Ezipt Lɔ Tulɛ'n 3:7 - NYANMIƐN NDƐ'N 1998

⁷ Anannganman seli i ekun kɛ: «N wunnin min sran nga be o Ezipt lɔ'n be nyrɛnnɛn nga be fa kle be'n. Kɛ be kle be nyrɛnnɛn'n, kpanlɛ nga be kpannin'n, n tili. N si afɛ ng'ɔ o be su'n.

Ezipt Lɔ Tulɛ'n 3:7 ပူးပေါင်းရင်းမြစ်များ

Bo Bolɛ 16:11

Wunnzɛlɛ nga w'a wunnzɛ yɛ'n, a wa wu ba yasua kun. A ´tɔn i dunman kɛ Ismaɛl yɛlɛ kɛ Anannganman tili wɔ aunnvuɛ sunlɛ'n.

Bo Bolɛ 18:21

Ɔ man ɔ ti bɔ n `jra n nian sɛ sa nga be yo'n nin be wun ndɛ nga n ti'n sɛ ɔ ti nanwlɛ o.»

Bo Bolɛ 21:17

Nyanmiɛn tili ba'n i sunlɛ'n. Nyanmiɛn i anz'n wo nyanmiɛn su lɔ ɔ flɛli Agar. Ɔ usɛli i kɛ: «?Agar, nguɛ sa-a? Nán srɛ kun wɔ. Nyanmiɛn tili ba'n i sunlɛ'n kan i bɔbɔ o lɔ'n.

Bo Bolɛ 29:32

Lea wunnzɛli, ɔ wuli ba yasua kun nan ɔ'a flɛ i kɛ Ribɛn. Ɔ seli kɛ: «Anannganman wunnin min nyrun nyannzuɛn'n. Siɛn liɛ'n, min wun'n ɔ wa klo min.»

Bo Bolɛ 31:12

I waan: ‹Man ɔ́ nyin su nian bua yasua nin boli kpakpuɛ nga be fu bla mun'n, be kwlaa be wunnɛn'n klɛklɛ nun, wie'm be kusu be wunnɛn'n tata nun. N wunnin sa nga Laban fa yo wɔ'n, i ti yɛ n yo i sɔ-ɔ.

Bo Bolɛ 31:42

Sɛ min nannan Abraam i Nyanmiɛn bɔ min si Izaak sro i'n ɔ'a uka-man min'n, sɛ ɔ nin min nun-man nun'n, wuun m'an nyan-man like fi yɛ a yacili min nun m bali-ɔ. Nyanmiɛn wunnin min wun ase nga n kannin'n nin junman dan nga n dili'n, ɔ man ndɛ kɔnguɛ ɔ seli min kɛ ɔ o min sin.

2 Samiɛl 22:28

Sran nga be kan bé wun ase'n, a de be nvle'n. Yɛ be nga be tu bé wun'n, a kan be ase.

2 Famiɛn Mun 13:4

Zɔakaz kpatali Anannganman. Anannganman tieli i srɛlɛ'n, afin ɔ wunnin yalɛ nga Siri famiɛn'n kleli Izraɛlfuɛ mun'n.

2 Famiɛn Mun 20:5

«Sa ɔ́ sin ko se Ezekias b'ɔ ti min nvle'n i su kpɛn'n kɛ: ‹Anannganman b'ɔ ti ɔ nannan David i Nyanmiɛn'n waan: N tili ɔ srɛwa'n, n wunnin ɔ nyinmuɛn'n, ɔ man i ti n wa yo wɔ juejue. Ainman sin'n a wa kɔ min sua'n nun lɔ.

Neemi 9:9

A wunnin fɛlɛ nga e nannan'm be fɛli Ezipt lɔ'n, a tili be nɛn'n kɛ be kpan flɛli wɔ ndɛma jenvie'n wun lɔ'n.

Jue Mun 106:44

Anannganman tili be kokolɛ bɔ be koko'n, yɛ ɔ wunnin nyrɛnnɛn'n b'ɔ o be su.

Jue Mun 12:6

Anannganman waan: «Yalɛfuɛ nga be kle be yalɛ'n, ɔ nin nyrɛnnɛn wunfuɛ nga be fɛfɛ'n, bé ti m'an jaso. Be bɔ be kankan be bo'n, n su ba be delɛ.»

Jue Mun 142:3

N koko sa ng'ɔ o mín su'n n kle i. N fa nyrɛnnɛn ng'ɔ o mín su'n n sie i nyrun.

Jue Mun 145:19

Be nga bé nyin yi i'n, ɔ fa like bɔ be kunndɛ'n man be. Ɔ ti be nɛn'n yɛ ɔ de be.

Jue Mun 22:24

Amun bɔ amun nyin yi Anannganman'n, amun `mɛnmɛn i! Zakɔb i osu'n nunfuɛ mun, amun kwlakwla amun `yi i ayɛ. Izraɛl i osu'n nunfuɛ mun, kɛ amun wo i nyrun'n, man srɛ kun amun, yɛ amun `usu.

Jue Mun 34:4

Amun `uka min man e manman Anannganman. Amun man é bo yo kun nan e yi i ayɛ.

Jue Mun 34:6

Be nga be fa be wla guɛ i su'n, bé wun kpaja be, yɛ nyannzuɛn kun-man be.

Jue Mun 35:22

Anannganman, ɔ́ nyin ta nun, nán tran lɛ sa! Mantan min koko.

Jue Mun 9:14

Anannganman, si min aunnvuɛ, nian nyrɛnnɛn bɔ min kpɔfuɛ mun b'a fa min b'a yi nun-ɔn. Yo man n fin wie'n i sa nun n fite.

Ezipt Lɔ Tulɛ'n 1:11

Eziptfuɛ'm be sieli Izraɛlfuɛ'm be su junman kpɛnngbɛn mun. Be waan be `man Izraɛlfuɛ'm be junman kekle man be di. Kɛ be yoli sɔ yɛ be fa kplannin Pitɔm nin Ramsɛs b'ɔ be ti Ezipt famiɛn'n i ninnge siewlɛ klɔ mun-ɔn.

Ezipt Lɔ Tulɛ'n 1:8

Yɛ famiɛn uflɛ kun bɔ i liɛ'n ɔ'a si-man Zozɛf mlɔnmlɔn'n, ɔ wa jasoli su nan ɔ'a sie Ezipt mɛn'n.

Ezipt Lɔ Tulɛ'n 22:23

N ´fa ya amun wun, kpɛkuun n ´yo man alɛ ´di amun, yɛ amun yi'm be ´yo angboti, amun mma'm be kusu be ´ka aika.

Ezipt Lɔ Tulɛ'n 33:13

Sɛ ɔ ti sɔ'n, wuun yi wɔ akunndan'm be nglo kle min. I sɔ nun yɛ n ´si wɔ yɛ n ´nyan ye ɔ́ sa nun-ɔn. Nian, nvle nga nunfuɛ'm be ti ɔ sran mun.»

Ezipt Lɔ Tulɛ'n 5:10

Eziptfuɛ nga be ti plɔtrɔ junman difuɛ'm be su nianfuɛ mun, be nin Izraɛlfuɛ nga be ti junman'n su kpɛnngbɛn kanngan'm be fin Ezipt famiɛn'n i awlo lɔ be ɔli Izraɛlfuɛ'm bé sin be ko seli be kɛ: «Ndɛ nga Ezipt famiɛn'n ɔ'a kan'n yɛ: ‹Be su man-man amun ijre kun.

Ezipt Lɔ Tulɛ'n 5:6

Cɛn kunngba sɔ nun'n, Ezipt famiɛn'n wlali Eziptfuɛ nga be ti plɔtrɔ junman difuɛ'm bé su nianfuɛ mun, ɔ nin Izraɛlfuɛ nga be ti junman difuɛ sɔ'm bé su kpɛnngbɛn kanngan'm be su nun kpa, ɔ seli be kɛ:

Ezai 63:9

Ɔ deli be nyrɛnnɛn'n b'ɔ o bé su'n i nun. Be nyrɛnnɛn sɔ'n, ɔ kacili i bɔbɔ liɛ wie. I klolɛ'n nin i aunnvuɛ silɛ'n ti'n, i bɔbɔ ɔ kpɔli bé ti. Laa, ɔ niannin be lika, yɛ sɛ n ´kwlaa se'n, ɔ suali be i sa su cɛn'n kwlakwla.

Kalɛ 20:16

E sun flɛli Anannganman kɛ ɔ wa de ye. Ɔ tili e sunlɛ'n, yɛ ɔ sunmannin anz kun ko fali e Ezipt lɔ-ɔ. Siɛn'n, e yɛ y'a ju Kadɛs yɛ, klɔ sɔ b'ɔ nin ɔ mɛn'n mantan koko yɛ'n su.

Sa nga bé yôli'n 7:34

N wunnin n sran'm bɔ be o Ezipt lɔ'n be nyrɛnnɛn bɔ be wun'n i, n tili be otolɛ'n, n jra bali be delɛ. I sɔ'n ti, bla man n sunman wɔ Ezipt lɔ .›

Hébreu 4:15

Afin Nyanmiɛn nyrun jranfuɛ nga e lɛ i'n, ɔ ti-man sran b'ɔ si-man kɛ e kwla-man like fi yo-ɔ, afin like nga be fa lakali ye'n, be fɛ i kwlaa'n lɛkɛli i wie, sanngɛ ɔ'a yo-man sa tɛ le.

1 Samiɛl 9:16

«Ainman dɔ kunngba nga su, n ´fa Bɛnzamɛn akpasua'n su lɔ sran kun ´blɛ wɔ. Sɛ ɔ ba'n, guɛ i ti su ngo man ɔ sie Izraɛl b'ɔ ti min nvle'n. Ɔ wa de min nvle'n Filistifuɛ'm bé sa nun, afin mín nyin o min nvle'n sɔ'n su. Kpanlɛ nga min nvle'n nunfuɛ'm be kpan'n toli min wa.»