Ezipt Lɔ Tulɛ'n 30:6 - NYANMIƐN NDƐ'N 1998

⁶ Man be sie min sɔwlɛ sɔ'n rido ng'ɔ kpɛ min alaka'n i nyrun'n i nyrun lɛ, be `sie i alaka'n i su tre nga be fa kata su'n i nyrun lɛ kan e nin wɔ e ´yia lɛ'n.

Ezipt Lɔ Tulɛ'n 30:6 ပူးပေါင်းရင်းမြစ်များ

1 Be Nyoliɛ 23:13

Amram wuli Aarɔn nin Moiz. Be sieli Aarɔn nin i osu'n nunfuɛ'm be kwlaa be ngunmin kɛ be `di junman Nyanmiɛn i sua'n i lika kpa tra su'n nun tititi, nan be yi sraka nga be yra ansans be man Anannganman'n, nan be su i, nan i sin be fɛ i dunman'n be yra sran'm be nguan.

1 Be Nyoliɛ 28:11

Nyanmiɛn i sua'n, i jajalɛ nga David bɔbɔ jajali i fluwa su fa mannin Salomɔn'n, ɔ kle Nyanmiɛn i sua bɔbɔ kpa'n i kplanlɛ'n i wafa'n. Sua ba nga be ´mantan Nyanmiɛn i sua'n lɛ'n, nin sua ba nga be ´gua ninnge kpakpa'm be nun'n, nin nglo lɔ sua ba mun'n, nin sua ba nga be ´tran sua'n klun lɔ'n, ɔ nin Nyanmiɛn i alaka'n i siewlɛ'n, be kwlaa be yolɛ wafa'n be o fluwa sɔ'n su .

Ezipt Lɔ Tulɛ'n 30:36

Man be yo wie sanmlɛn nan be fa sanndi min alaka'n nyrun tannin sua'n nun lɛ kan e nin wɔ e ´yia lɛ'n. Man ayre sɔ'n yo amun nyrun like kun b'ɔ ti saun kpa.

Ezipt Lɔ Tulɛ'n 30:5

Man be fa akasia yɛ be `sɛ waka floloflolo mun-ɔn. Be `sɛ nnyɔn nan be klo sika ɔkwlɛ gua bé wun.

Ezipt Lɔ Tulɛ'n 30:7

Man Aarɔn yra ansans b'ɔ bɔn fannin'n i su. Man ɔ yrɛ i sɔ nglɛmun kwlakwla blɛ b'ɔ wa nunnun kannin'm be nun'n .

Ezipt Lɔ Tulɛ'n 40:26

Be fali ansans yrawlɛ b'ɔ ti sika ɔkwlɛ'n be sieli i rido ng'ɔ kpɛ lika nun'n i nyrun lɛ.

Ezipt Lɔ Tulɛ'n 40:3

Man be fa min alaka'n be sie i nun lɔ, nan be kɛtɛ i nyin nin rido'n.

Ezipt Lɔ Tulɛ'n 40:5

Ansans yrawlɛ bɔ sika ɔkwlɛ yɛ be fa yoli'n, man be fa sie min alaka'n i nyrun lɛ. Man be sende min tannin sua'n i rido'n anuan'n nun.

Saun Yolɛ 16:13

Man ɔ fa ansans nzuɛn'n ɔ guɛ i sɛnmlɛn su min nyrun lɛ. Kpɛkuun i wɛnsrɛn ng'ɔ fite lukuu'n, ɔ ´kata min alaka'n bɔ i nun yɛ min mmla blu'n wo'n ɔ nin i tre'm bé su. Sɛ Aarɔn yo i sɔ'n, wie'n su kun-mɛn i.

Kalɛ 17:4

Sɛnmlɛn guawlɛ ninnge bɔ be fali aaba yɛ be yoli'n, bɔ be nga sin yrali be'n be fa bali Anannganman i manlɛ'n, Nyanmiɛn i nyrun jranfuɛ Eleazar fa yoli like paplaapla mun bɔ be ´fa kata Nyanmiɛn sɔwlɛ'n i wun'n.

Matthieu 27:51

Kpɛkuun tannin dan'n bɔ be fa kpɛ Nyanmiɛn i sua nun'n, ɔ kpacili i nglo lɔ lele fa juli i ngua wa, asiɛ'n kejeli, yɛbuɛ'm be kpukeli .

Hébreu 4:16

I sɔ'n ti, man e fa é wla gua Nyanmiɛn su e wunnge i bia'n bɔ be kɔ lɔ-ɔ be nyan ye'n i wun lɔ nan ɔ si ye aunnvuɛ, nan blɛ nga é sa mian'n, ɔ `yo e ye, yɛ ɔ `ti é wun nyanman nun.