Ezipt Lɔ Tulɛ'n 3:10 - NYANMIƐN NDƐ'N 1998

¹⁰ Siɛn'n, n ´sunman wɔ Ezipt famiɛn'n i wun lɔ. Ko fa Izraɛlfuɛ'm bɔ be ti min sran mun, man be tu Ezipt mɛn'n nun lɔ .»

Ezipt Lɔ Tulɛ'n 3:10 ပူးပေါင်းရင်းမြစ်များ

Bo Bolɛ 15:13

Yɛ Anannganman seli i kɛ: «Se kɛ sɛ, wɔ anunman'm be wa tran nvle wie nun. Be ´yo akua, be ´kle be yalɛ afuɛ kpakpa ya nnan .

Bo Bolɛ 15:14

Sanngɛ n ´tu i sɔ nvle liɛ nga be ´fa wɔ anunman'm be ´yo be akua'n be fɔ. Kɛ be ´jaso lɛ be ´kɔ'n, be ´nyan ninnge kpanngban.

Jue Mun 105:26

Nan ɔ'a sunman Moiz b'ɔ ti i sufuɛ'n, ɔ nin Aarɔn b'ɔ kpɛli i'n.

Jue Mun 77:20

A kpɛ wɔ atin'n jenvie'n nun. A yili wɔ sinwlɛ'n nzue dan'n nun. Sanngɛ b'a wun-man ɔ osu.

Ezipt Lɔ Tulɛ'n 12:40

Izraɛlfuɛ'm be trannin Ezipt lɔ afuɛ ya nnan afuɛ ablasan .

Ezipt Lɔ Tulɛ'n 12:41

Kɛ afuɛ ya nnan afuɛ ablasan'n wieli'n, cɛn kasiɛn'n su sɛsɛ'n, Anannganman i sran'm be tuli Ezipt lɔ. Be ´kɔ'n, be lɔngɔ su sɛsɛsɛ kɛ sonja mun sa.

Ezipt Lɔ Tulɛ'n 33:12

Moiz seli Anannganman kɛ: «Anannganman, a seli min kɛ n dun mmua sran nga'm be nyrun, sanngɛ w'a kle-man min sran nga a ´sunmɛn i b'ɔ ´uka min'n. I kusu a seli min kɛ a si min dunman'n, yɛ a ´yo min ye.

Ezipt Lɔ Tulɛ'n 33:13

Sɛ ɔ ti sɔ'n, wuun yi wɔ akunndan'm be nglo kle min. I sɔ nun yɛ n ´si wɔ yɛ n ´nyan ye ɔ́ sa nun-ɔn. Nian, nvle nga nunfuɛ'm be ti ɔ sran mun.»

Ezipt Lɔ Tulɛ'n 6:26

Aarɔn nin Moiz yɛ Nyanmiɛn seli be kɛ: «Amun `fa Izraɛlfuɛ mun Ezipt lɔ fite awlobo-awlobo sɛsɛsɛ» nin-ɔn.

Ndɛ Nga Nyanmiɛn I Nuan Ijɔfuɛ Oze Kannin'n 12:13

Zakɔb wanndi ɔli Mezopotami i nglo lɔ lika'n nun lɔ. Bla jalɛ ti Zakɔb b'ɔ suan Izraɛl ko yoli kanga. Bla dunman nun ti ɔ ko niannin nnɛn'm be su .

Mise 6:4

?Kɛ amun wo Ezipt lɔ bɔ amun ti kanga'n, bɔ n ko deli amun'n, bɔ n fali amun lɔ m bali'n, bɔ n yili Moiz, nin Aarɔn, ɔ nin Mari kɛ be dun mmua amun nyrun'n, tɛ yɛ n yoli amun-ɔn?

Sa nga bé yôli'n 7:34

N wunnin n sran'm bɔ be o Ezipt lɔ'n be nyrɛnnɛn bɔ be wun'n i, n tili be otolɛ'n, n jra bali be delɛ. I sɔ'n ti, bla man n sunman wɔ Ezipt lɔ .›

Sa nga bé yôli'n 7:36

I yɛ ɔ deli be Ezipt lɔ nin-ɔn. Ɔ yoli abonuan sa mun, ɔ yili atrɛ mun Ezipt lɔ, nin Ndɛma Jenvie nun, ɔ nin aawlɛ flɛnnɛn nun lɔ afuɛ ablanan .

Sa nga bé yôli'n 7:6

Nyanmiɛn seli i kɛ i anunman'm be wa yo aofuɛ nvle wie nun, be ´fa be kaci be kanga, be ´kle be nyrɛnnɛn afuɛ ya nnan.

Sa nga bé yôli'n 7:7

Sanngɛ nvle nga bɔ be ko yo be kanga'n, Nyanmiɛn seli kɛ ɔ nin be yɛ be ´kan-an. I sin, be ´jao mɛn sɔ'n nun be wa su i lika nga nun wa .

Jɔlɛ Difuɛ Mun 6:14

Anannganman niannin i siin, kpɛkuun ɔ seli i kɛ: «Fanngan ng'ɔ o ɔ nun lɛ'n, fa kɔ, ko de Izraɛl nvle'n Madianfuɛ'm bé sa nun. M bɔbɔ min yɛ n sunman wɔ-ɔ.»

1 Samiɛl 12:6

Samiɛl waan: «Anannganman i nyrun-ɔn. I b'ɔ fali Moiz nin Aarɔn kɛ be fa amun nannan mun Ezipt lɔ bla'n, i nyrun-ɔn.

1 Samiɛl 12:8

Kɛ Zakɔb ɔ nin i osufuɛ'm be ɔli Ezipt, bɔ be ´kle be nun'n, be sun flɛli Anannganman kɛ ɔ de be. Anannganman kusu sunmannin Moiz nin Aarɔn kɛ be ko fa be Ezipt lɔ bla, nan ɔ'a fa be ɔ'a sie mɛn nga nun wa.