tɛli i su kɛ: «Yaci, nán fa ya. Ɔ bɔbɔ a si kɛ sran nga be o yɛ mun, be sa tɛ yolɛ fin'an wa ju'a wa.

Ezipt Lɔ Tulɛ'n 32:23

Be wa toli min, yɛ be seli min kɛ: ‹Yo ye amuɛn kun man ɔ dun mmua e nyrun. Afin Moiz'n, bian sɔ'n b'ɔ fali ye Ezipt lɔ bali'n, e si-man sa nga ɔ'a ju i su'n.›

Ezipt Lɔ Tulɛ'n 32:7

Blɛ sɔ nun'n, Anannganman seli Moiz kɛ: «Jra nan kɔ, afin ɔ sran nga a fa be fin Ezipt lɔ bali'n, b'a yo sa tɛ dan.

Ezipt Lɔ Tulɛ'n 33:3

N ´fa amun n ´kɔ mɛn bɔ lɔ asiɛ'n yo like ye kpa'n, bɔ i kunngba'n ti nnɛn tawlɛ klanman'n i nun lɔ. Sanngɛ m bɔbɔ e nin amun e su kɔ-man, n su tran-man amun afiɛn, afin amún nyin su ti kekle dan. Ɔ cɛ-man nan m'an nunnun amun atin afiɛn.»

Ezekiɛl 20:8

Sanngɛ be jasoli mín wun, yɛ bé nyin ɔ'a yi-man min. Be nun kun sa ɔ'a yi-mɛn i tete sa nga i nyin blo su'n i wie fi ase. B'a yaci-man Eziptfuɛ mun be amuɛn'm be sɔlɛ. M buli akunndan kɛ n ´fa bé wun ya nan n ´fa ya sɔ'n lele n guɛ i bo Eziptfuɛ'm be afiɛn lɔ.

Ndɛ Nga Nyanmiɛn I Nuan Ijɔfuɛ Oze Kannin'n 12:13

Zakɔb wanndi ɔli Mezopotami i nglo lɔ lika'n nun lɔ. Bla jalɛ ti Zakɔb b'ɔ suan Izraɛl ko yoli kanga. Bla dunman nun ti ɔ ko niannin nnɛn'm be su .

Mise 6:4

?Kɛ amun wo Ezipt lɔ bɔ amun ti kanga'n, bɔ n ko deli amun'n, bɔ n fali amun lɔ m bali'n, bɔ n yili Moiz, nin Aarɔn, ɔ nin Mari kɛ be dun mmua amun nyrun'n, tɛ yɛ n yoli amun-ɔn?

Kalɛ 14:22

Be kwlaa nga be wunnin min anyrunnyan'n nin min atrɛ nga n yili be Ezipt lɔ'n nin aawlɛ flɛnnɛn'n nun lɔ'n, bɔ b'a dun mmua b'a klɔklɔ min kpɛ blu'n, bɔ bé nyin a yi-man min'n,

Matthieu 24:43

Man amun wun i wlɛ kɛ, sɛ awlo bo kpɛn kun si kɔnguɛ dɔ nga awiefuɛ'n ´ba su'n, ɔ ´tran minndɛ i, ɔ su yaci-mɛn i lɛ kɛ ɔ fiti i sua'n.

Matthieu 24:48

Sanngɛ sɛ ɔ ti junman difuɛ b'ɔ ti-man nanwlɛfuɛ b'ɔ bu akunndan kɛ

Sa nga bé yôli'n 17:29

Ɔ man sɛ e ti Nyanmiɛn mma mun'n, nán man e bu i kɛ Nyanmiɛn nin like nga sran'm be bɔbɔ be fa be akunndan be yo'n, sika ɔkwlɛ nin jɛtɛ ufue bɔ be tɔn'n, ɔ nin yɛbuɛ bɔ be sɛ'n, be ti kun.

Sa nga bé yôli'n 19:26

An wun kɛ Pɔl wlawla sran kpanngban Efɛz klɔ'n su wa, nán wa ngunmin-ɔn, sanngɛ Azi mɛn wunmuan'n nun-ɔn, ɔ man bé ti nun saci. An tili i kɛ ɔ se sran'm be kɛ, like ng'ɔ ti sran sa nuan like'n, ɔ fata-man kɛ be sɔ i.

Sa nga bé yôli'n 7:40

nan b'a se Aarɔn kɛ: ‹Yo amuɛn kun man ye man ɔ dun mmua e nyrun, afin Moiz sɔ'n b'ɔ fali ye Ezipt lɔ bali'n, e si-man like nga ɔ'a yo i-ɔ .›

Mmla'n 31:8

Anannganman bɔbɔ ɔ ´dun ɔ nyrun mmua. Ɔ ´jran ɔ́ sin. Ɔ su kpɔci-man wɔ, ɔ su yi-man wɔ ase. Ɔ man, nán srɛ kun wɔ, nán usu.»

Mmla'n 9:1

Izraɛlfuɛ mun, amun `sie amún su! Zurdɛn'n yɛ amun su wa kpɛ i lɛ-ɔ. Amun ´ko fa nvle bɔ be dandan tra amun liɛ'n, bɔ be nun sran'm be kekle tra amun. Nvle sɔ'm be nun klɔ'm be ti dandan, yɛ bé wun talɛ'm be ti cinnjin kpa, yɛ be ti nglo-nglo.

Mmla'n 9:9

N fuli oka'n su lɔ yɛbuɛ paplaapla nnyɔn'm be falɛ. Aenguɛ nga Anannganman nin amun trali'n, i nun ndɛ'm be klɛ guali yɛbuɛ sɔ'm be su. N trannin lɔ kɔnguɛ nin wia nun cɛn ba ablanan, m'an di-man like, m'an nɔn-man nzue.

Zozie 7:13

Jaso, ko se Izraɛlfuɛ'm be kɛ be siesie bé wun nan e nin be `yia ainman. Se be kɛ be yo bé wun saun nan m bɔbɔ min Anannganman bɔ n ti Izraɛl Nyanmiɛn'n min wan yoo: ‹Ninnge nga n seli amun kɛ nán amun fa'n, ɔ o amun trɔ'n nun. Ɔ man amun su kwla-man amun kpɔfuɛ'm be nyrun jran, san amu'an yi ninnge sɔ mun.

2 Piɛr 3:4

be ´se kɛ: «?Ɔ seli amun kɛ ɔ ´ba, nɛ́n i-ɔ? ?Yɛ ɔ o nin? Kɛ ɔ fin lalaa'n bɔ e nannan'm be wuli'n, like nga Nyanmiɛn yili be'n, be kwlaa be tɛ o be osu'n nun.»