Ezipt Lɔ Tulɛ'n 30:34 - NYANMIƐN NDƐ'N 1998

³⁴ Anannganman seli Moiz ekun kɛ: «Fa waka nzue bɔ be bɔn fannin bɔ be o yɛ mun: storaks, oniks, ɔ nin galbanɔm. Gua be nun ansans kpakpa man ɔ nin like klikli liɛ sɔ mun sɛ sɛsɛsɛ.

Ezipt Lɔ Tulɛ'n 30:34 ပူးပေါင်းရင်းမြစ်များ

Neemi 13:5

ɔ fali sua ba dan kun mɛnnin i. Sua sɔ'n i nun yɛ be sie ndidiɛ ninnge nga be fa yi sraka'n, nin ansans, nin Nyanmiɛn i sua'n nun kpongbo mun-ɔn. I kunngba'n, i nun yɛ be sie ble, nin nzan lɔflɛ, nin ngo'm be blusu nga be fa man Levifuɛ mun, nin anuan su nianfuɛ mun, nin jue tofuɛ, ɔ nin Nyanmiɛn nyrun jranfuɛ mun nin-ɔn.

Ezipt Lɔ Tulɛ'n 25:6

kannin ngo, waka bue nzue fanninfannin bɔ be fa flanflan bé ti su gualɛ ngo'n nun'n, ɔ nin ansans bɔ be yrɛ i'n,

Ezipt Lɔ Tulɛ'n 30:23

«Fa parfɛn nga be ti kpakpa mun: mir kilo nnun, sinamɔm b'ɔ bɔn fannin'n i kilo nnyɔn nin sin, kanɛl b'ɔ bɔn fannin'n i kilo nnyɔn nin sin,

Ezipt Lɔ Tulɛ'n 30:33

Sɛ sran kun nian ngo nga su sɛnngɛn i liɛ'n nan ɔ fa gua sran ngbɛn wie su'n, be `kɛn i bo i nvlefuɛ'm be afiɛn.› »

Ezipt Lɔ Tulɛ'n 30:35

Sran ng'ɔ ti ansans yifuɛ'n, man ɔ fa njin gua nun, nan ansans sɔ'n `yo ansans kun b'ɔ ti jrɛiin, b'ɔ ti min liɛ klonglo.

Ezipt Lɔ Tulɛ'n 30:7

Man Aarɔn yra ansans b'ɔ bɔn fannin'n i su. Man ɔ yrɛ i sɔ nglɛmun kwlakwla blɛ b'ɔ wa nunnun kannin'm be nun'n .

Ezipt Lɔ Tulɛ'n 31:11

ɔ nin ngo nga be ´fa gua sran'm bé ti su'n nin ninnge'm be su'n, ɔ nin min tannin sua'n nun lɔ parfɛn b'ɔ bɔn fannin'n. Man be nian nga n seli kɛ a `yo'n su be yo.»

Ezipt Lɔ Tulɛ'n 35:15

ansans yrawlɛ'n nin i waka floloflolo mun, ngo nga be fa gua bé ti su'n, ansans nga be yrɛ i'n, Nyanmiɛn tannin sua'n i anuan nun rido'n,

Ezipt Lɔ Tulɛ'n 37:29

Ansans yifuɛ kun yoli bé ti su gualɛ ngo'n, yɛ ɔ yoli ansans fanninfannin b'ɔ ti Anannganman liɛ'n bɔ be yrɛ i ansans yrawlɛ'n su'n.

Ngɔjue Fɛfɛ Kpa'n 3:6

?Nguɛ yɛ ɔ fin aawlɛ flɛnnɛn'n nun ba kɛ sin wɛnsrɛn sa nin-ɔn. ?Nguɛ yɛ ɔ ´ba wuun mir nin ansans fanninfannin, ɔ nin parfɛn kpakpa'n kwlakwla be ´bɔn su i su sɔ nin-ɔn?

Ezai 43:23

Nán min yɛ amun fali amun bua nga b'a kpɛ cro'n yili tɛ nga be yra be nnɛn'n kɔlikɔli'n mannin min-ɔn. Nán min manmanlɛ ti yɛ amun yili amun tɛ sɔ mun-ɔn. I kusuman m'an mian-man amun kɛ amun man min like, m'an su-man amun su kɛ amun man min ansans.

Saun Yolɛ 16:12

Sɛnmlɛn ng'ɔ o min sɔwlɛ'n su min nyrun lɔ'n, ɔ `ko fa wie ɔ `wa guɛ i sɛnmlɛn guawlɛ like'n nun, ɔ `fla ansans nzuɛn'n i sa buɛ nnyɔn, kpɛkuun kɛ n wo lɛ'n bɔ tannin dan'n ɔ kpɛ lɛ'n, ɔ `fa ninnge sɔ'm be ngba wlu lɔ.

Saun Yolɛ 2:1

«Sɛ sran kun waan ɔ ´fa ble annzɛ like ng'ɔ ti kɛ ble sa ´fa yi sraka'n ´man min'n, ɔ `fa ble sanmlɛn mlɛnnɛnnɛn kpa'n, ɔ `gua su ngo nan ɔ `fa ansans sie su,

Saun Yolɛ 2:15

amun `dun mmua be `fa ngo be guagua su yɛ amun `fa ansans be sie su. Ble annzɛ like ng'ɔ ti kɛ ble sa bɔ be fa man min'n, i wie yɛ ɔ o lɛ-ɔ.

Saun Yolɛ 24:7

Ansans i klonglonglo bɔ like fi sanngan nun'n, fa sie i kpaun paplapa kwle nnyɔn'm bé su lɛ, kpɛkuun man be yrɛ i sɔ ansans liɛ'n be man min, ɔ ti be wla kpɛnlɛ like.

Saun Yolɛ 5:11

Sran nga bɔ i sa ɔ'a fua-man okunmomo annzɛ ablioso su'n, ɔ `kunndɛ ble sanmlɛn mlɛnnɛnnɛn kpa'n i kilo nnan nan ɔ wa fa kpata min. Sanngɛ nán man ɔ gua su ngo, yɛ nán man ɔ fa ansans sie su, afin ɔ ti ngbata like yɛ ɔ man-an.

Kalɛ 4:16

Min nyrun jranfuɛ Aarɔn i wa Eleazar yɛ ɔ wa nian ngo nga be fa gua kannin'm be nun'n, nin ansans nga be yrɛ i'n, nin ble annzɛ like ng'ɔ ti kɛ ble sa bɔ be fa yi sraka cɛn kwlakwla'n, ɔ nin bé ti su gualɛ ngo'n bé su-ɔ. Ɔ ´nian min tannin sua'n nin i nun ninnge'm bé su. Ninnge nga be ti min liɛ klonglo'n nin be wun ninnge mma mma mun'n, ɔ ´nian bé su.»

Matthieu 2:11

Be wluli sua lɔ, be wunnin bakan'n nin i nin Mari, be kotoli i bo, be mɛnmɛnnin i. Be nyannjili be trɔ mun, be cɛli i sika ɔkwlɛ, nin ansans, ɔ nin mir.