Ezipt Lɔ Tulɛ'n 3:1 - NYANMIƐN NDƐ'N 1998

¹ Moiz kɛnkɛn i sia Zetro b'ɔ ti Madian lɔ sraka yifuɛ'n i bua mun nin i boli mun. Cɛn kun ɔ kankannin nnɛn mun ɔli aawlɛ flɛnnɛn'n i sin lɔ, kpɛkuun ɔ ɔli Nyanmiɛn i oka nga be flɛ i Orɛb'n su lɔ.

Ezipt Lɔ Tulɛ'n 3:1 ပူးပေါင်းရင်းမြစ်များ

1 Famiɛn Mun 19:19

Yɛ Eli fɛ i lɛ ɔli-ɔ. Ɔ ´ko to Safat i wa Elize-ɔ, ɔ su tu kacɛ. Nannin nnyɔn-nnyɔn fa blu-nin-nnyɔn be wo i nyrun. Ɔ o be fa blu-nin-nnyɔn su'n be wun lɛ. Eli sinnin i wun lɔ, kpɛkuun ɔ fɛli i tralɛ dan'n guɛli i su kɛ ɔ yo nan ɔ'a su i su'n ti.

1 Famiɛn Mun 19:8

Yɛ ɔ jasoli, ɔ dili like, ɔ nɔnnin nzue-ɔ. Ɔ man ɔ fali fanngan. Ɔ nantili cɛn ba ablanan, kɔnguɛ nin wia'n nun. Ɔ juli Orɛb, Nyanmiɛn i oka'n su lɔ.

Jue Mun 106:19

Be fali sika ɔkwlɛ be yili like wie kɛ nannin ba sa Orɛb oka wun lɔ. Be kotoli sika ɔkwlɛ sɔ'n i bo .

Ezipt Lɔ Tulɛ'n 17:6

Min kusu, n wa jran ɔ nyrun lɛ Orɛb oka'n i yɛbuɛ'n kun su. Fa kpɔnman fin yɛbuɛ sɔ'n, yɛ nzue wa fin nun fite, kpɛkuun be ´nɔn.» Moiz fali Nyanmiɛn i ndɛ ng'ɔ kannin'n su, kpɛnngbɛn'm be nyin ta nun.

Ezipt Lɔ Tulɛ'n 18:12

Zetro yili tɛ nga be yrɛ i nnɛn'n kɔlikɔli'n ɔ nin bo kun yolɛ i su tɛ mun. Ɔ yili be mannin Nyanmiɛn. Yɛ Zetro, nin Moiz, nin Aarɔn, ɔ nin Izraɛl kpɛnngbɛn'm be kwlaa be wa dili like Nyanmiɛn nyrun lɛ-ɔ.

Ezipt Lɔ Tulɛ'n 19:11

Man be siesie bé wun be minndɛ ainman sin, afin cɛn sɔ'n nun n wa jra Sinai oka'n su sran'm be kwlaa be nyrun.

Ezipt Lɔ Tulɛ'n 19:3

Moiz fuli oka'n su kɛ ɔ ´ko wun Nyanmiɛn wun. Nyanmiɛn o oka'n i ti su lɔ, ɔ flɛ Moiz seli i kɛ: «Ndɛ ng'ɔ fata kɛ a kan kle Zakɔb i awlo'n bɔ yɛlɛ Izraɛlfuɛ mun'n yɛ:

Ezipt Lɔ Tulɛ'n 2:16

Madian lɔ sraka yifuɛ'n lɛ ba bla nso. I wa bla nso'm be bali nzue salɛ kɛ be ´fa guɛ i bé si i nnɛn'm be nzue nɔnwlɛ ninnge'm be nun, nan nnɛn'm be `nɔn.

Ezipt Lɔ Tulɛ'n 2:18

Kɛ be sali be sin bé si Zetro wun lɔ'n, ɔ usali be kɛ: «Ai! ?Ɔ yoli sɛ bɔ ndɛ amun ba ndɛ sɔ-ɔ?»

Ezipt Lɔ Tulɛ'n 2:21

Moiz kplinnin su kɛ ɔ nin bian sɔ'n be ´tran. Zetro fɛli i wa bla kun mɛnnin i kɛ ɔ jɛ i. Be flɛ i kɛ Sefora.

Ezipt Lɔ Tulɛ'n 24:13

Moiz nin Zozie b'ɔ ti i sufuɛ'n be fuli Nyanmiɛn i oka'n su lɔ.

Ezipt Lɔ Tulɛ'n 3:12

Nyanmiɛn tɛli i su kɛ: «N jin ɔ́ sin, yɛ nian, nzɔliɛ b'ɔ kle kɛ min yɛ n sunman wɔ'n yɛ. Kɛ a ko fa Izraɛlfuɛ mun ko fite'n, amun wa su min oka nga su.»

Ezipt Lɔ Tulɛ'n 3:5

Anannganman seli i kɛ: «Nán mantan susrɛ'n wa. Yi ɔ ja ngbabua'n, afin lika nga a o nun yɛ'n ti min Nyanmiɛn min lika.

Ezipt Lɔ Tulɛ'n 33:6

Kɛ Izraɛlfuɛ'm be jasoli Orɛb oka'n wun lɛ bɔ be ´kɔ'n, be yiyili be wun blɛ dilɛ ninnge mun.

Ezipt Lɔ Tulɛ'n 4:18

Moiz sɛli i sin i sia Zetro wun lɔ, ɔ seli i kɛ: «Ɔ fata kɛ n wɔ min niaan Izraɛlfuɛ nga be o Ezipt lɔ'n be osu nianlɛ. N ´ko nian sɛ be tɛ o nguan nun o.» Zetro seli Moiz kɛ: «N tili. Nanti ye o!»

Ezipt Lɔ Tulɛ'n 4:27

Anannganman seli Aarɔn kɛ: «Kɔ aawlɛ flɛnnɛn'n nun lɔ ko kpa Moiz i atin.» Aarɔn ɔli, ɔ ko toli i niaan bian'n Nyanmiɛn i oka'n su lɔ, kpɛkuun ɔ tɔli i nun.

Amɔs 1:1

Tekoa lɔ nnɛn kankanfuɛ nga be flɛ i kɛ Amɔs i nuan su ndɛ yɛ ɔ o fluwa nga nun-ɔn. Anannganman yili Izraɛl mɛn'n i wun ndɛ'n i nglo kleli i. Kɛ ɔ yili kleli i sɔ'n, i afuɛ nnyɔn b'ɔ ´ju'n yɛ asiɛ'n kejeli-ɔ. Blɛ sɔ nun'n, wuun Ozias yɛ ɔ ti Zida famiɛn nin-ɔn. Zɔas i wa Zeroboam kusu yɛ ɔ ti Izraɛl famiɛn nin-ɔn .

Kalɛ 10:29

Moiz kannin ndɛ kleli Ɔbab b'ɔ ti Moiz i sia Reiɛl i wa yasua'n. Reiɛl ti Madianfuɛ. Moiz seli Ɔbab kɛ yoo: «Lika nga bɔ Anannganman seli kɛ ɔ ´fa man ye'n, i nun yɛ e su kɔ lɛ. Bla man e wɔ, e ´yo wɔ kpa, afin Anannganman kannin kɛ ɔ wa yo Izraɛlfuɛ'm be kpa.»

Kalɛ 10:33

Be tuli be bo Anannganman i oka'n wun lɛ be nantili cɛn ba nsan. Be fa Nyanmiɛn i alaka'n dun mmua be nyrun nan ɔ ´kunndɛ lika kpa kun nga be ko tran nun'n.

JÉSUS-CHRIST I DYASIN FE'N BO LUC KLELI'N 2:8

Mɛn kunngba sɔ'n nun'n, bua sunianfuɛ'm be la blo lɔ be nian be bua'm be su kɔnguɛ.

Sa nga bé yôli'n 7:30

Kɛ ɔ dili afuɛ ablanan'n Madian lɔ'n, anz kun fiteli Moiz nyrun aawlɛ flɛnnɛn nun lɔ kan oka'n bɔ be flɛ i Sinai'n wo lɛ'n. Sin taaman b'ɔ o susrɛ kun su'n i nun yɛ ɔ fiteli sɔ nin-ɔn.

Mmla'n 1:2

Kɛ a fɛ i Orɛb oka'n su lɔ bɔ a ´fa ju Kadɛs-Barnea lɛ'n, sɛ a fa Seir oka'm be atin'n, ɔ ti cɛn ba blu-nin-kun nantilɛ.

Mmla'n 1:6

Moiz waan: «Kɛ e o Orɛb oka'n su lɔ'n, Anannganman e Nyanmiɛn'n seli e kɛ: Amu'an tran oka nga bo wa b'a cɛ dan.

Mmla'n 4:10

Nán amún wla fi cɛn nga amun jrannin Anannganman amun Nyanmiɛn'n i nyrun Orɛb lɔ'n i su. Ɔ seli min kɛ: «Flɛflɛ sran mun man be bla min wun wa. N ´kan ndɛ kle be nan be nyin ɔ'a yi min titi kɛ be o Kanaan asiɛ'n su wa'n. Be kusu ndɛ nga n kan'n, ɔ fata kɛ be fa kle be osu nunfuɛ mun.»

Jɔlɛ Difuɛ Mun 4:11

Ebɛr b'ɔ ti Kenfuɛ'n, ɔ nin Moiz i sia liɛ Ɔbab i osu'n nunfuɛ mun b'a kwla tran-man. Ɔbab ti Kenfuɛ'm be nannan. Ebɛr ko kplɛnnin i tannin sua liɛ'n Zananim lɔ Sɛni waka'n i wun lɔ, lika sɔ'n ɔ o Kedɛs klɔ i wun koko lɛ.

1 Samiɛl 16:11

I sin ɔ usali Izai kɛ: «?Ɔ mma yasua'm be ngba yɛ?» I waan: «Be nun kaan'n yɛ ɔ ka-a, i yɛ ɔ nian bua'm bé su-ɔ.» Samiɛl seli Izai kɛ: «Man be ko flɛ i. Sɛ ɔ nian ba-man'n, e nian yi-man tɛ'n.»