Ezipt Lɔ Tulɛ'n 27:3 - NYANMIƐN NDƐ'N 1998

³ Man be fa aaba yo min sɔwlɛ'n i wun ninnge nga be o yɛ mun: like nga be fa tu nzuɛn'n, peli mun, kpongbo dandan mun, atiɛ je mun, ɔ nin like nga be gua ansans nun'n.

Ezipt Lɔ Tulɛ'n 27:3 ပူးပေါင်းရင်းမြစ်များ

1 Famiɛn Mun 7:40

Iram yoli kpongbo mun, nin peli mun, ɔ nin klowa nga be fa gua nzan mun. Ɔ wieli junman nga famiɛn Salomɔn fa mɛnnin i kɛ ɔ `di i Anannganman i sua'n su'n i di. Ɔ yoli:

1 Famiɛn Mun 7:45

nzuɛn guawlɛ like mun, peli mun, ɔ nin klowa nga be fa gua nzan mun. Anannganman i sua'n nun ninnge sɔ nga bɔ famiɛn Salomɔn man Iram yoli be'n, ɔ fali aaba nglannglannglan yɛ ɔ yoli be kwlaa-a.

1 Famiɛn Mun 7:50

kpongbo mun, laliɛ mun, klowa nga be gua nun like bɔ be fa kpɛntɛn-kpɛntɛn ninnge'm be su, klowa mun, nzuɛn guawlɛ bɔ be fali sika ɔkwlɛ jrɛiin be yoli'n, like nga be fa tra Nyanmiɛn i lika kpa tra su'n i anuan'm be ase'n, ɔ nin like nga be fa tra Nyanmiɛn i sua'n i anuan'm be ase'n, ninnge sɔ'm be ti sika ɔkwlɛ.

2 Famiɛn Mun 25:14

Be fali aaba ninnge nga be fa su Nyanmiɛn'n i kwlakwla. Ninnge sɔ mun yɛlɛ blalɛ sɛ mun, peli mun, laliɛ mun, yɛ klowa mun.

2 Famiɛn Mun 25:15

Gladi difuɛ'm bé su kpɛn'n fali ninnge nga be fa tu nzuɛn'n nin klowa mun. Ninnge sɔ'm be kwlaa be ti sika ɔkwlɛ nin jɛtɛ ufue.

1 Be Nyoliɛ 28:17

Sika ɔkwlɛ atiɛ je dandan mun, nin sika ɔkwlɛ kpongbo dandan mun, nin klowa conjronjo nga be ´fa sika ɔkwlɛ jrɛiin be ´yo be'n, ɔ nin klowa mun bɔ be ´fa sika ɔkwlɛ annzɛ jɛtɛ ufue be ´yo be'n, ɔ kleli be wafa'n. Klowa sɔ mun'n, ɔ kleli be nun kunngun be nɔnnin-nɔnnin'n nuan'n.

2 Be Nyoliɛ 4:11

Iram yoli nzuɛn guawlɛ mun, nin peli mun, ɔ nin klowa mun. Kɛ ɔ yoli ninnge sɔ mun'n yɛ Nyanmiɛn i sua'n i wun junman bɔ Salomɔn fa wlɛli i sa nun kɛ ɔ yo'n wieli-ɔ.

2 Be Nyoliɛ 4:16

Ɔ yoli nzuɛn guawlɛ like mun, nin peli mun, ɔ nin atiɛ je dandan nga be fa sran nnɛn'n. Ninnge nga Iram-Abi yoli mannin famiɛn Salomɔn Anannganman i sua'n su'n, be kwlaa be ti aaba nglannglannglan.

Ezipt Lɔ Tulɛ'n 24:6

Moiz sɔli nnɛn'm be mmoja'n, ɔ fɛli i bue guɛli i kpongbo'm be nun, yɛ ɔ fɛli i bue utuli i Nyanmiɛn i sɔwlɛ'n su.

Ezipt Lɔ Tulɛ'n 27:19

Min tannin sua'n i nun ninnge nga be fa di i nun junman mun'n, man be fa aaba yɛ be yo be-ɔ. Man be fa aaba yɛ be fa yo tannin sua'n i kpɛngbɛ mun nin awa'n i liɛ mun-ɔn.»

Ezipt Lɔ Tulɛ'n 27:2

Man be yo i cɔnjɔ nnan'm bé su like kɛ nnɛn wɛ sa, man like sɔ'm be nin min sɔwlɛ'n be sa su kunngba. Man be klo aaba be guɛ i kwlaa'n su.

Ezipt Lɔ Tulɛ'n 27:4

Man be wlɛ i cɔnjɔ nnan'm bé su aaba nga kunngun. Man be yo aaba griazi.

Ezipt Lɔ Tulɛ'n 38:3

Be yoli Nyanmiɛn sɔwlɛ sɔ'n i wun ninnge nga be o yɛ mun: kpongbo nga be fa tu nzuɛn'n, peli mun, klowa mun, atiɛ je mun, ɔ nin like nga be gua ansans nun be yrɛ i'n. Be fali aaba yɛ yoli be kwlaa sɔ mun-ɔn.

Saun Yolɛ 16:12

Sɛnmlɛn ng'ɔ o min sɔwlɛ'n su min nyrun lɔ'n, ɔ `ko fa wie ɔ `wa guɛ i sɛnmlɛn guawlɛ like'n nun, ɔ `fla ansans nzuɛn'n i sa buɛ nnyɔn, kpɛkuun kɛ n wo lɛ'n bɔ tannin dan'n ɔ kpɛ lɛ'n, ɔ `fa ninnge sɔ'm be ngba wlu lɔ.

Kalɛ 4:14

Be `fa ninnge nga be fa yi tɛ'n be kwlaa be `sie su, nzuɛn tulɛ like mun o, atiɛ je mun o, peli mun o, kpongbo dandan mun o. Man be cici i kwlaa sɔ'm bé wun nin nnɛn kplo ng'ɔ sɔ kpa'n, yɛ man be fa min sɔwlɛ'n i waka floloflolo'm be wla i sa'm be nun.