Ezipt Lɔ Tulɛ'n 28:3 - NYANMIƐN NDƐ'N 1998

³ I sɔ'n ti, se tannin wufuɛ'm be kwlaa nga n fali min ngwlɛlɛ'n n wlali be nun'n man be kpa Aarɔn i tralɛ ng'ɔ wa wla be'n blɛ bɔ be ´fɛ i wla min junman'n nun'n. Yɛ kɛ ɔ ´di junman'n, tralɛ sɔ'n yɛ ɔ wa wla-a.

Ezipt Lɔ Tulɛ'n 28:3 ပူးပေါင်းရင်းမြစ်များ

Ezipt Lɔ Tulɛ'n 35:10

Man amun nun sran nga bé sa si ngwlɛlɛ kpa'n be bla be wa yo like nga Anannganman waan be yo be yɛ mun:

Ezipt Lɔ Tulɛ'n 35:25

Bla nga be sa si ngwlɛlɛ'n, be toli lɛn nyanman plili'n kɛ be fa to jese'n sa be fa bali. Yɛ be toli bua ndrɛ ɔkwlɛ srosrowa nin ɔkwlɛ kankankan, ɔ nin ɔkwlɛ youun, be fa bali ekun.

Ezipt Lɔ Tulɛ'n 35:30

Moiz seli Izraɛlfuɛ'm be kɛ: «Amun `nian, Anannganman kpali Bɛzaleɛl, b'ɔ fin Zida akpasua'n su'n, Iri i wa-a, yɛ ɔ ti Ir i anunman.

Ezipt Lɔ Tulɛ'n 35:31

Ɔ fɛli i wawɛ'n mɛnnin i kɛ wawɛ'n sɔ'n `sie i, yɛ ɔ `mɛn i akunndan nin ngwlɛlɛ nin sa silɛ, kɛ ɔ `si junman wafa'n kwlaa di.

Ezipt Lɔ Tulɛ'n 35:35

Ɔ mannin be ninnge wafa-wafa'm be yolɛ i wun cɛlɛ kɛ be `fa di junman kwlaa. Junman sɔ'm be wie yɛ: yɛbuɛ kpakpa'm be sɛlɛ, ninnge uflɛ wie'm be sɛlɛ, tannin ɔkwlɛ srosrowa nin ɔkwlɛ kankankan, ɔ nin ɔkwlɛ youun, yɛ lɛn nyanman kanngan plili'n be wulɛ nin be nun klɛklɛlɛ. Ɔ mannin be ngwlɛlɛ kɛ be fa di junman wafa-wafa'm be kwlaa, nan be bɔbɔ be `kwla kpɛ bé ti nun like be yo.»

Ezipt Lɔ Tulɛ'n 36:1

«Bɛzaleɛl yɛ Ɔɔliab nin junman difuɛ kun nga mun bɔ be si junman di'n, bɔ Anannganman mannin be akunndan nin ngwlɛlɛ kɛ be fa di junman'n, be dili tannin sua nga Anannganman yi i wun nglo nun'n su junman'n i kwlaa kɛ Anannganman kan kleli be kɛ be `yo'n sa'n.»

Ezipt Lɔ Tulɛ'n 36:2

Moiz yiali Bɛzaleɛl, nin Ɔɔliab, yɛ junman difuɛ'm be kwlaa bɔ Anannganman mannin be ngwlɛlɛ'n bɔ be waan be ´tu be klun di be junman'n i kpa'n.

Nyanndra Mun 2:6

afin Anannganman yɛ ɔ man akunndan nin-ɔn. Sa silɛ'n nin ngwlɛlɛ'n be fin i.

Ezai 11:2

Anannganman i wawɛ'n wo i su. Wawɛ sɔ'n ɔ ti ngwlɛlɛ wawɛ, nin sa kpa'n yɛ sa tɛ'm be silɛ wawɛ, nin sa siesielɛ wawɛ, nin wawɛ b'ɔ kwla yo sa ng'ɔ siesie kɛ ɔ ´yo'n, ɔ ti wawɛ b'ɔ man be si Anannganman, b'ɔ man be ´nyin yi i.

Efɛzfuɛ Mun 1:17

Yɛ n srɛ e Min Jésus-Krist i Nyanmiɛn b'ɔ ti e Si b'ɔ lɛ nyrun'n kɛ ɔ fɛ i Wawɛ'n man amun man an si ngwlɛlɛ. Yɛ n srɛ i kɛ ɔ `yi i wun nglo nan an si i kpa.

Mmla'n 34:9

Ngwlɛlɛ wawɛ'n ɔ trannin Nɛn i wa Zozie i nun afin Moiz fɛli i sa'n fuɛli i su. Ɔ man Izraɛlfuɛ'm bé nyin yili i. Be niannin ndɛ nga Anannganman kan kleli Moiz'n su be yoli.

Jacques 1:17

Like kpa kwlaa nga be fa man sran'n, ɔ nin like kpa kwlaa nga be nyɛn i'n, be fin e Si b'ɔ o nglo lɔ b'ɔ yili anglo'n, nin nzraama, ɔ nin wia'n bɔ be kpaja'n. I liɛ'n ɔ kaci-man mlɔnmlɔn, yɛ ɔ kpɛ-mɛn i wun kɛ lolɛ b'ɔ kpɛ i wun'n sa.