Ezipt Lɔ Tulɛ'n 3:14 - NYANMIƐN NDƐ'N 1998

¹⁴ Nyanmiɛn waan: «Min ti Nyanmiɛn bɔ n wo lɛ titi'n. Ndɛ nga a wa kan kle Izraɛlfuɛ mun'n yɛ: ‹Nyanmiɛn b'ɔ wo lɛ titi'n sunmannin min amún sin.› »

Ezipt Lɔ Tulɛ'n 3:14 ပူးပေါင်းရင်းမြစ်များ

Zɔb I Nyrɛnnɛn Wunlɛ 11:7

?Ɔ kpa'n, a kwla si Nyanmiɛn i bo ndɛ mun? ?Nyanmiɛn b'ɔ kwla like kwlaa yo'n i dan'n i wafa b'ɔ ti'n, a kwla wun i wlɛ?

Jue Mun 68:4

Sanngɛ sran nga Nyanmiɛn bu be sran kpa'n, man be klun jɔ, man be tu be kpɛn Nyanmiɛn nyrun, man be bo sro.

Jue Mun 90:2

I sin nan b'a wun oka mun mɛn'n nun'n, nan mɛn'n bɔbɔ ɔ'a bo i bo'n, wuun a ti Nyanmiɛn, a ´ka sɔ tititi.

Ezipt Lɔ Tulɛ'n 15:3

Anannganman ti alɛ kunfuɛ, ɔ ti safunyrɛn. I dunman'n yɛlɛ Anannganman.

Ezipt Lɔ Tulɛ'n 23:21

Amun `nian amún wun kpa man amún nyin yi i. Nán amun jaso i wun. Ɔ su yaci-man amún nyin kekle'n su cɛ-man amun, afin min yɛ n sunmɛn i-ɔ.

Ezipt Lɔ Tulɛ'n 3:13

Sanngɛ Moiz seli Nyanmiɛn kɛ: «Kɛ n wa ko to Izraɛlfuɛ'm be lɔ bɔ n ´se kɛ: ‹Amun nannan'm be Nyanmiɛn'n yɛ ɔ sunmannin min amún sin'n,› be wa usa min kɛ: ‹?Yɛ be flɛ i sɛ?› ?N ´tɛ be su sɛ?»

Ezipt Lɔ Tulɛ'n 6:2

Nyanmiɛn seli Moiz ekun kɛ: «N ti ‹Anannganman›.

Ezipt Lɔ Tulɛ'n 6:3

Laa, n yili min wun nglo n kleli Abraam, nin Izaak, nin Zakɔb. Min dunman nga n fa kleli be'n yɛlɛ ‹Nyanmiɛn b'ɔ kwla like kwlaa yo'n,› sanngɛ b'a si-man kɛ be flɛ min ekun kɛ: ‹Anannganman›.

Ezai 42:8

N ti Anannganman, min dunman'n yɛ o lɛ-ɔ. N fa-man min nyrun bɔ n lɛ i'n m man-man sran, n fa man-man amuɛn mun.

Ezai 44:6

Anannganman b'ɔ ti Izraɛl famiɛn'n, b'ɔ kpɔli Izraɛlfuɛ'm bé ti'n, b'ɔ sie mɛn wunmuan'n, i waan: «Min yɛ n ti ninnge'm be kwlaa be klikli'n nin be kasiɛn nin-ɔn. Nyanmiɛn fi nun-man mín sin kun .

Matthieu 18:20

Afin lika nga sran nnyɔn annzɛ nsan be yia n dunman nun'n, n wo be nun.»

Matthieu 28:20

Yɛ like kwlaa nga n kleli amun'n, amun kusu an `kle be man be fa su. An `nian, min nin amun e o cɛn kwlaa lele mɛn'n ´fa wie.»

Jean 8:24

I sɔ'n ti yɛ n seli amun kɛ amún sa tɛ'n ´ka amun wun nan amun ´wu nin-ɔn, afin sɛ an lafi-man sran wafa nga n ti su'n, amún sa tɛ'n ´ka amun wun amun ´wu.»

Jean 8:28

I sɔ'n ti ɔ seli be kɛ: «Cɛn nga an man m bɔ n kacili Sran'n n su'n, i cɛn sɔ'n nun yɛ amun ´si n wafa nga n ti nin-ɔn. I cɛn sɔ'n nun yɛ amun ´si kɛ m bɔbɔ n kpɛ-man n klun n yo-man like fi san ndɛ nga n Si kan kle min'n yɛ n kan-an.

Jean 8:58

Jésus seli be kɛ: «Nanwlɛ, kɛ be ´wu Abraam'n, wuun n wo lɛ .»

2 Korɛntfuɛ Mun 1:20

Afin sa kwlaa nga Nyanmiɛn waan ɔ ´yo'n, Krist kplin su yɛ ɔ yiɛ i nuan. I sɔ'n ti, Jésus ti e kusu e yra é nuan se kɛ: «Man ɔ yo sɔ!» I sɔ'n nun Nyanmiɛn nyan nyrun.

Hébreu 13:8

Kɛ Jésus-Krist fa ti anunman'n, ɔ ti sɔ ndɛ, yɛ ɔ ti sɔ tititi.

Sa nglô yile 1:17

Kɛ n wunnin i'n, n finnin ase i bo lɛ, yɛ n kacili kɛ fuɛn sa. Ɔ fɛ i sa fama'n fuali min wun yɛ ɔ seli kɛ: «Nán srɛ kun wɔ ! Min yɛ n ti like'n kwlaa i klikli nin i awieliɛ nin-ɔn.

Sa nglô yile 1:4

Min Zan n ´klɛ fluwa nga blɛ amun asɔnun nso nga amun wo Azi mɛn'n nun'n. Man Nyanmiɛn b'ɔ o lɛ'n, b'ɔ o lɛ lalaa'n, b'ɔ ´ka lɛ'n, nin i wawɛ nso bɔ be wo i bia'n i nyrun lɛ'n, ɔ nin Jésus-Krist b'ɔ kan ndɛ nanwlɛ'n, b'ɔ ti Nyanmiɛn i Wa Kpɛn bɔ i yɛ ɔ yili cɛnlɛ'n, b'ɔ sie asiɛ'n su famiɛn mun'n, be man an nyan ye, yɛ man amún wun jɔ amun fɔuun ! Jésus-Krist sɔ'n klo ye, ɔ fɛ i wun yili é ti tɛ,

Sa nglô yile 1:8

Anannganman Nyanmiɛn b'ɔ kwla like kwlaa yo'n, b'ɔ o lɛ, b'ɔ o lɛ lalaa'n, b'ɔ ´ka lɛ'n, i waan: «N ti Alfa nin Omega .»

Sa nglô yile 4:8

Like nnan sɔ'n be lɛ ndɛwa nsiɛn-nsiɛn, yɛ nyinma o be wunnɛn'n kwlaa su. Wia nun nin kɔnguɛ be to jue se kɛ: «I nzuɛn'n nin klɔ sran liɛ'n ti'a kun, ɔ ti'a kun, ɔ ti'a kun. Nyanmiɛn b'ɔ kwla like kwlaa yo'n, ɔ o lɛ, ɔ o lɛ lalaa, yɛ ɔ ´ka lɛ!» Be yaci-man jue sɔ'n i tolɛ mlɔnmlɔn .