Ezipt Lɔ Tulɛ'n 30:7 - NYANMIƐN NDƐ'N 1998

⁷ Man Aarɔn yra ansans b'ɔ bɔn fannin'n i su. Man ɔ yrɛ i sɔ nglɛmun kwlakwla blɛ b'ɔ wa nunnun kannin'm be nun'n .

Ezipt Lɔ Tulɛ'n 30:7 ပူးပေါင်းရင်းမြစ်များ

1 Be Nyoliɛ 23:13

Amram wuli Aarɔn nin Moiz. Be sieli Aarɔn nin i osu'n nunfuɛ'm be kwlaa be ngunmin kɛ be `di junman Nyanmiɛn i sua'n i lika kpa tra su'n nun tititi, nan be yi sraka nga be yra ansans be man Anannganman'n, nan be su i, nan i sin be fɛ i dunman'n be yra sran'm be nguan.

1 Be Nyoliɛ 6:34

Aarɔn nin i osu'n nunfuɛ'm be yi tɛ mun Nyanmiɛn sɔwlɛ'n su, yɛ be fa ansans be yi sraka kan be yi sraka lɛ'n. Be yɛ be di Nyanmiɛn i lika kpa tra su'n nun lɔ junman'n kwlakwla-a. Be yɛ be yi Izraɛlfuɛ'm be sa tɛ'm be ti tɛ nin-ɔn. Be nian ndɛ nga Moiz b'ɔ ti Nyanmiɛn i sran'n kannin'n su yɛ be yo-ɔ.

2 Be Nyoliɛ 2:3

N klo kɛ n kplan sua m ´man Anannganman min Nyanmiɛn'n. Sua sɔ'n ´yo i liɛ mlɔnmlɔn. I liɛ'n, be ´yra ansans be ´mɛn i, be ´fa kpaun nga be fa sie i nyrun blɛ'n kwlaa'n be ´fa sie i nyrun, yɛ be ´yi tɛ nga be yra be nnɛn'n kɔlikɔli'n. Be ´yi tɛ sɔ mun nglɛmun nin nnɔsua, ɔ nin wunmiɛn-delɛ-cɛn'm be nun, ɔ nin anglo le kun, ɔ nin i bɔbɔ Anannganman e Nyanmiɛn'n i cɛn nga be di'n be nun. Mmla'n kun kɛn i kɛ Izraɛlfuɛ'm be `yo sa sɔ mun tititi.

2 Be Nyoliɛ 2:4

Sua nga n ´kplan'n, ɔ ´yo sua dan, afin e Nyanmiɛn'n i dan tra like nga be su be'n be kwlaa.

2 Be Nyoliɛ 26:18

Be ko jrannin famiɛn'n nyrun lɛ, yɛ be seli i kɛ: «Kpli, a lɛ-man atin kɛ a fa ansans yrɛ i man Anannganman. I sɔ junman liɛ'n ti Aarɔn osu'n nunfuɛ bɔ be ti Nyanmiɛn nyrun jranfuɛ'n be liɛ, afin be sieli be ngunmin i sɔ yolɛ'n ti. Fin Nyanmiɛn i sua'n nun fite, yɛlɛ kɛ w'a fɔn. A su nyan-man nyrun Anannganman b'ɔ ti Nyanmiɛn'n i sa nun sa sɔ'n ti.»

2 Be Nyoliɛ 29:7

I kpa'n bɔ be nyinnin sua'n i anuan mun, be yacili kannin'm be lɛ be nuannin. B'a fa-man ansans b'a man-man Izraɛlfuɛ'm be Nyanmiɛn'n i sua sɔ nun kun, yɛ b'a yi-man tɛ nga be yra be nnɛn'n kɔlikɔli'n b'a mɛn-mɛn i lɔ ekun.

Jue Mun 141:2

Min srɛlɛ nga n srɛ'n, man ɔ yo ɔ nyrun kɛ ansans sa. Mín sa nga m man be su'n man ɔ yo ɔ nyrun kɛ nnɔsua nun tɛ bɔ be yi'n sa .

Ezipt Lɔ Tulɛ'n 30:34

Anannganman seli Moiz ekun kɛ: «Fa waka nzue bɔ be bɔn fannin bɔ be o yɛ mun: storaks, oniks, ɔ nin galbanɔm. Gua be nun ansans kpakpa man ɔ nin like klikli liɛ sɔ mun sɛ sɛsɛsɛ.

Ezipt Lɔ Tulɛ'n 30:6

Man be sie min sɔwlɛ sɔ'n rido ng'ɔ kpɛ min alaka'n i nyrun'n i nyrun lɛ, be `sie i alaka'n i su tre nga be fa kata su'n i nyrun lɛ kan e nin wɔ e ´yia lɛ'n.

Ezipt Lɔ Tulɛ'n 30:8

Ɔ `yrɛ i nnɔsua kwlakwla blɛ b'ɔ wa sɔ kannin'm bé nuan'n. Nán be yaci ansans sɔ i yralɛ le, ɔ ti min manmanlɛ like.

Ezipt Lɔ Tulɛ'n 40:27

Be yrali Anannganman i ansans i su kɛ ɔ kan kleli Moiz kɛ ɔ `yo'n sa.

Saun Yolɛ 6:5

Sin ng'ɔ o min sɔwlɛ'n su b'ɔ jue'n, nán man ɔ nuan. Nglɛmun kwlaa man min nyrun jranfuɛ'n gua su yie, i su yɛ ɔ `dun mmua sie nnɛn nga be ´fa yi tɛ-ɔ be yrɛ i'n, kwlaa nan ɔ'a yra bo kun yolɛ i su tɛ'n i nnɛn lui'n.

JÉSUS-CHRIST I DYASIN FE'N BO LUC KLELI'N 1:9

be tuli fɔtɔ kɛ be yo i titi'n sa, nan ɔ'a tɔ i su kɛ ɔ `wlu e Min Nyanmiɛn i sua'n nun ɔ yra ansans'n .

Sa nga bé yôli'n 6:4

E liɛ'n, e nin Nyanmiɛn e ´koko yalɛ, yɛ e ´kɛn i ndɛ'n tititi.»

Mmla'n 33:10

Be yɛ be fa ɔ mmla'n nun ndɛ mun be kle Izraɛlfuɛ mun-ɔn. Ansans b'ɔ bɔn ɔ bue nun fanninfannin'n, be yɛ be fa sie ɔ nyrun nin-ɔn. Be yɛ be yi tɛ bɔ be yra be nnɛn'n kɔlikɔli'n ɔ sɔwlɛ'n su nin-ɔn.

1 Samiɛl 2:28

N kpali ɔ nannan Aarɔn Izraɛl akpasua'm be kwlakwla be nun kɛ ɔ yo min nyrun jranfuɛ nan ɔ `kan mín nuan su ndɛ'n kle sran mun, nan ɔ `fu min sɔwlɛ'n su'n, ɔ `yra ansans. N fali Izraɛlfuɛ'm bé tɛ nga be yrɛ i nnɛn'n kɔlikɔli'n n fa mannin i nin i osu nunfuɛ mun.

1 Samiɛl 3:3

Samiɛl la Anannganman sua'n nun kan Nyanmiɛn i alaka'n wo lɛ'n. Kɛ ɔ ´yo sɔ'n, wuun kannin ng'ɔ o Nyanmiɛn i sua nun'n tɛ jue.