Ezipt Lɔ Tulɛ'n 28:1 - NYANMIƐN NDƐ'N 1998

¹ «Moiz, fa ɔ niaan bian Aarɔn nin i wa Nadab, nin Abii, nin Eleazar, ɔ nin Itamar man be bla ɔ́ wun wa. Sie be ngunmin man be di min nyrun jranlɛ junman'n.

Ezipt Lɔ Tulɛ'n 28:1 ပူးပေါင်းရင်းမြစ်များ

1 Be Nyoliɛ 23:13

Amram wuli Aarɔn nin Moiz. Be sieli Aarɔn nin i osu'n nunfuɛ'm be kwlaa be ngunmin kɛ be `di junman Nyanmiɛn i sua'n i lika kpa tra su'n nun tititi, nan be yi sraka nga be yra ansans be man Anannganman'n, nan be su i, nan i sin be fɛ i dunman'n be yra sran'm be nguan.

1 Be Nyoliɛ 6:10

Ɛlkana i wa ekun yɛlɛ Amazai nin Asimɔt.

1 Be Nyoliɛ 6:34

Aarɔn nin i osu'n nunfuɛ'm be yi tɛ mun Nyanmiɛn sɔwlɛ'n su, yɛ be fa ansans be yi sraka kan be yi sraka lɛ'n. Be yɛ be di Nyanmiɛn i lika kpa tra su'n nun lɔ junman'n kwlakwla-a. Be yɛ be yi Izraɛlfuɛ'm be sa tɛ'm be ti tɛ nin-ɔn. Be nian ndɛ nga Moiz b'ɔ ti Nyanmiɛn i sran'n kannin'n su yɛ be yo-ɔ.

2 Be Nyoliɛ 11:14

Levifuɛ'm be yacili be tranwlɛ mun nin be asiɛ mun be ɔli Zerizalɛm nin Zida mɛn'n nun, afin Zeroboam nin i mma'm b'a kplin-man su kɛ be `di be Nyanmiɛn nyrun jranlɛ junman'n.

Jue Mun 115:10

Aarɔn osu nunfuɛ mun, an `fa amun wla'n guɛ i Anannganman su. «Ɔ ti sran'm be ukafuɛ, ɔ sasa be kɛ nyrɛn sa.»

Jue Mun 99:6

Moiz nin Aarɔn bɔ be ti Anannganman nyrun jranfuɛ'n, ɔ nin Samiɛl b'ɔ bo i dunman'n, kɛ be kpan flɛli i'n, ɔ tɛli be su.

Ezipt Lɔ Tulɛ'n 24:1

Anannganman seli Moiz kɛ: «Fu mín sin oka'n su wa, a nin Aarɔn, nin Nadab, nin Abii, ɔ nin Izraɛl kpɛnngbɛn'm be nun ableso. Amun `jran mmua lɔ nan amun `koto mín bo.

Ezipt Lɔ Tulɛ'n 24:9

Kɛ ɔ yoli sɔ'n, Moiz, Aarɔn, Nadab, Abii yɛ Izraɛl kpɛnngbɛn ableso'm be fuli oka'n su lɔ.

Ezipt Lɔ Tulɛ'n 28:41

Wɔ, Moiz, fa ɔ niaan bian Aarɔn nin i mma'm be tralɛ mun wla be, nan fa ngo gua bé ti su. I sin fa junman'n wla bé sa nun. Sie be ngunmin kɛ ng'ɔ o lɛ'n sa kɛ ɔ ´yo nan b'a su min nan b'a yo min nyrun jranfuɛ mun'n ti.

Ezipt Lɔ Tulɛ'n 29:1

Nian, kɛ a ´fa Aarɔn nin i mma mun wla mín sa nun kɛ be `di min nyrun jranlɛ junman'n, like nga a wa yo'n yɛ: «Fa nannin tola bɔ b'a kpɛ cro'n kun nin bua nene nnyɔn bɔ lɛ fi sa nun-man bé wun'n.

Ezipt Lɔ Tulɛ'n 29:44

M bɔbɔ n ´sie tannin sua sɔ'n nin min sɔwlɛ'n be ngunmin. Kɛ n ´sie Aarɔn nin i mma'm be sɔ-ɔ. Be ´su min yɛ be ´yo min nyrun jranfuɛ mun.

Ezipt Lɔ Tulɛ'n 29:9

Fa be cisu mun ci be afiɛn, fa bé kle mun wla bé ti. Kpɛkuun min nyrun jranlɛ junman'n ɔ ´ka bé sa nun titi. I sɔ mmla liɛ'n su kaci-man le. Wafa nga a ´fa Aarɔn nin i mma mun a ´sie kɛ be yo min nyrun jranfuɛ mun'n yɛ ɔ o yɛ:

Ezipt Lɔ Tulɛ'n 30:30

Fa ngo kunngba sɔ'n wie gua Aarɔn nin i mma'm bé su, sie be ngunmin kɛ ɔ ´yo nan b'a kwla yo min nyrun jranfuɛ'n ti.

Ezipt Lɔ Tulɛ'n 31:10

ɔ nin tralɛ nga be ti wafa ngunmin bɔ be ´fa di min sua nun junman'n, ɔ nin min nyrun jranfuɛ Aarɔn nin i mma'm be tralɛ nga be ´wla fa di min junman'n,

Ezipt Lɔ Tulɛ'n 35:19

tralɛ nga be ti wafa ngunmin bɔ be fa di Nyanmiɛn i sua'n nun junman'n, Nyanmiɛn nyrun jranfuɛ Aarɔn i tralɛ mun, i mma nga be jran Nyanmiɛn nyrun wie'n be tralɛ mun. »

Ezipt Lɔ Tulɛ'n 6:23

Aarɔn jali Eliseba b'ɔ ti Aminadab i wa bla'n, b'ɔ i kunngba'n ɔ ti Naksɔn i niaan bla'n. Ɔ nin i be wuli ba nnan, be dunman mun yɛ: Nadab, Abii, Eleazar, Itamar.

Saun Yolɛ 10:1

Aarɔn i wa yasua'm be nun nnyɔn Nadab nin Abii, likɛ sunman pɔpɔti nga be yra ansans nun'n, be nnyɔn'n, nga fɛ i liɛ nga fɛ i liɛ, kpɛkuun be guali be nun sin. Be fali ansans be guali su. I sɔ sin liɛ b'ɔ ti-man Anannganman liɛ'n, bɔ nán nga b'ɔ kleli kɛ be fa'n, kpɛkuun b'a fa ju Anannganman nyrun.

Saun Yolɛ 10:12

Moiz seli Aarɔn nin i klun ba yasua nnyɔn'm bɔ bé nyin tɛ o su'n Eleazar nin Itamar be kɛ yoo: «Ble sanmlɛn mlɛnnɛnnɛn kpa nga be fa blɛli Anannganman'n, kɛ be ko fɛ i liɛ'n, i onga ng'ɔ ka'n, amun `fa nan amun `fa tɔn kpaun be `di. Kpaun sɔ'n, sɛ amun ´tɔn-ɔn nán amun gua nun kpaun ayre. Sɛ amun ´di kusu-ɔ amun `di i Nyanmiɛn i sɔwlɛ'n wun koko lɛ, afin i sɔ aliɛ liɛ'm be ti Anannganman liɛ mlɔnmlɔn.

Saun Yolɛ 7:35

Nnɛn'n i wue nin i sɔwa fama nga be yili be mannin Anannganman, be ti Aarɔn nin i wa yasua mun be liɛ. Kɛ ɔ fin cɛn bɔ be fa be sieli i Nyanmiɛn nyrun jranfuɛ'n, ɔ ti be liɛ.

Saun Yolɛ 8:1

Anannganman seli Moiz kɛ yoo:

Saun Yolɛ 8:2

«Flɛ Aarɔn nin i wa yasua mun man be wɔ tannin sua nga n yi min wun nglo nun'n i nyrun lɔ. Tralɛ nga min nyrun jranfuɛ'm be wla'n, ɔ nin ngo nga be fa gua bé ti su'n, fa be bla. Nannin tola nga be fa yi min kpatalɛ tɛ'n, fa bla. Bua nene nnyɔn'n nin gbogbo nga kpaun nga b'a gua-man nun kpaun ayre'n o nun'n, fa be bla.

Kalɛ 18:7

Sanngɛ wɔ Aarɔn, ɔ liɛ'n, a nin ɔ mma mun amun `di min nyrun jranlɛ junman'n min sɔwlɛ'n su nin min lika kpa i nun rido'n i sin lɔ. M bɔbɔ min yɛ n fɛli i sɔ junman'n m mannin amun-ɔn. Sɛ sran uflɛ wunnge mín wun wa'n, man be kun i .»

Kalɛ 26:61

Sanngɛ Nadab nin Abii be ko fali sin b'ɔ ti-man Anannganman i liɛ'n, bɔ nán ng'ɔ kleli kɛ be fa'n, be wa yrali ansans mannin Anannganman nan b'a wu.

JÉSUS-CHRIST I DYASIN FE'N BO LUC KLELI'N 1:8

Le kun bɔ Nyanmiɛn nyrun jranlɛ junman'n toli Abia akpasua liɛ'n, bɔ Zakari o lɛ ɔ ´di i junman'n,

Mmla'n 10:6

I sin'n, Izraɛlfuɛ'm be fɛli i Zakanfuɛ'm be nzue gbo i wun lɛ be ɔli Mɔzera. Lɛ yɛ Aarɔn wuli-ɔ. Be sieli i lɛ, nan i wa Eleazar ɔ'a sin i ajalɛ nun, ɔ yoli Nyanmiɛn nyrun jranfuɛ.

Mmla'n 18:5

Afin be yɛ Anannganman amun Nyanmiɛn'n ɔ niannin amun akpasua'm be nun, nan ɔ'a kpa be nin be osu nunfuɛ'm be kɛ be jrɛn i nyrun nan be su i titi nin-ɔn.

1 Samiɛl 2:28

N kpali ɔ nannan Aarɔn Izraɛl akpasua'm be kwlakwla be nun kɛ ɔ yo min nyrun jranfuɛ nan ɔ `kan mín nuan su ndɛ'n kle sran mun, nan ɔ `fu min sɔwlɛ'n su'n, ɔ `yra ansans. N fali Izraɛlfuɛ'm bé tɛ nga be yrɛ i nnɛn'n kɔlikɔli'n n fa mannin i nin i osu nunfuɛ mun.