Ezipt Lɔ Tulɛ'n 3:18 - NYANMIƐN NDƐ'N 1998

¹⁸ Izraɛlfuɛ'm be ´fa ɔ nuan ndɛ'n su. Kɛ ɔ ko yo sɔ'n, a nin be kpɛnngbɛn mun, amun ko to Ezipt famiɛn'n. Amun `se i kɛ: ‹Anannganman, Ebre'm be Nyanmiɛn'n, e Nyanmiɛn'n, ɔ yili i wun nglo kleli ye. Man e atin nan e `fa cɛn nsan e `nanti e `wɔ aawlɛ flɛnnɛn'n nun lɔ, e `ko yi tɛ e man e Nyanmiɛn'n.›

Ezipt Lɔ Tulɛ'n 3:18 ပူးပေါင်းရင်းမြစ်များ

Bo Bolɛ 12:1

Anannganman seli Abram kɛ: «Jaso ɔ́ mɛn'n nun, jaso ɔ osufuɛ'm be afiɛn ɔ́ si i awlo'n nun kɔ mɛn nga n wa kle wɔ'n nun.

Bo Bolɛ 14:13

Be nga be wanndili'n be nun kun wa boli jasin sɔ'n kleli Abram b'ɔ ti Ebre'n. Kɛ ɔ ´yo sɔ'n, wuun Abram tran Mamre b'ɔ ti Amɔrfuɛ'n i sɛni waka'n bo lɛ. Mamre nin Ɛskɔl, ɔ nin Anɛr be ti niaan. Be nin Abram be trali aenguɛ.

Bo Bolɛ 15:1

Kɛ ɔ yoli sɔ'n, Anannganman fiteli Abram nyrun aolia nun nan ɔ'a se i kɛ: «Abram, nán srɛ kun wɔ. N ti wɔ sasafuɛ, ɔ mo yolɛ'n ɔ wa yo dan mín sa nun.»

Bo Bolɛ 17:1

Kɛ Abram dili afuɛ ablangwlan-nin-ngwlan'n, Anannganman fiteli i nyrun nan ɔ'a se i kɛ: «Nyanmiɛn b'ɔ kwla like kwlaa yo'n yɛlɛ min. Bo manndrɛn su min titi. Nán fiɛn kaan sa tran ɔ wun.

Bo Bolɛ 48:3

Kpɛkuun ɔ seli Zozɛf kɛ: «Nyanmiɛn b'ɔ kwla like kwlaa yo'n fiteli min nyrun Liz lɔ, Kanaan mɛn'n nun lɔ, ɔ bo muae klanman mannin min.»

2 Be Nyoliɛ 30:12

Zida lɔ kusu'n, Anannganman dili junman sran'm be nun, ɔ man be kwlaa be kplinnin su kɛ be ´yo sa bɔ Nyanmiɛn man famiɛn'n nin i awlo lɔ sran dandan'm be kannin'n i su sa.

Jue Mun 110:3

Blɛ nga a ´yiayia wɔ alɛ kunfuɛ'm bé nuan'n, sonja yakpafuɛ'm be nin wɔ-ɔ. Ɔ gbanflɛn'm be ´ba ɔ́ wun ɔ oka'm bé su, be ´ba kɛ nglɛmun bɔlɛ'n b'ɔ gua'n sa.

Ezipt Lɔ Tulɛ'n 10:3

Moiz nin Aarɔn be ko toli Ezipt famiɛn'n nan b'a se i kɛ: «Anannganman b'ɔ ti Ebre'm be Nyanmiɛn'n, ɔ usa wɔ kɛ: ‹?Ɔ wun ase nga ɔ waan a kɛn-mɛn i lɛ'n, a ´yo i sɔ lele ´fa ju cɛn onin? Man min sran'm be atin nan be kɔ su min.

Ezipt Lɔ Tulɛ'n 17:5

Anannganman tɛli Moiz su kɛ: «Sin sran'm be nyrun lɔ, kpa kpɛnngbɛn be nun sran wie mun kɛ be ko sunman wɔ. Kɛ a ´kɔ'n, man kpɔnman nga a fa finnin Nil nzue ba'n i nyin su'n ɔ tran ɔ́ sa nun.

Ezipt Lɔ Tulɛ'n 19:1

Izraɛlfuɛ'm be tuli bé bo Refidim lɔ. Kɛ be tuli Ezipt lɔ'n, be anglo nsan su'n i cɛn klikli'n su'n, be juli Sinai aawlɛ flɛnnɛn'n nun. Be kpɛli be ngblaliɛ aawlɛ flɛnnɛn'n nun Sinai oka'n i wun lɛ.

Ezipt Lɔ Tulɛ'n 25:22

Alaka'n i su tre'n i su lɛ yɛ e nin wɔ e wa yia-a, e ´yia anz nnyɔn'm be afiɛn'n nun lɛ. Lɛ yɛ n ´kan mín nuan su ndɛ n ´kle wɔ yɛ a ´kan kle Izraɛlfuɛ mun-ɔn.»

Ezipt Lɔ Tulɛ'n 3:12

Nyanmiɛn tɛli i su kɛ: «N jin ɔ́ sin, yɛ nian, nzɔliɛ b'ɔ kle kɛ min yɛ n sunman wɔ'n yɛ. Kɛ a ko fa Izraɛlfuɛ mun ko fite'n, amun wa su min oka nga su.»

Ezipt Lɔ Tulɛ'n 3:16

Siɛn'n, kɔ ko yia Izraɛl kpɛnngbɛn mun nan se be kɛ: ‹Anannganman b'ɔ ti amun nannan'm be Nyanmiɛn'n, Abraam nin Izaak, nin Zakɔb be Nyanmiɛn'n yili i wun nglo kleli min. Ɔ seli min kɛ ɔ buli afɛ nga amun o nun'n i akunndan, yɛ ɔ wunnin sa nga be fa yo amun Ezipt mɛn'n nun'n.

Ezipt Lɔ Tulɛ'n 30:36

Man be yo wie sanmlɛn nan be fa sanndi min alaka'n nyrun tannin sua'n nun lɛ kan e nin wɔ e ´yia lɛ'n. Man ayre sɔ'n yo amun nyrun like kun b'ɔ ti saun kpa.

Ezipt Lɔ Tulɛ'n 30:6

Man be sie min sɔwlɛ sɔ'n rido ng'ɔ kpɛ min alaka'n i nyrun'n i nyrun lɛ, be `sie i alaka'n i su tre nga be fa kata su'n i nyrun lɛ kan e nin wɔ e ´yia lɛ'n.

Ezipt Lɔ Tulɛ'n 4:1

Moiz seli Nyanmiɛn kɛ: «Nian, be su lafi-man min su, be su fa-man ndɛ nga n ´kan'n su. Be wa se min kɛ: ‹Anannganman ɔ'a yi-mɛn i wun nglo ɔ'a kle-man wɔ›.»

Ezipt Lɔ Tulɛ'n 4:23

N seli wɔ kɛ a yaci i nun nan ɔ ko su min, sanngɛ a kplin-man su. I sɔ'n ti, n wa yo man ɔ klun ba yasua klikli'n ´wu.› »

Ezipt Lɔ Tulɛ'n 4:24

Kɛ be ´kɔ bɔ be juli atin afiɛn'n, Moiz lali lika kun nun kɔnguɛ. Anannganman bali i wun lɛ, i waan ɔ yo nan ɔ wu.

Ezipt Lɔ Tulɛ'n 4:31

Kpɛkuun sran'm be lafili su, be wunnin i wlɛ kɛ Anannganman wunnin bé su afɛ'n, nan i waan ɔ ´yi i wun nglo nan ɔ ´de be. Be kotoli nan b'a su i.

Ezipt Lɔ Tulɛ'n 5:1

Kɛ ɔ yoli sɔ'n, Moiz nin Aarɔn be ko toli Ezipt famiɛn'n yɛ be seli i kɛ: «Ndɛ nga Anannganman b'ɔ ti Izraɛl Nyanmiɛn'n kan'n yɛ. I waan a yaci i sran'm be nun man be wɔ aawlɛ flɛnnɛn'n nun lɔ be ko di cɛn be mɛnmɛn i.»

Ezipt Lɔ Tulɛ'n 5:3

Moiz nin Aarɔn be seli i kɛ: «Ebre'm be Nyanmiɛn'n, Anannganman e Nyanmiɛn'n fɛli i wun kleli ye. Man e cɛn nsan man e fa nanti e wɔ aawlɛ flɛnnɛn'n nun lɔ nan e ko yi tɛ e mɛn i. Sɛ ɔ'a yo-man sɔ'n, ɔ ´fa alɛ nin tukpacɛ bɔ sa ndɛndɛ wie nunnun ye.»

Ezipt Lɔ Tulɛ'n 7:16

Kan kle famiɛn'n kɛ: ‹Anannganman b'ɔ ti Ebre'm be Nyanmiɛn'n sunmannin min kɛ n se wɔ kɛ: Yaci min sran'm be nun man be ko su min aawlɛ flɛnnɛn'n nun lɔ. Lele b'ɔ ´fa ju ndɛ'n, a klo-man kɛ ɔ́ su ti i sɔ ndɛ'n mlɔnmlɔn.

Ezipt Lɔ Tulɛ'n 8:1

Anannganman seli Moiz kɛ: «Kan kle Aarɔn kɛ ɔ fa kpɔnman'n nan ɔ man i sa'n su nzue ba mun nin nzue sama mun, ɔ nin fɛtɛ'm be su kɛ ɔ ´yo nan klɛ'm b'a fa Ezipt mɛn wunmuan'n ti.»

Ezipt Lɔ Tulɛ'n 8:20

Anannganman yoli i kɛ ɔ fa kannin'n sa. Ngɔnsiɛn bɔ be nuan yo ya'n be bali kaka kpa, be fali Ezipt mɛn wunmuan'n, be wluli famiɛn'n i sua'n nun lɔ, ɔ nin i mantanfuɛ'm be liɛ'm be nun. Ngɔnsiɛn sɔ'm be sacili Ezipt mɛn'n.

Ezipt Lɔ Tulɛ'n 8:23

Ɔ fata kɛ e fa cɛn nsan e nanti aawlɛ flɛnnɛn'n nun nan y'a ko yi tɛ nga e Nyanmiɛn'n ´kle ye'n y'a mɛn i.»

Ezipt Lɔ Tulɛ'n 9:1

Anannganman seli Moiz kɛ: «Kɔ ko to famiɛn'n lɔ nan se i kɛ: ‹Anannganman b'ɔ ti Ebre'm be Nyanmiɛn'n waan a yaci i sran'm be nun nan be wɔ be ko su i.

Ezipt Lɔ Tulɛ'n 9:13

Anannganman seli Moiz kɛ: «Ainman nglɛmun ndɛ kpa'n, jaso ko to famiɛn'n lɔ nan se i kɛ: ‹Anannganman b'ɔ ti Ebre'm be Nyanmiɛn'n, i waan a yaci i sran'm be nun nan be ko su i.

Ezai 64:5

E kwlaa y'a yo kɛ like fiɛn wie sa, yɛ é sa kpa nga e waan y'a yo be'n, be ti kɛ tralɛ bɔ mmoja ɔ'a guagua nun badaa'n sa. E kwlaa e glɔ kɛ waka nnya wie sa. Sɛ e ´kwla se'n, e sa tɛ'm be cuɛn e kɔ kɛ aunngban su fita nnya kee wie kɔ sa.

Zeremi 2:2

«Ko se Zerizalɛmfuɛ'm be kɛ: ‹Anannganman'n waan: Mantanlɛ nga kɛ amun tɛ yo kɛ talua sa'n amun nin min mantannin'n, klolɛ nga amun fa kloli min kɛ be fa klo bla bɔ b'a jɛ i uflɛ sa'n b'ɔ man an suli min su aawlɛ flɛnnɛn, bɔ be kwla di-man nun fie'n i nun'n, mín wla o su.

Zeremi 2:6

B'a usa-man kɛ: ‹?Anannganman'n b'ɔ fali ye Ezipt lɔ bali'n, b'ɔ kleli ye atin aawlɛ flɛnnɛn nun lɔ'n, ɔ liɛ lika kee sɔ'n, lika kunman-kunman sɔ'n, nzue we lika sɔ'n, awlaboɛ lika sɔ'n, lika bɔ sran fi sin-man nun'n, bɔ sran fi tran-man lɔ'n, Anannganman sɔ'n wo nin?

Zeremi 26:5

Amun `sie amún su min sufuɛ bɔ yɛlɛ min nuan ijɔfuɛ bɔ n sunmannin be amun sin'n be ndɛ bɔ be kan'n i bo. N sɔtɔli be sunmanlɛ nan andɛ sa-a, sanngɛ amun waan nán amun yɛ amun ko tie-ɔ.

Kalɛ 17:4

Sɛnmlɛn guawlɛ ninnge bɔ be fali aaba yɛ be yoli'n, bɔ be nga sin yrali be'n be fa bali Anannganman i manlɛ'n, Nyanmiɛn i nyrun jranfuɛ Eleazar fa yoli like paplaapla mun bɔ be ´fa kata Nyanmiɛn sɔwlɛ'n i wun'n.

Zozie 1:17

Kɛ é nyin fa yili Moiz'n, yɛ é nyin ´fa yi wɔ-ɔ. Nga e srɛ'n, yɛlɛ kɛ man Anannganman ɔ Nyanmiɛn'n jran ɔ́ sin kɛ ɔ jrannin Moiz sin'n sa.