Ezipt Lɔ Tulɛ'n 3:9 - NYANMIƐN NDƐ'N 1998

⁹ N tili Izraɛlfuɛ'm be kpanlɛ'n b'ɔ toli min wa'n, kpɛkuun n wunnin wafa nga Eziptfuɛ'm be fa yo be tɛtɛ'n.

Ezipt Lɔ Tulɛ'n 3:9 ပူးပေါင်းရင်းမြစ်များ

Bo Bolɛ 16:11

Wunnzɛlɛ nga w'a wunnzɛ yɛ'n, a wa wu ba yasua kun. A ´tɔn i dunman kɛ Ismaɛl yɛlɛ kɛ Anannganman tili wɔ aunnvuɛ sunlɛ'n.

Bo Bolɛ 31:12

I waan: ‹Man ɔ́ nyin su nian bua yasua nin boli kpakpuɛ nga be fu bla mun'n, be kwlaa be wunnɛn'n klɛklɛ nun, wie'm be kusu be wunnɛn'n tata nun. N wunnin sa nga Laban fa yo wɔ'n, i ti yɛ n yo i sɔ-ɔ.

2 Famiɛn Mun 13:4

Zɔakaz kpatali Anannganman. Anannganman tieli i srɛlɛ'n, afin ɔ wunnin yalɛ nga Siri famiɛn'n kleli Izraɛlfuɛ mun'n.

2 Famiɛn Mun 20:5

«Sa ɔ́ sin ko se Ezekias b'ɔ ti min nvle'n i su kpɛn'n kɛ: ‹Anannganman b'ɔ ti ɔ nannan David i Nyanmiɛn'n waan: N tili ɔ srɛwa'n, n wunnin ɔ nyinmuɛn'n, ɔ man i ti n wa yo wɔ juejue. Ainman sin'n a wa kɔ min sua'n nun lɔ.

Neemi 9:9

A wunnin fɛlɛ nga e nannan'm be fɛli Ezipt lɔ'n, a tili be nɛn'n kɛ be kpan flɛli wɔ ndɛma jenvie'n wun lɔ'n.

Jue Mun 12:5

Man ɔ nunnun be bɔ be se kɛ: «E si nga e ko kan nan y'a nyan kwlalɛ'n. E nuan waka'n wo lɛ. ?Wan cɛ yɛ ɔ kwla sie ye-ɔ?»

Jue Mun 9:14

Anannganman, si min aunnvuɛ, nian nyrɛnnɛn bɔ min kpɔfuɛ mun b'a fa min b'a yi nun-ɔn. Yo man n fin wie'n i sa nun n fite.

Ezipt Lɔ Tulɛ'n 1:11

Eziptfuɛ'm be sieli Izraɛlfuɛ'm be su junman kpɛnngbɛn mun. Be waan be `man Izraɛlfuɛ'm be junman kekle man be di. Kɛ be yoli sɔ yɛ be fa kplannin Pitɔm nin Ramsɛs b'ɔ be ti Ezipt famiɛn'n i ninnge siewlɛ klɔ mun-ɔn.

Ezipt Lɔ Tulɛ'n 1:22

Siɛn liɛ'n, Ezipt famiɛn wlali i nvlefuɛ'm be kwlaa be su nun kɛ: «Ebre'm be wa yasua nɔnman kwlaa nga be wu be'n, amun `to be gua Nil nzue'n nun lɔ, sanngɛ amun `yaci ba bla'm be lɛ.»

Ezipt Lɔ Tulɛ'n 1:8

Yɛ famiɛn uflɛ kun bɔ i liɛ'n ɔ'a si-man Zozɛf mlɔnmlɔn'n, ɔ wa jasoli su nan ɔ'a sie Ezipt mɛn'n.

Ezipt Lɔ Tulɛ'n 2:23

I sin b'ɔ cɛ lele'n, Ezipt famiɛn'n wa wuli, sanngɛ i blɛ sɔ nun'n, wuun Izraɛlfuɛ'm be tɛ o kanga'n nun. Be kplin, be sun. Be kpanlɛ'n toli Nyanmiɛn lɔ.

Ezipt Lɔ Tulɛ'n 2:25

Kɛ Nyanmiɛn niannin Izraɛlfuɛ mun'n, kpɛkuun be yoli i annvɔ.

Ezipt Lɔ Tulɛ'n 3:7

Anannganman seli i ekun kɛ: «N wunnin min sran nga be o Ezipt lɔ'n be nyrɛnnɛn nga be fa kle be'n. Kɛ be kle be nyrɛnnɛn'n, kpanlɛ nga be kpannin'n, n tili. N si afɛ ng'ɔ o be su'n.

Akunndanfuɛ'n 4:1

Nyrɛnnɛn nga sran'm be kle be wiengu mun nyanmiɛn'n bo wa'n, m buli i akunndan. Be nga be wun nyrɛnnɛn'n, kannzɛ be ´kpan sɛ, be nyan-man sran b'ɔ ´fɔnvɔ be-ɔ. Afin be nga be kle sran'm be nyrɛnnɛn'n yɛ kwlalɛ'n wo bé sa nun-ɔn. Nyrɛnnɛn wunfuɛ'm be nyan-man sran b'ɔ ´fɔnvɔ be-ɔ.

Akunndanfuɛ'n 5:8

Asiɛ'n nun like nga be nyɛn i'n ɔ ti sran'm be kwlaa be liɛ. Fie su junman'n yɛ man famiɛn'n ɔ di like-ɔ.

Amɔs 4:1

Samari mmla mun, amun bɔ amu'an cɛn kɛ Bazan oka'n su nannin mun sa'n, amun `sie amún su be `ti ndɛ ng'ɔ o mín nuan'n. An di yalɛfuɛ'm be lufle. Amun kle yalɛfuɛ'm be nyrɛnnɛn. Kpɛkuun an se amún wun'm be kɛ yoo: «An `fa nzan'n be bla man e nɔn .»

Mmla'n 26:7

Yɛ e kpan flɛli Anannganman e nannan'm be Nyanmiɛn'n. Anannganman kusu tili e aniɛn'n, ɔ wunnin afɛ nga e o nun'n, ɔ wunnin yalɛ nin nyrɛnnɛn bɔ be ´kle ye'n.

1 Samiɛl 9:16

«Ainman dɔ kunngba nga su, n ´fa Bɛnzamɛn akpasua'n su lɔ sran kun ´blɛ wɔ. Sɛ ɔ ba'n, guɛ i ti su ngo man ɔ sie Izraɛl b'ɔ ti min nvle'n. Ɔ wa de min nvle'n Filistifuɛ'm bé sa nun, afin mín nyin o min nvle'n sɔ'n su. Kpanlɛ nga min nvle'n nunfuɛ'm be kpan'n toli min wa.»