Ezipt Lɔ Tulɛ'n 28:2 - NYANMIƐN NDƐ'N 1998

² Yo Aarɔn i tralɛ mun wafa ngunmin, man be yo nyɛnmɛn, man be yo man i nyrun ba nyan.

Ezipt Lɔ Tulɛ'n 28:2 ပူးပေါင်းရင်းမြစ်များ

Zɔb I Nyrɛnnɛn Wunlɛ 40:10

Sɛ a ti sɔ'n, wuun yo ɔ́ wun kɛ sran dan wie bɔ i nyrun ba nyan'n sa. Yo ɔ́ wun kɛ famiɛn b'ɔ lɛ nyrun'n sa.

Jue Mun 132:16

N ´fa be ti nyanlɛ'n n wla Nyanmiɛn nyrun jranfuɛ'm bé wun kɛ tralɛ sa. I nun lɔ Nyanmiɛn sufuɛ nanwlɛfuɛ'm be ´bo sro.

Jue Mun 132:9

Man ɔ nyrun jranfuɛ'm be wla sa'n i nuan su yolɛ'n kɛ be wla tralɛ'n sa, yɛ man ɔ sufuɛ nanwlɛfuɛ'm be bo sro.

Jue Mun 149:4

Afin Anannganman i nvlefuɛ'm bé ti, i klun ti jɔwa. Ɔ bu be nga be kan bé wun ase'n be sran, i ti ɔ de be.

Jue Mun 96:6

Ɔ ti dan sakpa, ɔ nin sulɛ fata. Kan ɔ tran lɛ'n ɔ ti kpajawa yɛiin, yɛ ɔ yi i fanngan'n i nglo lɛ.

Ezipt Lɔ Tulɛ'n 28:40

Aarɔn i mma'm be liɛ'n, man be yo tralɛ tɛnndɛn mun be man be. Be `yo cisu mun, nin kle mun be man be ekun. Be like-ɔ, be `wla be. I sɔ'n ´kle kɛ be lɛ nyrun.

Ezipt Lɔ Tulɛ'n 29:28

I sɔ'n ti, blɛ kwlaa nun'n, kɛ Izraɛlfuɛ'm be ´yi bo kun yolɛ i su tɛ'n, man be yi nnɛn i lika sɔ mun be fa man Aarɔn nin i osu'n nunfuɛ mun tititi, afin be ti be liɛ.

Ezipt Lɔ Tulɛ'n 31:10

ɔ nin tralɛ nga be ti wafa ngunmin bɔ be ´fa di min sua nun junman'n, ɔ nin min nyrun jranfuɛ Aarɔn nin i mma'm be tralɛ nga be ´wla fa di min junman'n,

Ezipt Lɔ Tulɛ'n 40:13

Aarɔn i tralɛ ng'ɔ wla fa jran min nyrun'n, fa wlɛ i wun nan guɛ i ti su ngo. Fɛ i wlɛ mín sa nun nan ɔ `yo min nyrun jranfuɛ nan ɔ `di min junman'n.

Ezai 4:2

Cɛn kun'n, mma nga Anannganman luali'n ɔ ´yo nyɛnmɛn. Ɔ ´yo anyrunnyan like. Mma sɔ'n ɔ ´fifi. Ɔ ´yo Izraɛlfuɛ nga be ka'n be liɛ. Ɔ man be ´nyan kɔmin. Yɛ be ´fa di be nuan .

Ezai 52:1

Amun `tinnge! Amun `tinnge! Siɔnfuɛ mun, amun `jran kekle! Zerizalɛmfuɛ mun, amun bɔ amun tran Nyanmiɛn i klɔ'n su'n, amun `wla amun cɛn dilɛ tralɛ mun! Afin be bɔ be wla-man klɛn'n, bɔ be ti fiɛn'n, be su wlu-man wa kun .

Ezai 61:10

N klun'n ɔ jɔ dan Anannganman ti, mín wun'n ɔ blibli min kpa min Nyanmiɛn'n ti. Afin sɛ sran'm be delɛ'n ti tannin'n, wuun n ´se kɛ ɔ fa katali mín wun. Yɛ sɛ sa nga be yo i nuan su'n ti tralɛ'n, wuun n ´se kɛ ɔ fa wlali min wun. M'an yo kɛ atɔnvlɛ yasua b'ɔ wla kle klanman'n sa. M'an yo kɛ atɔnvlɛ bla b'ɔ wlawla i afle kpakpa mun'n sa.

Ezai 61:3

I waan nán Siɔnfuɛ bɔ be o sɛ nun'n be fa nzuɛn gua bé ti'n su kun. I ti i waan m blɛ be kle klanman. I waan nán be tran aunnvuɛ-aunnvuɛ kun. I ti i waan m blɛ be ngo fannin. I waan nán bé wla bo kun. I ti i waan m blɛ be cɛn dilɛ tralɛ. I liɛ'n, be ´flɛ be kɛ Sɛsɛ Yolɛ Waka Mun. Yɛ be ´flɛ be ekun kɛ Fie B'ɔ Yi Anannganman i Nyrun Nyannyan'n i Nglo.

Ezai 64:6

Sran fi kpan flɛ-man wɔ kun, ɔ kpɛn-man sran fi klun kɛ ɔ `fɛ i wun mantan wɔ, afin a kaci ɔ́ sin si ye, yɛ a yaci e lɛ man e sa tɛ'm be tin e su.

Saun Yolɛ 8:30

Nyanmiɛn i ngo'n, ɔ nin mmoja ng'ɔ o Nyanmiɛn i sɔwlɛ'n su'n, Moiz fali kan, ɔ fa kpɛntɛn-kpɛntɛnnin Aarɔn wun ɔ nin i tralɛ'm bé su. Kɛ ɔ yoli Aarɔn liɛ'n b'ɔ wieli'n, kpɛkuun ɔ fa kpɛntɛn-kpɛntɛnnin Aarɔn i mma'm bé wun ɔ nin be tralɛ'm bé su wie. Ɔ man Aarɔn nin i mma mun, ɔ nin bé wun tralɛ'n be kwlaa be kacili Nyanmiɛn liɛ klonglonglo.

Jean 1:14

Ndɛ sɔ'n kacili i wun sran, ɔ nin ye wa trannin, ɔ ti aklunyefuɛ nin nanwlɛfuɛ . E niɛnnin i anyrunnyan'n, ɔ ti anyrunnyan bɔ sɛ Ba b'ɔ ti kunngba'n i Si mɛn i-ɔ ɔ ti su .

Rɔmfuɛ Mun 13:14

An `fa e Min Jésus-Krist yo kɛ amun nyrɛn sa. Nán an bu like nga klɔ sran i konvi sɔ i'n i akunndan kɛ amun ´yo.

Rɔmfuɛ Mun 3:22

Nyanmiɛn bu be kwlaa nga be lafi Jésus-Krist su'n be sran kpa, afin i nyrun'n, sran fi kpa tra-man wie.

Galasifuɛ Mun 3:27

Amun kwlaa bɔ kɛ an yoli batɛm'n amun nin Krist amu'an kaci sran wunmuan'n, amun nzuɛn liɛ'n ɔ'a fɛ i liɛ'n.

Hébreu 2:9

Sanngɛ e wun Jésus bɔ Nyanmiɛn yoli man anz'm be kpa trɛli i le nnyɔn kun'n. Nyanmiɛn i aklunye'n ti ɔ wuli sran'm be kwlaa be ti. Siɛn'n e wun i anyrunnyan dan b'ɔ lɛ i'n nin ayɛ bɔ be yi i'n nyrɛnnɛn wie'n b'ɔ wuli'n ti.

Hébreu 7:26

Nanwlɛ, Nyanmiɛn nyrun jranfuɛ'm be su kpɛn nga y'a nyɛn i yɛ'n, yɛ e kunndɛ nin-ɔn. Ɔ ti Nyanmiɛn liɛ klonglonglo sa tɛ kaan sa nun-mɛn i wun, ɔ nin sa tɛ yofuɛ'm be sanman nun, yɛ Nyanmiɛn mɛnnin i tranwlɛ kpa nglo mmua-mmua lɔ.

2 Piɛr 1:17

I le kunngba nga e Si Nyanmiɛn ´mɛnmɛn i b'ɔ ´yi i ayɛ'n, e bɔbɔ e wo i bo. Ɔ tili i nɛn b'ɔ fin lika'n b'ɔ kpaja nyannyan'n nun'n, ɔ seli kɛ: «Min anwlɛn su ba'n yɛ, i su yɛ n wla'n kwlaa wo-ɔ.»

1 Jean 3:2

N sran kpa mun, siɛn'n e ti Nyanmiɛn i mma mun, sanngɛ wafa nga e ´kaci ju'n, e nian wun-mɛn i ka, sanngɛ e si kɛ, kɛ Krist wa yi i wun nglo'n, e ´kaci kɛ i sa, afin e ´wun kɛ ɔ fa ti'n.

Sa nglô yile 19:8

Be man ɔ'a kla lɛn kplɔkɔɔ nyannyan b'ɔ ti yɛiin'n.» Lɛn kplɔkɔɔ sɔ'n yɛlɛ sa nga Nyanmiɛn sran'm be yo b'ɔ ti su'n.

Sa nglô yile 5:10

Ɔ man b'a kaci e Nyanmiɛn'n i awlo sran bɔ be trɛn i nyrun. Be yɛ be ´sie sran mun asiɛ'n su wa-a .»