Ezipt Lɔ Tulɛ'n 3:11 - NYANMIƐN NDƐ'N 1998

¹¹ Moiz seli Nyanmiɛn kɛ: «?Wan yɛlɛ min bɔ n wɔ n ko to Ezipt famiɛn'n lɔ nan n `yo man Izraɛlfuɛ'm be tu Ezipt lɔ-ɔ?»

Ezipt Lɔ Tulɛ'n 3:11 ပူးပေါင်းရင်းမြစ်များ

2 Samiɛl 7:18

I sin, famiɛn David ɔli Anannganman nyrun, nan ɔ'a se i kɛ: «Anannganman min Nyanmiɛn, kɛ n nian wafa nga e nin min osufuɛ mun e fa ti laa'n, n wun kɛ w'a man é su dan.

1 Famiɛn Mun 3:7

Anannganman min Nyanmiɛn, ɔ bɔbɔ yɛ a fali min sieli famiɛn mín si David i osu-ɔ. N kusu n tɛ yo bakan, n si-man mɛn sie.

1 Famiɛn Mun 3:9

I ti nga n ´usa'n yɛlɛ kɛ a man min ngwlɛlɛ nga n ko fa n ko sie ɔ nvle sɔ'n. Sɛ n lɛ ngwlɛlɛ'n, i liɛ n ´kwla si like ng'ɔ ti kpa ɔ nin ng'ɔ ti-man kpa'n be ngbaciɛ. Sɛ ɔ'a yo-man sɔ-ɔ, sran fi nun-man lɛ b'ɔ kwla sie ɔ nvle nin-ɔn, afin nvle sɔ'n ti dan.»

1 Be Nyoliɛ 29:14

?Wan yɛlɛ min nin min nvle'n nunfuɛ mun bɔ i ti yɛ man e kwla tu e klun e fa ninnge nga mun e man e bɔbɔ e fanngan nun-ɔn? Ninnge'n kwlaa fin wɔ, wɔ yɛ a mannin ninnge nga e fa mannin wɔ yɛ nin-ɔn.

Ezipt Lɔ Tulɛ'n 6:12

Moiz tɛli i su kɛ: «?Izraɛlfuɛ'm bɔbɔ b'a tie-man mín nuan ndɛ'n, yɛ famiɛn'n i li yɛ ɔ wa tie min bɔ n si-man ijɔ'n min ndɛ nin-ɔn?»

Zeremi 1:6

N tɛli su kɛ: «Ee min Min Anannganman, n ti bakan n si-man ijɔ .»

2 Korɛntfuɛ Mun 2:16

Be nga be su mlin'n be liɛ'n ɔ ti kɛ duwlɛ kpukpuwa sa, ɔ kun sran, yɛ be nga be su fite nun'n be liɛ'n ɔ ti like kpa, ɔ man be nyan nguan. ?Wan yɛ ɔ kwla di i sɔ junman nin-ɔn?

2 Korɛntfuɛ Mun 3:5

Nán kɛ e kwla sa wie yo b'ɔ man e bu e wun kɛ e bɔbɔ e kwla yo like wie-ɔ. Sanngɛ sa nga e yo be'n, Nyanmiɛn yɛ man e yo-ɔ.

Jɔlɛ Difuɛ Mun 6:15

Zedeɔn seli i kɛ: «?Nannan, nguɛ bɔ cɛ yɛ n ´fa de Izraɛl nvle nin-ɔn? Min awlo'n yɛ ɔ ti Manase akpasua'm be kasiɛn nin-ɔn. N kusu min yɛ n ti mín si i awlofuɛ'm be nun kaan-an.»

1 Samiɛl 18:18

David seli Sail kɛ: «?Nannan, n wolɛ nga n wo yɛ'n bɔ m bɔn-man like fi nin-ɔn, bɔ kusu mín si i afiliɛ nin i awlo'n be lɛ-man nyrun Izraɛl mɛn'n nun nin-ɔn, n yo famiɛn'n i sia-a, ɔ yo ye?»