12 Nyanmiɛn tɛli i su kɛ: «N jin ɔ́ sin, yɛ nian, nzɔliɛ b'ɔ kle kɛ min yɛ n sunman wɔ'n yɛ. Kɛ a ko fa Izraɛlfuɛ mun ko fite'n, amun wa su min oka nga su.»
Kɛ ɔ yoli sɔ'n, Anannganman fiteli Abram nyrun aolia nun nan ɔ'a se i kɛ: «Abram, nán srɛ kun wɔ. N ti wɔ sasafuɛ, ɔ mo yolɛ'n ɔ wa yo dan mín sa nun.»
Ezekias, n ´kan sa nga be wa ju'n n ´kle wɔ. Afuɛ'n, ninnge nga be fifi fie'm be su ngbɛn sa'n, bé su mma'n yɛ amun ´fa yo aliɛ be ´di-ɔ. Afuɛ ng'ɔ ´ba lɛ'n, amun ´di i sɔ ekun, sanngɛ afuɛ ng'ɔ ´su i su'n, amun ´lua ble, amun ´ta vinyi waka, amun ´di i su mma'n.
Moiz kɛnkɛn i sia Zetro b'ɔ ti Madian lɔ sraka yifuɛ'n i bua mun nin i boli mun. Cɛn kun ɔ kankannin nnɛn mun ɔli aawlɛ flɛnnɛn'n i sin lɔ, kpɛkuun ɔ ɔli Nyanmiɛn i oka nga be flɛ i Orɛb'n su lɔ.
Sanngɛ Moiz seli Nyanmiɛn kɛ: «Kɛ n wa ko to Izraɛlfuɛ'm be lɔ bɔ n ´se kɛ: ‹Amun nannan'm be Nyanmiɛn'n yɛ ɔ sunmannin min amún sin'n,› be wa usa min kɛ: ‹?Yɛ be flɛ i sɛ?› ?N ´tɛ be su sɛ?»
Kan ndɛ'n kle i, ndɛ nga ɔ fata kɛ ɔ kan'n, kan kle i. Blɛ bɔ amun ´ijɔ'n, m bɔbɔ n ´jran amun sran nnyɔn'n amun sin. N wa kle amun like nga ɔ fata kɛ amun yo'n.
Anannganman yoli nga Moiz srɛli i kɛ ɔ yo'n. Ɔ fuannin ngɔnsiɛn sɔ mun be jasoli famiɛn'n nin i mantanfuɛ mun, ɔ nin be nvle'n nunfuɛ'm bé wun lɛ be ɔli mmua. Ngɔnsiɛn tɛtɛ sɔ'n, ba kun sa ɔ'a ka-man lɛ.
Ezekias, n ´kan sa nga be wa ju'n n ´kle wɔ. Afuɛ'n, ninnge nga be fifi fie'm be su ngbɛn sa'n, bé su mma'n yɛ amun ´fa yo aliɛ be di-ɔ. Afuɛ ng'ɔ ´ba lɛ'n, amun ´di i sɔ ekun, sanngɛ afuɛ ng'ɔ ´su i su'n, amun ´lua ble, amun ´ta vinyi waka, amun ´di i su mma'n.
nán srɛ kun amun afin n jin amún sin. Nán amun klun titi amun bɔ amun ´nian wa ´nian wa-a, afin n ti amun Nyanmiɛn. N man amun fanngan, n uka amun. N fa ń sa fama bɔ wunmiɛn o nun'n n fa suan amún bo .
Sɛ amun ´sin nzue nyin su-ɔ, min nin amun yɛ e ´sin-ɔn. Sɛ amun ´kpɛ nzue ba mun'n, be su mɛn-man amun. Sɛ amun nanti sin nun'n, ɔ su yra-man amun, yɛ sin taaman'n su yo-man amun like fi.
Moiz seli kɛ: «Amun wa wun kɛ Anannganman yɛ ɔ sunmannin min sakpa kɛ n wa yo sa'n kwlaa nga n yo be lɛ mun-ɔn, nan nán m bɔbɔ min fanngan nun yɛ n yo be-ɔ.
Anannganman wun-man sa tɛ fi Zakɔb wun. Ɔ wun-man sa nga Izraɛlfuɛ'm be yo b'ɔ ti-mɛn i su-ɔ. Ɔ ti be Nyanmiɛn, ɔ nin be yɛ ɔ tran-an yɛ be mɛnmɛn i kɛ be fa manman famiɛn sa.
Kpɛkuun Anannganman seli Nɛn i wa Zozie kɛ: «Jran kekle, tra ɔ anwlɛn, afin wɔ yɛ a ´dun Izraɛlfuɛ'm be mmua yɛ a ´fa be wlu mɛn nga n tali be nda kɛ n ´fa man be'n nun lɔ-ɔ. E nin wɔ e o nun.»
Like nga amun ´yo'n, nán an yo i sika klolɛ'n ti. Man amún nyin yi like nga an lɛ i'n, afin Nyanmiɛn bɔbɔ seli kɛ: «N su yaci-man wɔ, n su kpɔci-man wɔ mlɔnmlɔn .»
Kpɔnman kun wo Anannganman i anz'n i sa nun. Ɔ fali waka sɔ'n i ti'n kannin nnɛn nin kpaun'n bɔ kpaun ayre nun-man nun'n, kpɛkuun sin fiteli yɛbuɛ'n nun ɔ yrali nnɛn nin kpaun'n. Kpɛkuun Anannganman i anz'n mlinnin i nyrun lɛ.
Ndɛ nga a wa ti i lɔ'n, ɔ wa wla wɔ fanngan. Ɔ man kɔ be nanmue nuan lɛ.» Yɛ ɔ nin i sufuɛ Pira be ɔli-ɔ. Be juli Madianfuɛ'm be nanmue nuan, be juli be nga be sasa lika'n bé wun koko lɛ.