Ezipt Lɔ Tulɛ'n 3:5 - NYANMIƐN NDƐ'N 1998

⁵ Anannganman seli i kɛ: «Nán mantan susrɛ'n wa. Yi ɔ ja ngbabua'n, afin lika nga a o nun yɛ'n ti min Nyanmiɛn min lika.

Ezipt Lɔ Tulɛ'n 3:5 ပူးပေါင်းရင်းမြစ်များ

Ezipt Lɔ Tulɛ'n 19:12

Ja awɛ tɛɛn man ɔ́ sin yia oka'n nan se be kɛ: ‹Nán amun fu oka'n su, nán amun mɛntɛn i'n bɔbɔ. Like kwlaa ng'ɔ mɛntɛn i'n be ´kun i.

Ezipt Lɔ Tulɛ'n 19:21

Anannganman seli i kɛ: «Ko kan kle sran'm be kɛ nán be wanndi bla min nianlɛ. Sɛ be yo i sɔ'n, be nun kpanngban kpa be ´wu.

Ezipt Lɔ Tulɛ'n 4:28

Moiz kannin jasin nga Nyanmiɛn fa wlɛli i nuan'n kleli Aarɔn, yɛ ɔ kannin atrɛ nga Nyanmiɛn waan ɔ yi be'n be ndɛ.

Akunndanfuɛ'n 5:1

Nán kpli kan ndɛ. Ndɛ nga ɔ waan a ´kan'n, dun mmua bu i wun akunndan nan w'a kan. Afin Nyanmiɛn'n wo nglo lɔ, ɔ kusu a o asiɛ'n su wa. I sɔ'n ti nán ijɔ fiaii .

Zeremi 30:21

Be nvle'n nunfuɛ kun yɛ ɔ ´yo be kpɛnngbɛn-ɔn. Be nvle'n nunfuɛ kun yɛ ɔ ´yo be siefuɛ-ɔ. N ´yo man Zakɔb ´fɛ i wun mantan min ɔ ´ba min wun. ?Afin kɛ wan sa yɛ i bɔbɔ kwla si i wue nun kɛ ɔ ´fɛ i wun mantan min-ɔn?» Anannganman'n yɛ ɔ usa sɔ-ɔ.

Saun Yolɛ 10:3

Nan Moiz ɔ'a se Aarɔn kɛ: «Anannganman kan ndɛ yɛ'n kleli amun. Ɔ seli amun kɛ yoo: ‹N klo kɛ be nga be waan be ´fa bé wun mantan min'n, bé nyin `yi min, yɛ be `manman min mɛn mma'm be nyrun.› » Kɛ Moiz kɛnnin i sɔ'n kleli Aarɔn'n, ɔ'a kle-man Aarɔn i ijɔlɛ mlɔnmlɔn.

Sa nga bé yôli'n 7:33

E Min Nyanmiɛn'n seli i kɛ: ‹Yi ɔ ngbabua'n yɛlɛ kɛ asiɛ nga a jin su'n ɔ ti n liɛ.

Mmla'n 23:14

Sɛ amun ´kɔ alɛ kunlɛ'n, amun `fa sue kan amun `sie amun trɔ'n nun. I liɛ sran kwlaa nga i waan ɔ ´kɔ atin nun'n, ɔ ´fɛ i sue'n kpɛ kunman. Kpɛkuun sɛ ɔ wie atin nun kɔ'n, ɔ ´kata i waka su'n su.

Hébreu 12:20

yɛlɛ kɛ ndɛ sɔ'n ti kekle be kwla fa-man su, afin ɔ seli kɛ: «Sɛ nnɛn bɔbɔ kan oka'n, be fa yɛbuɛ kun i .»

Zozie 5:15

Anannganman i alɛ kunfuɛ'm be su kpɛnngbɛn'n seli Zozie kɛ: «Yi ɔ ja ngbabua'n, afin lika nga a o nun yɛ'n ti Nyanmiɛn liɛ .» Yɛ Zozie yili i ngbabua nin-ɔn.

2 Piɛr 1:18

Kɛ e nin i e o Nyanmiɛn i oka'n su lɔ'n yɛ e tili i nɛn sɔ nin-ɔn .