Ezipt Lɔ Tulɛ'n 28:7 - NYANMIƐN NDƐ'N 1998

⁷ Man be yo i bue nnyɔn nga be sin be wati su'n be su nyanman nnyɔn. Nyanman sɔ mun yɛ be ´fa tra efɔd i ase-ɔ.

Ezipt Lɔ Tulɛ'n 28:7 ပူးပေါင်းရင်းမြစ်များ

Ezipt Lɔ Tulɛ'n 28:25

Man be fa nyanman mun bé ti kun mun be cici sika ɔkwlɛ buati nnyɔn nga be o efɔd'n i nyanman'n su'n bé su. Kɛ ɔ yo sɔ'n liɛ'n, pata kaan'n kwla tran be nyrun wa.

Ezipt Lɔ Tulɛ'n 28:6

«Be fa lɛn nyanman b'ɔ sɔ kpa'n yɛ be fa yo efɔd nin-ɔn. Man be fa bua ndrɛ be flanflan lɛn nun. Man bua ndrɛ'n wie yo ɔkwlɛ srosrowa, wie `yo ɔkwlɛ kankankan, yɛ wie `yo ɔkwlɛ youun. Man be fa sika ɔkwlɛ be yo i nun nzɔliɛ mun.

Ezipt Lɔ Tulɛ'n 28:8

Cisu nga be fa ci efɔd'n su'n, man be wafa'n yo kɛ efɔd'n bɔbɔ sa. Nyanman nga be fa yo cisu sɔ'n, man wie yo ɔkwlɛ srosrowa, wie `yo ɔkwlɛ kankankan, yɛ wie `yo ɔkwlɛ youun. Yɛ man be nin efɔd'n be sa su kunngba.

Ezipt Lɔ Tulɛ'n 39:18

Yɛ be fali bé ti kun nga mun be cicili sika ɔkwlɛ buati nnyɔn nga be o efɔd'n i sa'm be su'n be su, kɛ ɔ ´yo nan pata kaan'n ɔ'a ka bé nyrun wa'n ti.

Ezipt Lɔ Tulɛ'n 39:4

Be yoli efɔd'n i sa nnyɔn i nuan'n su kɛ ɔ ´yo nan b'a kwlɛ wla'n ti.