Ezipt Lɔ Tulɛ'n 3:15 - NYANMIƐN NDƐ'N 1998

¹⁵ I sin Nyanmiɛn kan guali su kɛ: «Kan kle Izraɛlfuɛ mun kɛ: ‹Anannganman b'ɔ ti amun nannan'm be Nyanmiɛn'n, Abraam, nin Izaak, nin Zakɔb be Nyanmiɛn'n yɛ ɔ sunmannin min amún sin-ɔn.› Min dunman ng'ɔ o lɛ titi'n yɛ ɔ o lɛ-ɔ, dunman nga yɛ blɛ'n kwlaa nun sran'm be ´fa flɛ min-ɔn.

Ezipt Lɔ Tulɛ'n 3:15 ပူးပေါင်းရင်းမြစ်များ

Bo Bolɛ 24:12

Yɛ ɔ srɛli Nyanmiɛn seli kɛ: «Anannganman, min min Abraam i Nyanmiɛn, n ´srɛ wɔ, like nga m bɛli i kunndɛlɛ'n, yo man e nin i e yia nun andɛ man n wun kɛ a nin min min Abraam be o nun.

1 Be Nyoliɛ 16:16

Man amún wla kpɛn sa nga i waan ɔ ´yo man Abraam'n su. Yɛ man amún wla kpɛn nda ng'ɔ tali Izaak'n su.

1 Be Nyoliɛ 29:18

Anannganman, e nannan Abraam nin Izaak, ɔ nin Izraɛl be Nyanmiɛn, man ɔ nvle'n nunfuɛ'm be bu akunndan sa titi. Yɛ man be fa be wla'n gua wɔ su sakpa.

2 Be Nyoliɛ 28:9

Samari lɔ Nyanmiɛn nuan ijɔfuɛ kun wo lɔ, be flɛ i kɛ Obɛd. Ɔ ko kpali Izraɛl sonja'm bɔ be su sa bé sin be ba Samari'n be atin. Yɛ ɔ seli be kɛ: «Anannganman amun nannan'm be Nyanmiɛn'n fali ya Zidafuɛ'm bé wun. I sɔ'n ti yɛ ɔ yili be mannin amun nin-ɔn, kpɛkuun amun kusu amun kunnin be nyrɛnnɛn kunlɛ. Be kunlɛ sɔ'n i nganniɛn'n fuli lele juli nyanmiɛn su lɔ.

Jue Mun 102:12

M'an wie wu a wie! M'an yo kɛ ijre b'ɔ su wu kee'n sa.

Jue Mun 102:13

Sanngɛ Anannganman, ɔ liɛ'n a ti famiɛn tititi. Bé wla fi ɔ su-ɔ ɔ yo-man ye.

Jue Mun 135:13

Anannganman, ɔ dunman'n wo lɛ titi, ɔ mlin-man le.

Jue Mun 30:4

Anannganman, a yili min blɔlɔ lɔ fiteli. A cɛnnin min, yɛ wɔ man e nin be nga be la ndia'n nun lɔ'n ye afiɛn'n ɔ'a ti nun.

Jue Mun 30:5

Anannganman i sufuɛ nanwlɛfuɛ mun, amun `to jue bo flɛ i, afin i dunman'n ɔ lɛ-man wunsu. Amun `mɛnmɛn i.

Jue Mun 68:5

An `to jue manman Nyanmiɛn, amun `bo flɛ i! Amun `trɛ atin'n nun be `man sran b'ɔ fa nyanmiɛn ble'n yo i nnɛn kpanngɔ fu su'n. Ɔ suan Anannganman. Amun `tu kpɛn si able i nyrun.

Jue Mun 72:17

Nán famiɛn'n i dunman'n nunnun le. Man ɔ cɛ kɛ wia'n sa. Man sran'm be fɛ i dunman'n be yra be wiengu nguan. Man mɛnmɛn'm be nunfuɛ'm be kwlaa be se i kɛ: «Nja ɔ liɛ su ti ye!»

Jue Mun 72:19

Man e la Nyanmiɛn b'ɔ i dunman'n fu'n i ase tititi. Man i nyrun nyannyan'n yi asiɛ wunmuan'n. Man ɔ yo sɔ!

Ezipt Lɔ Tulɛ'n 15:2

Min wunmiɛn nga n lɛ i'n fin Anannganman. Anannganman ti yɛ n to jue nin-ɔn. I yɛ ɔ deli min-ɔn. Ɔ ti min Nyanmiɛn, m ´mɛnmɛn i. Ɔ ti min si i Nyanmiɛn, m ´mɛnmɛn i sakpa.

Ezipt Lɔ Tulɛ'n 15:3

Anannganman ti alɛ kunfuɛ, ɔ ti safunyrɛn. I dunman'n yɛlɛ Anannganman.

Ezipt Lɔ Tulɛ'n 3:13

Sanngɛ Moiz seli Nyanmiɛn kɛ: «Kɛ n wa ko to Izraɛlfuɛ'm be lɔ bɔ n ´se kɛ: ‹Amun nannan'm be Nyanmiɛn'n yɛ ɔ sunmannin min amún sin'n,› be wa usa min kɛ: ‹?Yɛ be flɛ i sɛ?› ?N ´tɛ be su sɛ?»

Ezipt Lɔ Tulɛ'n 3:6

N ti ɔ si i Nyanmiɛn, n ti Abraam, nin Izaak, nin Zakɔb be Nyanmiɛn.» Moiz kɛtɛli i nyrun, afin ɔ kwla nian-man Nyanmiɛn srɛ b'ɔ kun i'n ti.

Ezipt Lɔ Tulɛ'n 4:1

Moiz seli Nyanmiɛn kɛ: «Nian, be su lafi-man min su, be su fa-man ndɛ nga n ´kan'n su. Be wa se min kɛ: ‹Anannganman ɔ'a yi-mɛn i wun nglo ɔ'a kle-man wɔ›.»

Ezipt Lɔ Tulɛ'n 4:5

Anannganman waan: «Like nga a wa yo nan b'a lafi su kɛ min Anannganman bɔ n ti be nannan Abraam, nin Izaak, nin Zakɔb be Nyanmiɛn'n, n yili min wun nglo n kleli wɔ'n yɛ ɔ o lɛ-ɔ.»

Ezipt Lɔ Tulɛ'n 6:2

Nyanmiɛn seli Moiz ekun kɛ: «N ti ‹Anannganman›.

Nyanndra Mun 18:10

Anannganman ti kɛ awa dan wie bɔ b'a si'n sa. Sran kpa ng'ɔ wanndi ko talo i'n, ɔ nyan manndran.

Ezai 26:8

I sɔ'n ti, Anannganman, kɛ e o wɔ atin'n su'n, é wla o ɔ su. Ɔ kpanflɛlɛ'n nin ɔ dunman'n i bolɛ'n yɛ ɔ ti like bɔ e kunndɛ kɛ e ´yo-ɔ.

Ezai 42:8

N ti Anannganman, min dunman'n yɛ o lɛ-ɔ. N fa-man min nyrun bɔ n lɛ i'n m man-man sran, n fa man-man amuɛn mun.

Ezai 63:12

Ɔ fɛli i sa b'ɔ yo nyɛnmɛn'n ɔ suannin Moiz i sa fama'n i bo. Ɔ kpacili nzue'n nun be nyrun, ɔ man ɔ nyannin dunman b'ɔ nunnun-man'n.

Ezai 9:6

Ɔ ´yo man i sielɛ'n ɔ ´trɛ, yɛ ɔ man fɔundi'n ´tran lɛ tititi. Ɔ ´yo man David i sielɛ'n nin i famiɛn diwlɛ'n be ´yo kpa, yɛ be ´taka. Mmla'n i su falɛ'n nin sa nuan su yolɛ'n, be yo sielɛ sɔ'n nin famiɛn diwlɛ sɔ'n bé bo bia lele yɛ ɔ ´yo kɛ ɔ ´fa yo nin-ɔn. Anannganman b'ɔ sie mɛn wunmuan'n i klolɛ'n ti sa ng'ɔ wa yo'n yɛ ɔ o lɛ-ɔ .

Zeremi 33:2

Anannganman b'ɔ yili ninnge mun bɔ i yɛ man be o lɛ'n, i bɔ be flɛ i Anannganman'n, i waan:

Daniɛl 2:23

Min nannan'm be Nyanmiɛn, n ´la wɔ ase, m ´manman wɔ sa wlɛ wunlɛ nin wunmiɛn bɔ a mannin min'n ti. A fali like nga e srɛli wɔ'n a kleli min, a kle ye like nga famiɛn'n kunndɛ kɛ ɔ ´si i'n.»

Ndɛ Nga Nyanmiɛn I Nuan Ijɔfuɛ Oze Kannin'n 12:5

ɔ nin anz kun be tuli ngondin, ɔ boli anz'n. Nan ɔ'a sun ɔ'a se anz'n kɛ ɔ `yrɛ i nuan klanman mɛn i. Ɔ nin Nyanmiɛn be yiali Betɛl lɔ, lɔ yɛ Nyanmiɛn kannin ndɛ kleli i nin-ɔn .

Ndɛ Nga Nyanmiɛn I Nuan Ijɔfuɛ Oze Kannin'n 12:6

Nyanmiɛn b'ɔ sie mɛn wunmuan'n, bɔ be flɛ i Anannganman'n seli i kɛ:

Mise 4:5

Like nga nvle kun nga'm be ko yo nan ɔ'a jɔ be amuɛn'm be klun'n, yɛ be yo-ɔ. E kusu e liɛ nga e ko yo nan ɔ ko jɔ Anannganman e Nyanmiɛn'n i klun titi'n yɛ e yo-ɔ.

Malasi 3:6

«N ti Anannganman n kaci-man, i sɔ'n ti amun bɔ an ti Zakɔb i mma mun,

Matthieu 22:32

‹ɔ ti Abraam, nin Izaak, nin Zakɔb be Nyanmiɛn'n› i le? Nyanmiɛn ti-man be nga be wuli'n be liɛ, sanngɛ ɔ ti be nga be nyin o su'm be Nyanmiɛn.»

Sa nga bé yôli'n 3:13

Abraam, nin Izaak, nin Zakɔb be Nyanmiɛn b'ɔ ti e nannan'm be Nyanmiɛn kusu'n, ɔ yoli man i Sran Jésus nyannin nyrun, i yɛ an fɛ i mannin sran mun nin-ɔn, i yɛ kɛ Pilat waan ɔ ´yaci i nun, amu'an kplin-man su, bɔ an yili i blo nin-ɔn .

Sa nga bé yôli'n 7:32

ɔ seli kɛ: ‹Min yɛ n ti ɔ nannan'm be Nyanmiɛn nin-ɔn. N ti Abraam, nin Izaak, nin Zakɔb be Nyanmiɛn.› Moiz wun usuli i, ɔ'a kwla trɛ-mɛn i anwlɛn a niɛn-mɛn i.

Mmla'n 1:11

Man Anannganman amun nannan'm be Nyanmiɛn'n yo nan amun ´trɛ tra nga su kpɛ akpi, nan ɔ `yo amun ye kɛ ɔ kan kleli amun'n sa.

Mmla'n 1:35

‹Akpasua tɛ nga nun sran wie fi nyinma su ta-man mɛn nga n seli be nannan'm be kɛ n ´fa man be'n.

Mmla'n 4:1

Siɛn'n, Izraɛlfuɛ mun, amun `tie mmla fanunfanun nga n fa kle amun'n, amun `fa be su. I liɛ, amun ´tran nguan nun, kpɛkuun mɛn nga Anannganman amun nannan'm be Nyanmiɛn'n fa mannin amun'n, amun ´ko fa.

Hébreu 11:16

B'a yo-man sɔ, sanngɛ be kunndɛli nvle nga i kpa tra nvle sɔ'n, yɛlɛ nyanmiɛn su lɔ liɛ'n. I sɔ'n ti, kɛ be se kɛ ɔ ti be Nyanmiɛn'n, nyannzuɛn kun-mɛn i, afin ɔ'a yo klɔ kun a sie be .

Hébreu 13:8

Kɛ Jésus-Krist fa ti anunman'n, ɔ ti sɔ ndɛ, yɛ ɔ ti sɔ tititi.