Min Min, sie ɔ́ su tie min srɛlɛ'n ɔ nin ɔ sran nga be nyin yi wɔ'n be srɛlɛ'n. Man n nyan muae ndɛkɛn, yo man n nyan jranwlɛ bian sɔ'n i nyrun.» I blɛ sɔ nun'n, wuun n ti famiɛn'n i nzan sufuɛ.
Kpɛkuun ɔ yoli man i nvlefuɛ'm be fin mɛn sɔ'n nun fiteli. Be ´fite-ɔ, be di-man jɛtɛ ufue'n nin sika ɔkwlɛ'n i yalɛ bé sa nun. Be kwlaa be ti juejuejue be akpasua'm be kwlaa su.
Kan kle Izraɛlfuɛ'm be kɛ man yasua'm be srɛ Ezipt yasua nga be nin be tran mantan su'n be sika ɔkwlɛ nin jɛtɛ ufue ninnge mun. Man bla'm be kusu be srɛ Ezipt bla nga be nin be tran mantan su'n be sika ɔkwlɛ nin jɛtɛ ufue ninnge mun.»
Anannganman yoli man Eziptfuɛ'm bé nyin yili Izraɛlfuɛ mun. Moiz bɔbɔ kpa'n yoli sran dan kpa kun Ezipt mɛn'n nun Ezipt famiɛn'n i mantanfuɛ'm be nyrun, ɔ nin nvle wunmuan'n i nyrun.
Ɔ deli i afɛ'n kwlaa nun, ɔ man ɔ nyannin nyrun Ezipt famiɛn i nyrun. Famiɛn'n wunnin kɛ ɔ ti ngwlɛlɛfuɛ, nan ɔ'a fɛ i a sie Ezipt mɛn'n ɔ nin i awlo'n i su kpɛn .