Ezipt Lɔ Tulɛ'n 3:20 - NYANMIƐN NDƐ'N 1998

²⁰ I ti'n, m ´ba yasua su Eziptfuɛ'm be afiɛn, kpɛkuun n ´fa abonuan sa nga n ´yo be'n n ´fa kle be nyrɛnnɛn. I sin famiɛn'n ´yaci amun nun amun ´kɔ.

Ezipt Lɔ Tulɛ'n 3:20 ပူးပေါင်းရင်းမြစ်များ

Bo Bolɛ 15:14

Sanngɛ n ´tu i sɔ nvle liɛ nga be ´fa wɔ anunman'm be ´yo be akua'n be fɔ. Kɛ be ´jaso lɛ be ´kɔ'n, be ´nyan ninnge kpanngban.

Neemi 9:10

A yili atrɛ sunman yɛ a yoli abonuan sa dandan Ezipt famiɛn'n, nin i mantanfuɛ mun, ɔ nin i mɛn nunfuɛ mun be ti, afin a wunnin kɛ be su yo e nannan'm be tɛtɛ. Ɔ dunman'n fuli, lele ndɛ ɔ tɛ fu.

Jue Mun 105:27

Ɔ mannin be wunmiɛn ɔ man be yili atrɛ ng'ɔ seli be kɛ be `yi i Eziptfuɛ'm be afiɛn'n. Be yoli abonuan sa mun Kam mɛn'n nun lɔ.

Jue Mun 105:38

Bé bo tulɛ Ezipt mɛn'n nun lɔ'n ɔ yoli lɔfuɛ'm be fɛ dan, be klun jɔli. Be klun'n b'ɔ ´jɔ'n yɛlɛ srɛ dan b'ɔ kunnin be Izraɛlfuɛ'm bé wun'n b'ɔ su kun-man be kun'n.

Jue Mun 106:22

I b'ɔ yili atrɛ mun Kam mɛn'n nun'n, b'ɔ yoli sa sroesroe Ndɛma jenvie'n nuan lɔ'n, bé wla fili i su.

Ezipt Lɔ Tulɛ'n 11:1

Anannganman seli Moiz kɛ: «N wa fa nyrɛnnɛn kasiɛn'n n ´fa yi i Ezipt famiɛn'n nin Eziptfuɛ'm be su. Kɛ ɔ yo sɔ'n, ɔ ´yaci amun nun amun ´kɔ. Ɔ ´fuan amun wa mlɔnmlɔn.

Ezipt Lɔ Tulɛ'n 12:39

Ble sanmlɛn nga be nin i fin Ezipt lɔ bali'n, bɔ be boli i lɔ sanngɛ ɔ'a kwla wla-man'n, be fa tɔnnin kpaun paplaapla nga be gua-man nun kpaun ayre'n, afin be kannin bé bo Ezipt lɔ. Kɛ be balɛ'n yoli kplilɛ'n ti, b'a kwla nyan-man blɛ b'a minndɛ-man kɛ ble sanmlɛn'n wla ka. B'a kwla fa-man ndidiɛ ninnge b'a tra-man nun.

Ezipt Lɔ Tulɛ'n 13:3

Moiz seli nvlefuɛ'm be kɛ: «Man amún wla kpɛn cɛn nga su, afin cɛn sɔ'n nun yɛ Anannganman i tinmin dan bɔ sran fi kwla jrɛn-mɛn i nyrun'n ti ɔ fali amun Ezipt lɔ bali nin-ɔn. Kɛ ɔ ´yo sɔ'n, wuun amun tɛ o kanga'n nun. Kɛ amun ´di cɛn sɔ'n, nán amun di kpaun bɔ kpaun ayre o nun'n.

Ezipt Lɔ Tulɛ'n 13:9

Cɛn sɔ'n wa yo amún wla kpɛnlɛ like kɛ amún sa'n i su annzɛ amun ngban su nzɔliɛ wie sa. Man ɔ kpɛn amún wla kɛ ɔ fata kɛ amun kan Anannganman i mmla'n i ndɛ. Afin i yɛ ɔ fali i tinmin bɔ be jrɛn i nyrun-ɔn ɔ yo-man ye'n, ɔ fali amun Ezipt lɔ bali.

Ezipt Lɔ Tulɛ'n 15:11

?Anannganman, amuɛn'm be nun'n, onin yɛ ɔ ti kɛ wɔ sa-a? ?Wan yɛ ɔ ti kɛ wɔ sa b'ɔ yo-man sa tɛ fi mlɔnmlɔn-ɔn, b'ɔ yo sro-ɔ, b'ɔ nin manmanlɛ fata-a, b'ɔ kwla yo abonuan sa mun kɛ wɔ sa-a?

Ezipt Lɔ Tulɛ'n 15:6

Anannganman, ɔ́ sa fama'n lɛ wunmiɛn o! A bubuli ɔ kpɔfuɛ'm be nun sa kpokpokpo.

Ezipt Lɔ Tulɛ'n 4:21

Anannganman seli i ekun kɛ: «Abonuan ninnge wafa-wafa nga n yoli man a kwlali be yo lɛ'n, kɛ a ´sa ɔ́ sin Ezipt lɔ yɛ'n, yo i sɔ abonuan sa mun Ezipt famiɛn'n i nyrun. N wa yo man ɔ su sie-mɛn i su ɔ ndɛ'm bé bo, ɔ su yaci-man Izraɛlfuɛ'm be nun kɛ be wɔ.

Ezipt Lɔ Tulɛ'n 6:1

Anannganman seli Moiz kɛ: «Blɛ li yɛ a wa wun like nga n wa fa yo Ezipt famiɛn nin-ɔn. N wa miɛn i kɛ ɔ `yaci Izraɛlfuɛ'm be nun man be wɔ. Kɛ n wa miɛn i'n, ɔ wa kan bé bo kɛ be jaso i mɛn'n nun bɔbɔ.»

Ezipt Lɔ Tulɛ'n 6:6

I sɔ'n ti, n ´kan kle wɔ kɛ a `se be kɛ: ‹N ti Anannganman, n wa yo man amun ´nyan amún ti junman kekleekle nga Eziptfuɛ'm be mian amun kɛ amun di'n be nun. Min tinmin dan bɔ sran kwla jrɛn-mɛn i nyrun'n ti'n, m ´bu be fɔ, kpɛkuun n ´de amun.

Ezipt Lɔ Tulɛ'n 9:15

Sɛ ɔ ti kɛ ɔ mɛnnin i sa'n su yɛ ɔ fali tukpacɛ b'ɔ sa ndɛndɛ wie yoli wɔ nin ɔ sran mun'n, wuun amun nunnunnin asiɛ'n su wa mlɔnmlɔn.

Ezai 19:22

Anannganman i sa ´kan Eziptfuɛ mun, kɛ ɔ wie be bo'n, ɔ ´nian be lika. Be bɔbɔ be ´ba Anannganman sin. Ɔ ´sɔ be nun, yɛ ɔ ´nian be lika.

Ezai 26:11

Anannganman, a man ɔ́ sa'n su nglo fa wlanwlan be, sanngɛ be wun-mɛn i. Be ´wun klolɛ nga a fa klo ɔ nvle'n nunfuɛ mun'n, yɛ nyannzuɛn ´kun be. Yɛ sin ɔ ´yra ɔ kpɔfuɛ mun.

Ezekiɛl 20:33

Anannganman Nyanmiɛn wan yoo: Min nyin o su, min kwlalɛ bɔ n kwla'n yɛ n fa yo min ninnge mun-ɔn. N wa fa min ya dan'n n gua amun su, wafa nga n ´fa sie amun'n yɛ ɔ o lɛ-ɔ.

Mise 7:15

Yo abonuan sa mun man be kɛ laa bɔ be fin Ezipt lɔ be ´ba bɔ a yoli'n sa.

Sa nga bé yôli'n 7:36

I yɛ ɔ deli be Ezipt lɔ nin-ɔn. Ɔ yoli abonuan sa mun, ɔ yili atrɛ mun Ezipt lɔ, nin Ndɛma Jenvie nun, ɔ nin aawlɛ flɛnnɛn nun lɔ afuɛ ablanan .

Mmla'n 4:34

?Amuɛn onin yɛ ɔ'a ko de nvle kun nvle uflɛ sa nun kanga nun le-ɔ? Anannganman amun Nyanmiɛn'n ɔ ko fali amun Ezipt lɔ kanga nun bali. I sin nan ɔ'a ko yi amun ɔ'a fite'n, ɔ fali sa kekle mun yili Eziptfuɛ'm be su, ɔ nin be kunnin kunlɛ kpa, ɔ yili atrɛ mun, ɔ yoli abonuan sa mun nin sa sroesroe mun. Sa sɔ'm be yoli amun nyrun.

Mmla'n 6:22

Anannganman yili atrɛ mun, ɔ yoli abonuan ninnge sroesroe mun e nyrun. Ɔ fali sa yalɛ yili i Eziptfuɛ mun nin famiɛn'n i bɔbɔ, ɔ nin i awlofuɛ'm bé su.

Jɔlɛ Difuɛ Mun 6:8

yɛ Anannganman sunmannin i nuan ijɔfuɛ kun Izraɛlfuɛ'm be wun lɔ-ɔ. Nyanmiɛn nuan ijɔfuɛ'n seli kɛ: «Anannganman b'ɔ ti Izraɛl Nyanmiɛn'n i wan yoo: ‹Min fanngan nun yɛ man amun fin Ezipt kan amun yoli kanga lɔ'n bali-ɔ.

Jɔlɛ Difuɛ Mun 8:16

Ɔ trali klɔ'n su kpɛnngbɛn mun nan ɔ'a fa aawlɛ nun lɔ owie ɔ'a fa tu be fɔ.