Ezipt Lɔ Tulɛ'n 27:8 - NYANMIƐN NDƐ'N 1998

⁸ Man be fa waka paplaapla yɛ be yo min sɔwlɛ'n nin-ɔn, yɛ man kunman tran min sɔwlɛ sɔ'n i klun, man be yo i kɛ n fa kleli wɔ oka'n su wa sa.»

Ezipt Lɔ Tulɛ'n 27:8 ပူးပေါင်းရင်းမြစ်များ

1 Be Nyoliɛ 28:11

Nyanmiɛn i sua'n, i jajalɛ nga David bɔbɔ jajali i fluwa su fa mannin Salomɔn'n, ɔ kle Nyanmiɛn i sua bɔbɔ kpa'n i kplanlɛ'n i wafa'n. Sua ba nga be ´mantan Nyanmiɛn i sua'n lɛ'n, nin sua ba nga be ´gua ninnge kpakpa'm be nun'n, nin nglo lɔ sua ba mun'n, nin sua ba nga be ´tran sua'n klun lɔ'n, ɔ nin Nyanmiɛn i alaka'n i siewlɛ'n, be kwlaa be yolɛ wafa'n be o fluwa sɔ'n su .

1 Be Nyoliɛ 28:19

David waan: «Ninnge'm be jajalɛ nin be wafa kwlaa nga be o lɛ'n, Anannganman yɛ ɔ klekleli min yɛ n klɛli-ɔ. Yɛ i bɔbɔ Anannganman'n yɛ man n wunnin i kplanwlɛ wafa'n kwlaa i wlɛ-ɔ.»

Ezipt Lɔ Tulɛ'n 25:40

Moiz, nian su man be yo i kɛ nga n fa kleli wɔ oka'n su lɔ'n sa.»

Ezipt Lɔ Tulɛ'n 25:9

Kɛ amun ´yo tannin sua nga n yi min wun nglo nun'n nin i klun lɔ ninnge mun'n, amun `nian jajalɛ nga n wa fa kle amun yɛ'n su yɛ amun yo-ɔ.»

Matthieu 15:9

Be manman min ngbɛn, yɛ be kle like nga sran'm be kan'n kɛ ɔ ti Nyanmiɛn mmla .› »

Sa nga bé yôli'n 7:44

Kɛ e nannan'm be o aawlɛ flɛnnɛn nun lɔ'n, be lɛ tannin sua'n b'ɔ kle kɛ Nyanmiɛn nin be o lɛ. Moiz yoli i wafa nga Nyanmiɛn kleli i kɛ ɔ yo'n .

Hébreu 8:5

Be Nyanmiɛn nyrun jranlɛ junman nga be di'n, ɔ ti nyanmiɛn su lɔ liɛ kpa'n i nzɔliɛ ɔ nin i wawɛ. Kɛ Moiz liɛ'n kusu ti sɔ-ɔ. I nun nga ɔ wa kplan tannin sua'n, Nyanmiɛn seli i kɛ: «I wafa nga n kleli wɔ oka'n su lɔ'n, niɛn i kwlaa'n su kpa yo .»