Ezipt Lɔ Tulɛ'n 3:19 - NYANMIƐN NDƐ'N 1998

¹⁹ N si kɛ Ezipt famiɛn'n su man-man amun atin kɛ amun wɔ. San be ´miɛn i fii kpa.

Ezipt Lɔ Tulɛ'n 3:19 ပူးပေါင်းရင်းမြစ်များ

Ezipt Lɔ Tulɛ'n 10:20

Sanngɛ Anannganman yoli man famiɛn'n i anwlɛn'n keteli, ɔ man i waan ɔ yaci-man Izraɛlfuɛ'm be nun be kɔ-man.

Ezipt Lɔ Tulɛ'n 11:10

Moiz nin Aarɔn b'a dun mmua b'a yi atrɛ kpanngban kpa famiɛn'n nyrun, sanngɛ Anannganman yoli man i anwlɛn'n keteli. I sɔ'n ti, ɔ'a yaci-man Izraɛlfuɛ'm be nun kɛ be wɔ.

Ezipt Lɔ Tulɛ'n 11:9

Anannganman seli Moiz ekun kɛ: «Sɛ famiɛn'n waan ɔ fɛ i ti de-man ndɛ'n, kɛ ɔ ´yo nan m'an yi atrɛ kpanngban i mɛn'n nun'n i ti-ɔ.»

Ezipt Lɔ Tulɛ'n 13:15

Ezipt famiɛn'n waan be wu be bla, ɔ su kplin-man su kɛ e wɔ, i ti Anannganman yoli man Ezipt lɔ ba klikli'm be ngba be wuli. Kɛ ɔ fɛ i sran'm bé wa yasua klikli'm be su lele b'ɔ ´fa wlu nnɛn'm be liɛ nun be wuli. Sa nga ti bɔ e fa nnɛn'm bé wa yasua klikli mun e fa man Anannganman i bo yɛ ɔ o lɛ-ɔ, sanngɛ sran'm be liɛ'n, e kpɔ bé wa klikli'm bé ti.›

Ezipt Lɔ Tulɛ'n 4:21

Anannganman seli i ekun kɛ: «Abonuan ninnge wafa-wafa nga n yoli man a kwlali be yo lɛ'n, kɛ a ´sa ɔ́ sin Ezipt lɔ yɛ'n, yo i sɔ abonuan sa mun Ezipt famiɛn'n i nyrun. N wa yo man ɔ su sie-mɛn i su ɔ ndɛ'm bé bo, ɔ su yaci-man Izraɛlfuɛ'm be nun kɛ be wɔ.

Ezipt Lɔ Tulɛ'n 5:2

Ezipt famiɛn'n tɛli bé su kɛ: «?Wan yɛlɛ Anannganman bɔ mín nyin ko yi i bɔ i ti yɛ m man Izraɛlfuɛ'm be atin kɛ be wɔ-ɔ? N si-man Anannganman, yɛ n su man-man amun atin kɛ amun wɔ.»

Ezipt Lɔ Tulɛ'n 6:1

Anannganman seli Moiz kɛ: «Blɛ li yɛ a wa wun like nga n wa fa yo Ezipt famiɛn nin-ɔn. N wa miɛn i kɛ ɔ `yaci Izraɛlfuɛ'm be nun man be wɔ. Kɛ n wa miɛn i'n, ɔ wa kan bé bo kɛ be jaso i mɛn'n nun bɔbɔ.»

Ezipt Lɔ Tulɛ'n 8:28

Kɛ ɔ yoli sɔ'n, famiɛn'n wa keteli i anwlɛn'n ekun. I waan ɔ yaci-man Izraɛlfuɛ'm be nun nan be kɔ-man.

Ezipt Lɔ Tulɛ'n 9:35

Kɛ Anannganman man Moiz fa dun mmua kannin'n sa, famiɛn'n keteli i anwlɛn. I waan ɔ man-man Izraɛlfuɛ'm be atin kɛ be wɔ.

Ezipt Lɔ Tulɛ'n 9:7

Famiɛn'n sunmannin sran ko niannin Izraɛlfuɛ'm be wun lɔ, be wunnin kɛ Izraɛlfuɛ'm be nnɛn ba kun sa ɔ'a wu-man. Sanngɛ famiɛn'n i anwlɛn'n keteli ekun, kpɛkuun i waan ɔ yaci-man be nun nan be kɔ-man.