Ezipt Lɔ Tulɛ'n 3:2 - NYANMIƐN NDƐ'N 1998

² Anannganman i anz'n yili i wun nglo kleli i lɛ kɛ sin taaman sa susrɛ kun i afiɛn. Moiz ´nian susrɛ nin-ɔn, sin taaman o nun, sanngɛ susrɛ sɔ'n yra-man bɔ kaan sa.

Ezipt Lɔ Tulɛ'n 3:2 ပူးပေါင်းရင်းမြစ်များ

Bo Bolɛ 21:17

Nyanmiɛn tili ba'n i sunlɛ'n. Nyanmiɛn i anz'n wo nyanmiɛn su lɔ ɔ flɛli Agar. Ɔ usɛli i kɛ: «?Agar, nguɛ sa-a? Nán srɛ kun wɔ. Nyanmiɛn tili ba'n i sunlɛ'n kan i bɔbɔ o lɔ'n.

Bo Bolɛ 22:11

Yɛ Anannganman i anz'n wo nyanmiɛn su lɔ yɛ ɔ flɛli i-ɔ: «Abraam, Abraam!» Abraam waan: «M'an sro!»

Bo Bolɛ 48:16

nan anz ng'ɔ deli min sa yalɛ'n kwlakwla nun'n ɔ `yo ba nga'm be ye. Man n dunman'n ka be su. Man min nannan Abraam nin mín si Izaak be dunman'n ka be su. Man be trɛ kpa mɛn'n nun.»

Jue Mun 66:12

wɔ man sran'm be kwlali ye, e sinnin sin nin nzue nun. Sanngɛ w'a yi ye be nun a fite, wɔ man y'a di alaje.

Ezipt Lɔ Tulɛ'n 19:18

Sin wɛnsrɛn'n fali oka wunmuan'n, afin Anannganman jrali sin'n i afiɛn. Sin wɛnsrɛn'n jaso mlemlemle kɛ ngbɛ nun sin wɛnsrɛn sa, yɛ oka wunmuan'n kejeli kpa.

Ezipt Lɔ Tulɛ'n 23:20

«N ´sunman min anz kun, ɔ ´dun mmua amun nyrun yɛ ɔ ´sasa amun atin'n nun. Ɔ ´fa amun trilili ´ju mɛn nga m'an siesie i lɔ m'an sie amun'n nun.

Ezipt Lɔ Tulɛ'n 24:17

Anannganman i nyrun nyannyan'n yoli Izraɛlfuɛ'm be nyrun kɛ sin dan wie yɛ ɔ su jue oka'n su lɔ sa.

Ezipt Lɔ Tulɛ'n 3:16

Siɛn'n, kɔ ko yia Izraɛl kpɛnngbɛn mun nan se be kɛ: ‹Anannganman b'ɔ ti amun nannan'm be Nyanmiɛn'n, Abraam nin Izaak, nin Zakɔb be Nyanmiɛn'n yili i wun nglo kleli min. Ɔ seli min kɛ ɔ buli afɛ nga amun o nun'n i akunndan, yɛ ɔ wunnin sa nga be fa yo amun Ezipt mɛn'n nun'n.

Ezai 43:2

Sɛ amun ´sin nzue nyin su-ɔ, min nin amun yɛ e ´sin-ɔn. Sɛ amun ´kpɛ nzue ba mun'n, be su mɛn-man amun. Sɛ amun nanti sin nun'n, ɔ su yra-man amun, yɛ sin taaman'n su yo-man amun like fi.

Ezai 63:9

Ɔ deli be nyrɛnnɛn'n b'ɔ o bé su'n i nun. Be nyrɛnnɛn sɔ'n, ɔ kacili i bɔbɔ liɛ wie. I klolɛ'n nin i aunnvuɛ silɛ'n ti'n, i bɔbɔ ɔ kpɔli bé ti. Laa, ɔ niannin be lika, yɛ sɛ n ´kwlaa se'n, ɔ suali be i sa su cɛn'n kwlakwla.

Daniɛl 3:27

Akpasua su siefuɛ mun, nin prefe mun, nin kpɛnngbɛn uflɛ wie'm be nin famiɛn'n i mantanfuɛ'm be yiali bé wun lɛ. Be wunnin kɛ sin'n ɔ'a yo-man be wunnɛn'n i like fi, nan bé ti ndrɛ ba kun sa ɔ'a yra-man yɛ be tralɛ'm b'a yra-man kaan sa, kusu sin wɛnsrɛn bɔn-man bé wun kaan sa.

Zakari 13:7

Anannganman b'ɔ sie mɛn wunmuan, ɔ kan ndɛ kle tokofi'n kɛ sran sa. I waan: «Tokofi, jaso, a nin min nnɛn kankanfuɛ'n be `yia nun, min nnɛn kankanfuɛ bɔ n fɛli i n yoli min mantanfuɛ'n, a nin i be `yia nun. Kun nnɛn kankanfuɛ'n yɛ bua'm be ´bo sanndi nan e nin nnɛn kanngan'm e ´yia nun .»

Malasi 3:1

Anannganman b'ɔ sie mɛn wunmuan'n waan: «Amun `nian, n su sunman mín ndolo bofuɛ'n, ɔ ´ba nan ɔ wa bo min nyrun atin'n. Sran nga bɔ amun sun be flɛ i'n, ɔ ´wlu i sua nun-ɔn ɔ ´fu amun nun. Aenguɛ nga e nin amun ye trali'n, mín nuan ijɔfuɛ'n yɛ ɔ wa kan kle amun-ɔn. Be ´nian-an, i yɛ ɔ o yɛ, ɔ su ba !»

Marc 12:26

?Be nga be wuli'n be cɛnlɛ'n i wun ndɛ liɛ'n, amu'an kanngan-man Moiz i fluwa'n b'ɔ kle susrɛ'n i wun ndɛ'n nun'n i nun le? Ɔ klɛli i kɛ: ‹N ti Abraam, nin Izaak, nin Zakɔb be Nyanmiɛn .›

JÉSUS-CHRIST I DYASIN FE'N BO LUC KLELI'N 20:37

Kɛ Moiz jin susrɛ'n i wun lɛ b'ɔ flɛli e Min Nyanmiɛn'n kɛ: ‹Abraam Nyanmiɛn, Izaak Nyanmiɛn, Zakɔb Nyanmiɛn'n,› i bɔbɔ kan kleli ye kɛ sran'm be ´cɛn .

Jean 1:14

Ndɛ sɔ'n kacili i wun sran, ɔ nin ye wa trannin, ɔ ti aklunyefuɛ nin nanwlɛfuɛ . E niɛnnin i anyrunnyan'n, ɔ ti anyrunnyan bɔ sɛ Ba b'ɔ ti kunngba'n i Si mɛn i-ɔ ɔ ti su .

Rɔmfuɛ Mun 8:3

Like nga Moiz mmla'n kwlɛ-mɛn i yo'n klɔ sran i nzuɛn'n ti'n, Nyanmiɛn bɔbɔ yoli. Kɛ ɔ yoli man i bɔbɔ i Wa'n kacili kɛ klɔ sran b'ɔ yo sa tɛ sa'n, b'ɔ sunmɛnnin i kɛ ɔ `yo tɛ nnɛn'n, ɔ kle kɛ sa tɛ b'ɔ ti klɔ sran nzuɛn'n ti tɛ, ɔ man sɛ ɔ wie'n, ɔ ti i su .

Mmla'n 33:16

Man i asiɛ'n i nun ninnge'm be yo kpa lele tra su. Zozɛf b'ɔ ti i niaan'm be su kpɛn'n, man Nyanmiɛn b'ɔ yili i wun nglo susrɛ nun'n, ɔ yo man ɔ nyan ye.

Mmla'n 4:20

Amun liɛ'n, Anannganman bɔbɔ ko fali amun nyrɛnnɛn dan nun Ezipt lɔ bali. I waan ɔ ´fa amun ´fa yo i nvle b'ɔ ti i liɛ klonglo kɛ amun fa ti ndɛ yɛ'n sa.

2 Tɛsalonikfuɛ Mun 1:7

yɛ ɔ man e nin amun bɔ an wun nyrɛnnɛn'n, e ´nyan é ti. Kɛ e Min Jésus wa yi i wun nglo'n, b'ɔ nin i anz'm bɔ be lɛ fanngan dan'n, be fin nyanmiɛn su lɔ be ´jra'n, yɛ ɔ ´yo i sɔ-ɔ.

Jɔlɛ Difuɛ Mun 13:13

Anannganman i anz'n seli Manɔak kɛ: «Like kwlaa nga n seli bla'n kɛ nán ɔ di'n, man ɔ ci. Like kwlaa b'ɔ fin vinyi i mma nun'n, nán ɔ kɛn i nuan.