Ezipt Lɔ Tulɛ'n 30:1 - NYANMIƐN NDƐ'N 1998

¹ «Man be yo min sɔwlɛ kun bɔ be ´yra ansans su. Man be fa akasia waka yɛ be `fa yo-ɔ.

Ezipt Lɔ Tulɛ'n 30:1 ပူးပေါင်းရင်းမြစ်များ

1 Famiɛn Mun 6:20

Sua ba sɔ'n i tɛnndɛn nun'n ti mɛtri blu. I tɛtrɛ nun'n ti mɛtri blu, yɛ i nglo-nglo su'n ti mɛtri blu. Salomɔn kloli sika ɔkwlɛ guɛli i talɛ'n kwlakwla wun. Ɔ yoli Nyanmiɛn sɔwlɛ kun sua ba'n i anuan'n i wun lɛ. Be fali sɛdri waka yɛ be fa yoli-ɔ. Be kloli sika ɔkwlɛ guali Nyanmiɛn sɔwlɛ sɔ'n i wun.

1 Famiɛn Mun 6:22

Ɔ man sua'n i talɛ'n i wun ti sika ɔkwlɛ ngunmin. Nyanmiɛn sɔwlɛ'n b'ɔ o kɛ a ´fa wlu Nyanmiɛn i lika kpa tra su'n nun lɔ'n, i kusu sika ɔkwlɛ o i wun bioun.

1 Famiɛn Mun 7:48

Salomɔn man be yili ninnge nga be fa di Nyanmiɛn i sua'n nun junman'n. Be yɛ: like nga be fa ansans be yi su sraka man Nyanmiɛn'n, ɔ ti sika ɔkwlɛ, tabli nga be sie kpaun su man Nyanmiɛn'n, ɔ ti sika ɔkwlɛ,

1 Be Nyoliɛ 28:18

Ɔ kleli sraka yiwlɛ bɔ be ´fa ansans be ´yi sraka su'n i wafa, ɔ nin i nɔnnin-nɔnnin'n i nuan. Be ´fa sika ɔkwlɛ b'ɔ ti jrɛiin yɛ be ´fa yo sraka yiwlɛ sɔ nin-ɔn. Ɔ kleli i kakaklolo i wafa'n. Anz'm be nzɔliɛ'n bɔ be ´fa sika ɔkwlɛ be ´yo'n, ɔ kleli be wafa'n. Be ndɛwa'n nun ´yo trɛwa, yɛ be ndɛwa sɔ'n be ´kata Anannganman i alaka'n su.

1 Be Nyoliɛ 6:49

Izraɛlfuɛ'm be fali klɔ sɔ mun, ɔ nin lika nga be o klɔ sɔ'm be asa'n su'n mannin Levifuɛ mun.

2 Be Nyoliɛ 26:16

I nyrun b'ɔ nyɛnnin i'n ti'n, ɔ tuli i wun. Ɔ man ɔ yoli sa tɛ. Ɔ fɔnnin Anannganman b'ɔ ti i Nyanmiɛn'n wun. Cɛn kun ɔ wluli Anannganman i sua'n nun lɔ. I bɔbɔ ko yrali ansans kan be yrɛ i lɛ'n.

Ezipt Lɔ Tulɛ'n 30:10

Afuɛ nuan kun nun'n, man Aarɔn yo min sɔwlɛ'n i saun kpalɛ kun. I ti nnɛn nga be kun i'n i mmoja'n bɔ man be nyan sa tɛ i yaci cɛlɛ'n, ɔ fa wasa min sɔwlɛ'n i wɛ'm be su. Afuɛ nuan kwlakwla'n, man amun osu nunfuɛ'm be yo i sɔ tititi. Min sɔwlɛ nga, be ´sie i ngunmin'n, ɔ ti min liɛ klonglo.»

Ezipt Lɔ Tulɛ'n 30:2

Man i tɛnndɛn nun'n nin i tɛtrɛ nun'n be `sɛ, man kun yo santimɛtri ablenun, kun yo santimɛtri ablenun, yɛ man i nglo-nglo su'n yo mɛtri kun. Man be yo i cɔnjɔ'm be su like kɛ nnɛn wɛ sa. Man nnɛn wɛ sɔ'm be nin i sa su kunngba.

Ezipt Lɔ Tulɛ'n 31:8

tabli'n, ɔ nin i su ninnge'm be ngba, kannin'm be siewlɛ bɔ sika ɔkwlɛ jrɛiin yɛ be ´fa yoli'n, ɔ nin i wun ninnge'm be kwlaa, min sɔwlɛ nga be ´yra ansans su'n,

Ezipt Lɔ Tulɛ'n 35:15

ansans yrawlɛ'n nin i waka floloflolo mun, ngo nga be fa gua bé ti su'n, ansans nga be yrɛ i'n, Nyanmiɛn tannin sua'n i anuan nun rido'n,

Ezipt Lɔ Tulɛ'n 39:38

ansans yrawlɛ bɔ sika ɔkwlɛ yɛ be fa yoli'n, bé ti su gualɛ ngo'n, ansans nga be yrɛ i'n, yɛ tannin sua'n i anuan'n nun rido'n,

Ezipt Lɔ Tulɛ'n 40:5

Ansans yrawlɛ bɔ sika ɔkwlɛ yɛ be fa yoli'n, man be fa sie min alaka'n i nyrun lɛ. Man be sende min tannin sua'n i rido'n anuan'n nun.

Ezekiɛl 41:22

Nyanmiɛn sɔwlɛ bɔ waka yɛ be fa yoli'n sa, i nglo-nglo su'n ɔ ti mɛtri kun nin sin, yɛ i tɛtrɛ nun'n ɔ ti mɛtri kun. Ɔ lɛ cɔnjɔ-cɔnjɔ. I bo nin i bue'm be su ti waka. Sran'n ɔ seli min kɛ: «Tabli nga be fa jin Anannganman i nyrun nin-ɔn.»

Saun Yolɛ 4:18

Ɔ `fa mmoja'n wie `siesie min sɔwlɛ'n i cɔnjɔ-cɔnjɔ bɔ be ti kɛ nnɛn wɛ sa'n su min nyrun lɛ tannin sua'n nun lɔ. Kpɛkuun ɔ `ko utu mmoja'n i onga'n min sɔwlɛ b'ɔ jin tannin sua'n i anuan'n nun lɛ'n i bo lɛ.

Saun Yolɛ 4:7

Ɔ `fa mmoja'n wie siesie ansans yrawlɛ ng'ɔ o min nyrun lɛ tannin sua'n nun lɔ'n i cɔnjɔ-cɔnjɔ bɔ be ti kɛ nnɛn wɛ sa'm bé su. Kpɛkuun ɔ `ko utu mmoja'n i onga'n min sɔwlɛ'n b'ɔ jin tannin sua'n i nyrun lɛ'n i bo lɛ.

Kalɛ 3:31

Nyanmiɛn i alaka'n nin i tabli'n, ɔ nin kannin siewlɛ'n, ɔ nin Nyanmiɛn sɔwlɛ lika mun, ɔ nin ninnge nga be fa di junman Nyanmiɛn i lika'n nun'n, nin rido ng'ɔ o Nyanmiɛn i lika'n i klun lɔ'n, Keatfuɛ'm be yɛ be nian ninnge sɔ'm be lika-a.

Kalɛ 4:11

Be `fa tannin ble nzue-nzue be kɛtɛ i sɔwlɛ'n b'ɔ ti sika ɔkwlɛ'n su. Be `kɛtɛ i wun nnɛn kplo ng'ɔ sɔ kpa'n. I sin'n, be `wlɛwlɛ i sa floloflolo mun.

Hébreu 9:4

Nyanmiɛn sɔwlɛ b'ɔ ti sika ɔkwlɛ'n, bɔ be yra ayre fannin su'n, ɔ nin Nyanmiɛn i alaka, bɔ be klo sika ɔkwlɛ guɛli i wun'n be o lɔ. Sika ɔkwlɛ sɛma'n bɔ mani'n wo nun'n, nin Aarɔn kpɔnman b'ɔ fɛfɛli'n, ɔ nin yɛbuɛ paplaapla bɔ be klɛ aenguɛ nga Nyanmiɛn waan ɔ nin sran'm be ´tra bé su'n, be wo alaka sɔ'n nun .

Sa nglô yile 8:3

Yɛ anz kun ekun wa jrannin Nyanmiɛn sɔwlɛ'n i wun lɛ, like bɔ be yra ansans nun b'ɔ ti sika ɔkwlɛ'n ɔ wo i sa nun. Be mɛnnin i ansans kpanngban kpa. Ansans sɔ'n nin yalɛ nga Nyanmiɛn sran'm be kwlaa be koko kle i'n, be wan ɔ `fa be man Nyanmiɛn. Be wan be `fa mɛn i ansans yrawlɛ b'ɔ ti sika ɔkwlɛ'n, b'ɔ o bia'n nyrun lɛ'n su .