Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ezipt Lɔ Tulɛ'n 3:13 - NYANMIƐN NDƐ'N 1998

13 Sanngɛ Moiz seli Nyanmiɛn kɛ: «Kɛ n wa ko to Izraɛlfuɛ'm be lɔ bɔ n ´se kɛ: ‹Amun nannan'm be Nyanmiɛn'n yɛ ɔ sunmannin min amún sin'n,› be wa usa min kɛ: ‹?Yɛ be flɛ i sɛ?› ?N ´tɛ be su sɛ?»

အခန်းကိုကြည့်ပါ။ ကော်ပီ




Ezipt Lɔ Tulɛ'n 3:13
16 ပူးပေါင်းရင်းမြစ်များ  

Sran'n sɔ'n seli i kɛ: «Be su flɛ-man wɔ Zakɔb kun, be wa flɛ wɔ kɛ Izraɛl siɛn'n, afin a nin Nyanmiɛn nin sran mun tuli, wɔ yɛ a kwlali-ɔ.»


Anannganman ti alɛ kunfuɛ, ɔ ti safunyrɛn. I dunman'n yɛlɛ Anannganman.


Nyanmiɛn tɛli i su kɛ: «N jin ɔ́ sin, yɛ nian, nzɔliɛ b'ɔ kle kɛ min yɛ n sunman wɔ'n yɛ. Kɛ a ko fa Izraɛlfuɛ mun ko fite'n, amun wa su min oka nga su.»


Nyanmiɛn waan: «Min ti Nyanmiɛn bɔ n wo lɛ titi'n. Ndɛ nga a wa kan kle Izraɛlfuɛ mun'n yɛ: ‹Nyanmiɛn b'ɔ wo lɛ titi'n sunmannin min amún sin.› »


I sin Nyanmiɛn kan guali su kɛ: «Kan kle Izraɛlfuɛ mun kɛ: ‹Anannganman b'ɔ ti amun nannan'm be Nyanmiɛn'n, Abraam, nin Izaak, nin Zakɔb be Nyanmiɛn'n yɛ ɔ sunmannin min amún sin-ɔn.› Min dunman ng'ɔ o lɛ titi'n yɛ ɔ o lɛ-ɔ, dunman nga yɛ blɛ'n kwlaa nun sran'm be ´fa flɛ min-ɔn.


Kan kle famiɛn'n kɛ: ‹Anannganman b'ɔ ti Ebre'm be Nyanmiɛn'n sunmannin min kɛ n se wɔ kɛ: Yaci min sran'm be nun man be ko su min aawlɛ flɛnnɛn'n nun lɔ. Lele b'ɔ ´fa ju ndɛ'n, a klo-man kɛ ɔ́ su ti i sɔ ndɛ'n mlɔnmlɔn.


?Wan li cɛ yɛ ɔ'a fu Nyanmiɛn su lɔ bɔ ɔ'a ba-a ? ?Wan li cɛ yɛ ɔ'a fɛ i sa ɔ'a tra aunngban le-ɔ? ?Wan li cɛ yɛ ɔ'a fa nzue'n ɔ'a bo i tralɛ i nuan le-ɔ? ?Wan yɛ ɔ siesieli asiɛ'n i nuan su nin-ɔn? ?Sran sɔ'n be flɛ i sɛ? ?Be flɛ i wa'n sɛ? Sɛ a si i-ɔ, kan.


«I sɔ'n ti, cɛn kun n wa kle min nvlefuɛ mun n wafa bɔ n ti'n, be wa si kɛ min yɛ n se kɛ n su ba nin-ɔn .»


I sɔ'n ti Anannganman bɔbɔ ɔ wa man amun nzɔliɛ kun. Amun `nian, talua'n bɔ si-man bian'n ɔ wa wunnzɛ, ɔ wa wu ba yasua kun. Ɔ ´tɔn i dunman Emaniɛl .


Ɔ ´yo man i sielɛ'n ɔ ´trɛ, yɛ ɔ man fɔundi'n ´tran lɛ tititi. Ɔ ´yo man David i sielɛ'n nin i famiɛn diwlɛ'n be ´yo kpa, yɛ be ´taka. Mmla'n i su falɛ'n nin sa nuan su yolɛ'n, be yo sielɛ sɔ'n nin famiɛn diwlɛ sɔ'n bé bo bia lele yɛ ɔ ´yo kɛ ɔ ´fa yo nin-ɔn. Anannganman b'ɔ sie mɛn wunmuan'n i klolɛ'n ti sa ng'ɔ wa yo'n yɛ ɔ o lɛ-ɔ .


I blɛ su Zidafuɛ'm be ´nyan be ti, Izraɛlfuɛ'm be ´di alaje. Be wa flɛ i kɛ: ‹Anannganman'n ti e ti ndɛ kanfuɛ .›


Ɔ wa wu ba yasua, a ´tɔn i dunman kɛ Jésus, (bɔ i bo'n yɛlɛ Defuɛ), afin i yɛ ɔ wa de i nvle nunfuɛ'm bé sa tɛ bɔ be yo'n be nun-ɔn.»


«An `nian, talua b'ɔ nian si-man bian'n ɔ wa wunnzɛ, ɔ ´wu ba yasua, Be ´tɔn i dunman Emaniɛl,» bɔ i bo'n kle kɛ Nyanmiɛn nin ye o nun .


Abraam, nin Izaak, nin Zakɔb be Nyanmiɛn b'ɔ ti e nannan'm be Nyanmiɛn kusu'n, ɔ yoli man i Sran Jésus nyannin nyrun, i yɛ an fɛ i mannin sran mun nin-ɔn, i yɛ kɛ Pilat waan ɔ ´yaci i nun, amu'an kplin-man su, bɔ an yili i blo nin-ɔn .


Manɔak usali Anannganman i anz'n kɛ: «Bo ɔ dunman kle e nan kɛ ɔ ndɛ'n kpɛn su'n y'a manman wɔ.»


Bla'n ɔli ko kan kleli i wun'n kɛ: «Nyanmiɛn i sran wie wa toli min, sɛ Nyanmiɛn i anz a o, afin i nyrun'n yo sro. M'an usɛ-mɛn kan ɔ fin'n, i kusu ɔ'a bo-mɛn i dunman'n ɔ'a kle-man min.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ